Dadweynaha Reer Puntland uma Baahna Baaburta
Raaxada ee.......
Bilihii Danbe waxa Degaanada Puntland la soo dersay
Dhibaatooyin badan oo ay ka mid yihiin Abaaro,Sicir
Barar,Amni xumo iyo kuwo kale oo badan.
Dhibaatooyinkaasi ayaa isugu jira kuwo Rabaani ah
iyo kuwo kale oo dadku ay kensadeen hadana dhamaan
arrimahaasi wax ka qabashadooda waxa looga baahnaa
Maamulka Dadweynaha Goboladan ay dhisteen ee
Puntland.
Kaalinta Dowlada ka sokow waxa jira in qaybaha kala
duwan ee Bulshada sida Culimada,Ganacsatada,Haweenka
iyo Dhalinyaradu ay isu xilqameen oo inta awoododa
ah ay wax ka qabteen arrimahaasi sida Biyo dhaamin
ay u sameyeen dadkii abaaruhu heleen ee Biyo
la'aanta ahaa.
Maamulka Puntland ee Madaxda uu ka yahay Gen: Cade
Musse Xirsi oo la rabay in arrimahaasi oo dhan uu
wax ka qabto ayaan dheg jalaq u siin, tasoo
micneheedu noqonaya ma jirto wax masuuliyada oo iga
saaran Dadweynaha.
Aqoonyahano iyo Khubaro kale oo Maamul yaqaan ah oo
aan wada faaleynay hab dhaqanka Dowlada uu Madaxda
ka yahay Cade Musse ayaa waxay ku tilmaamen inay
tahay Dowlada Qayru Masuul ah oo cuni taqaana
Canshuurta dadka Masaakinta ah laga qaado.
Cinwaanka sheekada hadii aynu shaaca ka qaadno iyada
oo jiraan dhibaatooynkii aynu soo sheegnay ee ahaa
Abaaraha,Sicir Bararka iyo amaan xumada ayaa
Maamulka Puntland waxa beryihii danbe uu ku mashquul
sanaa soo dejinta Baabur nooca Raaxda ah oo gaaraya
60 baabur.
60-ka Baabur ee kuwa Yar yar ah gaar ahaan Baaburta
loo yaqaan Toyota Landcruiser ayaa ah kuwo soo baxay
sanadihii danbe waxana iska leh badankood Shirkadda
Macdanta iyo Batroolka oo dhaqdhaqaaqeda dhinaca
dhaqaalaha uu aad uga muuqdo Degaanada Puntland.
Sikastaba, Dadwenow ma wax wanaagsan baa in Dowlad
Shacabkedii la ildaran yihiin dhibaatooyinkii aynu
soo sheegnay inay ku mashquusho Baaburta Raaxada iyo
Safarada Dalxiiska?
Gabagabadii waxaan leeyahay Dadweynaha Reer Puntland
uma Baahna Baaburta Raaxada ee waxay u baahan yihiin
Badbaado iyo Biyo Dhaamis.
Cawaale Jaamac Salaad
Boosaaso,Puntland
Jamnaf87@hotmail.com
Faafin: SomaliTalk.com | April 27, 2008
Daabaco
Boggan | Print
Somaliland
oo Xaqiijisay in Xiriir Dhexmaray Shirkadda Batroolka ee Lundin Oil
