Dowlada Gololeedka Puntland ayaa u soo Jeedisay Ganacsatada Puntland inay
dib u habeyn ku sameeyan Rugta Ganacsiga iyo Warshadaha Puntland.
Sawirada Shirka Boosaaso ka daawo halkan
Shirkan oo ka dhacay Boosaso ayaa waxa ka soo qaybgalay Masuuliyiin ka tirsan
Dowlada Puntland iyo guud ahaan Ganacsatada Degaanada Puntland.
Shirkan ayaa waxa soo qaban qaabiyay Wasaaradda Ganacsiga iyo Warshadaha
Puntland, waxana ujeedadiisu ahayd sidii dib u habyb loogu sameyn lahaa Rugta
Ganacsiga Puntland iyo in Maamul Cusub loo sameeyo Rugta maadama maamulkii hore
iscasilay kal hore.
Wasiirka Ganacsiga iyo Warshadaha Puntland C/samed Yuusuf Maxamed (abwaan) oo
qaban qaabada shirka lahaa ayaa sheegay in Dowladu dooneyso in Maamulka Rugta
Ganacsiga loo madax banaaneyo Ganacsatada sidaas darteedna ay u casumaan
Ganacsatadu inay dhistaan Maamulka Rugta.
Xubno ka mid ah Ganacsatada oo shirkaasi ka hadlay ayaa muujiyay inay ka soo
horjedaan Qorshe Dowladu wado oo ah in Dhaqaalaha Rugta Ganacsiga u soo xerooda
Dowladu wax ku yeelato.
Ganacsatada ayaa soo dhoweeyay Qorshaha Wasiirka Ganacsiga iyo Warshadaha ee ah
in Ganacsatadu la wareegaan Rugta oo ay dhistaan Maamulka Rugta Ganacsiga.
Rugta Ganacsiga iyo Warshadaha Puntland ayaa ahayd intii Puntland dhisneyd
hay'ad iska fadhiid ah balse waxa iminka rajo weyn laga muujinayaa dadaalada
Wasiirka Ganacsiga iyo Warshadaha Abwaan Yuusuf Maxamed.
Maamul hada ka hor loo sameeyay Rugta Ganacsiga oo hormuud uu ka ahaa Cali
Ceelayo ayaa shaqadaa iska casilay sababo la xiriira waxyaabo ay ka tirsanayeen
Dowlada.
Cawaale Jaamac
Boosaso
Shirkada Golis Telecom Somalia ayaa soo Bandhigtay Barnaamij lagu Magacaabo
"Farxadgelinta Macaamiisha"
Sawirada Golis Halkan ka daawo...
Barnaamijkan ayaa ah mid shirkadu ugu talo gashay Dadweynaha Soomaliyeed gaar
ahaan kuwa Puntland ee ku xiran adeega Shirkada Isgaarsiinta Golis.
Maamulka Shirkada Golis ayaa shir Jaraa'id oo ay ku qabteen Boosaso ku soo
bandhigay Barnaamijkan oo ah mid faaiidooyin badan ugu jiraan Dadweynaha ku
xiran Golis.
Madaxa Suuqgeynta Golis C/qaadir Jaamac Dayax oo shirkaasi Jaraa'id ka hadlay
ayaa sheegay in Golis ugu talo gashay Barnaamijka Macaamisha, waxana uu si gaar
ah u tilmaamay in xiliyada qaar gaar ahaan habeenkii oo kale laga dhigay lacag
la'aan isticmaalka isgaarsiinta Golis sida Mobilka.
Mr. Dayax waxa kale oo uu sheegay in adeegyo dheerad ah lagu soo kordhiyay
isticmaalka Lind line-ka sida in qofka isticmaalaya Lind line uu la hadli karo
qof kale oo isticmaalaya Mobil Golis ah.
Shirkaasi Jaraa'id waxa kale oo ka hadlay K/simaha Mareeyaha Shirkada Siciid
Aadan axmed oo ugu bishaareyay Dadweynaha Soomaliyeed in shirkadu ay dhowaan
hirgelin doonto adeegyo casri ah oo la xiriira dhinaca Internetka.
Siciid Aadan Ku simaha Mareeyaha Golis waxa kale uu sheegay in Golis dhowaan ay
ka shaqeyn doonto Gobolo kale oo dalka soomaliya ka mid ah.
Siciid Xuseen Ciid oo ah Madaxa Xiriirka Caalamiga ah ee Golis oo hadalo ka soo
jeediyay Shirka Jaraa'id ayaa tilmaamay in Golis Himiladeedu ay tahay in Dalka
oo dhan la gaarsiiyo adeega Golis sida Degaanada somaliland gaar ahaan Hargeysa
oo uu ka shaqeeyo iminka Sim Cardka Golis.
Adeegyada Dheeradka ah ama Barnaamijka Farxadgelinta Macaamiisha Golis ayaa
durba isticmaalkiisa laga dareemayaa Gobolada Puntland, iyada oo dadweynaha ay
isugu hambalyeey nayaan adeegyada casriga ah ee shirkada soo kordhisay.
Cawaale Jaamac
Boosaso.
Faafin: SomaliTalk.com | August 23, 2008
| 
Daabaco
Boggan | Print
Puntland
oo Ganafka ku Dhufatay Heshiiska DFKMG La Gashay Shirkadaha Batroolka
DFKMG
oo Heshiis u Saxiixday Shirkadaha Batroolka ee Kuwait Energy iyo Medco
Energi...
Sheikh
Shariif “ciidamada bixitaankooda wuxuu bilaabanayaa markii la sixiixey
heshiiska, laakiin…” Shir jaraa’id
