Burcad Badeedyada Dalka & Khatarta ay ku hayaan Dunida Caalamka.
Dagaalladii sokeeye ee Soomaaliya ayaa waxaa ka mid ah waxyaabihii laga dhaxlay
Burcad Badeedyadaan aan la garanayn cid ay ka amar qaataan kuwaas oo dhibaato
fara badani ku haya Ganacsatada Soomaaliyeed iyo Maraakiibta dunida Caalamka u
kala gooshta iyo kuwa sida dhuumaalaysiga uga kalluumaysta Dalka Soomaaliya
,burcad badeedyadaan ayaa waxay noqdeen kuwa ka qafaasha Maraakiibta badaha u
dhexeeya Soomaaliya iyo Yeman waxayna Codsadaan Madax furasho Lacageed oo aad
iyo aad u fara badan oo aan xad lahayn sidoo kalena waxay geystaan dhac ,boob
iyo afduub aan caadi ahayn oo ay ku sameeyaan raydka.
Haddaba, DFKMG ahi ee taagta yari waxay isku deyday sidii ay wax uga qaban
lahayd ,sidoo kale Maamul Goboleedyada Puntland iyo Somaliland ayaa iyaguna isku
dayey inay wax ka qabtaan hase ahaatee maxay tahay sababta loo qaban la'yahay
Burcadaani , Su'aashani ayaa ah mid jawaabteedu ku xiran tahay marka hore in Xal
loo helo Qabiilka iyo ku dhaqankiisa Qaabka Xun buracaadi waxay ka soo jeedaan
Qabaa'illo Soomaaliyeed waxayna hormood u yihiin inay Qabiiladooda iyo
Odayaashooda u noqdaan kuwa u soo qaada Madax furashada iyo Baadda ay u soo
Qafaashaan Maraakiibta Shisheeye ee Dulmaraya Badaha Waaweyn.
Tallaabadii ay qaaday Dowladda Faransiiska ayaa waxay ahayd mid loo baahnaa iyo
sidii ay ciribtirtay Burcadii Qafaalatay Markabkii iyo Shaqaalihii Faransiiska
ahaa iyo Dalxiiskii saaraa iyadoo burcadaasi qaar ka mid ah ay Maxaabiis ku
yihiin Dhul Shisheeye oo aysan weligood filayn in ay Maxbuus ku noqdaan ,haddaba
burcadu ujeeddadoodu maxay tahay? ma Dalkay u diidan yihiin in ay Maraakiibtu
soo galaan oo ka Kalluumaystaan ama Sunta ku Daadiyaan ? Maya ee Burcaddu waxay
doonayaan inay helaan Malaayiin Lacageed oo Madax furasha ah taasina Xal ma ah
"Bad Toogte ayaa isu bedelay Burcad Badeed" Laakiin "Cir Toogte wuxuu isu
bedelay Isbaarayste" oo labaduba weli Isbaaradii ayaa u taal Badda iyo Berriga
Kaddib markii ay burcadaani ay geystyeen dhac iyo afduub fara badan ayaa Dunida
Caalamku waxay isku dayayaan sidii Xal loogu heli lahaa in la sugo Nabadda
Badaha Dalka Soomaaliya ,waxaanna ku mashquulsan Hay'adda Qaramada Midoobay iyo
Hay'adado kale iyadoo weliba uu socdo Shirkii Dib heshiisiinta ee Dalka oo lagu
qabanaayey Jabuuti ayaa waxay burcad badeedani Qafaasheen Markab ay leedahay
Dowladda Malaysia iyo Shaqaalihii saarnaa taasina ay abuuri karta Cawaaqib xumi
Siyaasadeed ee dhex marta Soomaaliya iyo Malaysia arrintani ayaa waxay ku soo
beegantay iyadoo Qaramada Midoobay ay uga go'an tahay in Soomaaliya loo diro
Ciidamo Shisheeye oo Xoojiya kuwa AMISOM ee ku sugan Dalka Gudihiisa.
Rajada Shirka Jabuuti ayaa wuxuu yahay mid farxad gelin kara Shacabka
Soomaaliyeed ee Nabadda jecel waxaanna laga filayaa natiijo guul leh haddii uu
ku socdo sidii loogu talagalay arrimahan Bucad Badeeduna waxay noqon doonaan
Tallaabooyinka ugu horeeya ee wax looga qaban doono haddii Alle idmo ,Nabaddu
waxay ku baahi doontaa Badda iyo Berrigaba Shacabku waxay u baahan yihiin Nabad
waxayna ku imaan kartaa oo keliya in "Qalanka la Qaato oo Qorigana la Dhigo ",
Shacaku way dulman yihiin Dhallinyardii oo dhammi way Hubaysan yihiin kuwa Dalka
waxaaba ka sii daray kuwii Dibadaha joogay oo Hub sita .
Gabagabashii iyo Maqaalkani ku saabsanaa Burcad Badeeda ayaannu ku soo koobayaa
gacamo wadajir bay wax ku gooyaan haddii aannu kawada shaqayn Nabadda Dalku
horumar ma gaarayo ,Dunidana waxaannu ka noqonaynaa kuwa aan isku filanayn , Qof
waliba oo Soomaali ahi waa inuu ka shaqeeyaa sidii Dalka loo Xasillin lahaa
Nabadna loo heli lahaa oo waarta Alle raxmaanna wuu inoo naxariisanayaa inshaa
alaah.
Eng. Cabdulqaadir Cumar Yuusuf (Daandurey)
Somalihungerhivprojectus2004@yahoo.com
Faafin: SomaliTalk.com | August 23, 2008
|