Bayaan Ka soo baxay Bulshada reer Puntland ee ku dhaqan Emaradka
Waxaa wax laga naxo Ficilka ay ku kaceen Madaxda Puntland, waa ficil ka fog
Diinta islaamka, waa ficil ku dhisan Cadowtinimo iyo Amxaar Jeclaysi Ficilka
Noocaas oo kale ah dadka ku kacaa waa dad Diinta Islaamka Banaanka ka ah sida
aan ka fahmayno Xadiiska rasuulka SCW " Qofka Mislimka ah Qofka kale ee Muslimka
ah waa la walaal, Muslimku walaalkii ma dulmiyo, Muslimku walaalkii Cadow uma
dhiibo" Meeshii Dawladda Puntland ay Garab istaagi lahayd Shacabka walaalaheed
ah ee Cadowgu Xasuuqayo Ma ahayn inay Cadow u dhiibto, ragga Makiidaha lagu
yaqaaney inay Lacagta faalsada ah ku daabacdaan maantana waxay keeneen inay
walaalahood Cadowga ka iibsadaan.
Waxaan ogaysiinaynaa Dadka ku kacay ficilkaas Inaysan marnba taariikhdu
hilmaamin doonin, Siyaasadda Gurracan ee Tigreega way soo Afjarmi Doontaa Ninkii
Dhoof ku yimid bayna geeridi dhibaysaa Maanta waa kala bax Laba Qolo un ba la
kala noqonayaa Imaa inaad Safka Muslimiinta raacdo imaa inaad Safka gaalada ku
soo biirto, Ficilada xun xun ee ku soo badanaya Puntland ma aha Mid shacabku
raali ka yahay waxaanu ka murugoonaynaa Xasuuqa ka socda Muqdisho waxaan ka
murugoonaynaa Xasuuqa ka socda Ogadnia Meeshii la rabey in puntlad Dadka
Dhibaataysan ay soo dhawayso oo ay u fidiso Gacan Islaam nimo iyo mid Dhalasho
ma ahayn In Codowga Dib loogu celiyo.
Waxaan leenahay Walaalayahaga Muslimiinta ah ee reer Muqdisho Iyo Ogadiniaba
Nasrigii ilaahay waa soo dhawyahay Guushana waxaaa leh Muslimiinta
waxaan tacsi u dirayaa Ehladii wiilashooda Cadowga gacanta loo galiyey ee laga
dhoofiyey garoowe, waxaan Tacsi u dirayaa Shacabka Somaliyeed ee maalin walba
Muqdisho lagu Xasuuqayo waxaan leeyahay Sabra Taariikhdu way isbadali doontaa
Guushana Inta ilaahay Raacdey ee wadadiisa ku dhimata ayaa leh
Waxaa Shacabka reer Puntland laga rabaa inay Iska dhiciyaan Nimanka Diirka
Somalida leh ee Dadkii Muslimka ahaa Cadowga u gacan galinaya Shacabkii Muqdisho
ayaa la Xasuuqey Masaajidadii ayaa lagu Gawracay Culimadii aan siyaasadda ku
jirin ayaa la Gawracay, Miyeeynaan ka dhiidhiyeen waxa Gumaysigu Samaynayo
Miyeeynaan ahayn Dad Islaam ah Aawey Islaamnimadii ?
Waxaan Leeyahay Somaliyeey Gacmaha is qabsada Codowgiinana meel uga soo wada
jeedsada .
Dadkayga Xabashi loo dhiibey miyaa Dawladnimo lagu gaadhi
Kuwa Xabashi Noo dhiibey miyaa Xuququl Insaanleh
Tolaay Dhalashooy Tolaay Miyaan Laga dhiidhiyeen
Dhibkaas Ehelkeen ku dhacay
Jaaliyadda Reer Puntland ee Abu-dhabi
Mustafa Akhyaaar
NotifyBaafin@eim.ae
Faafin: SomaliTalk.com | April 25, 2008