Jabhada Islaamiga Soomaaliyeed(Jabiso)
Date:- 15/04/1429H - 21/April/2008M. Ref: -
xwx/008/008
Sida la ogyahay 19- 20/ Bishan April 2008 waxa ka
dhacay magaalada Muqdisho xasuuq aad u ba’an oo loo
geystay shacbiga Soomaaliyeed iyada oo la dilay in
ka badan 93 qof kuwaas oo isugu jira kuwo la
gowracay, kuwo lagu dilay si toogasho ah iyo kuwo
lagu duqeeyay guryahooda Madaafiic aan loo meel
dayin, sidoo kalana uu cadowgu dhaawacyo u geystay
in ka badan 140 qof.waxaana intaasi dheer in cadowgu
qafaashay in ku dhaw 100 qof oo aan illaa iyo hadda
nolol iyo geeri midna lagu hayn.
Dhanka kale waxaa hadlay Nuur Cadde oo sheeganaya in
uu yahay Ra’isul Wasaare mas’uulna ka yahay
shacabkaasi cadowgu Xasuuqayo isaga oo ka
dhawaajiyay in dagaalkii ay ciidamada cadowga
itoobiya ku xasuuqayeen Shacabka uu ahaa mid difaac
ah loogana hor tagayo cadow uu ku tilmaamay mid
nabad diid ah oo uu ula jeedo xoogaga difaacaya
shacabka maxasta ah ee soomaaliyeed, taas oo uu y
arko in dhibaatooyinka kala duwan ee uu gumeysiga
iyo dabo dhilifyadooda u geysanayaan shacabka mid
xaq ah!!!.
Jabhada Islaamiga Soomaaliyeed(Jabiso) waxa ay u
aragtaa xasuuqii ay cadowga iyo dabo dhilifyadooda u
geysteen shacabka soomaaliyeed iyo waliba hadalka ka
soo yeeray Nuur Cadde:-
• in uu yahay mid lagu dabar goynayo dadka udub
dhaxaadka u ah ummadda sida:-
culumaa’udiinka,dhalinyarta,odayaasha wax garadka ah
iyo da’yarta wax baranaysa,iyada oo tusaale loo soo
qaadan karo gowracii iyo Bahdilkii ka dhacay gudaha
iyo daafaha Masjidka Al-Hidaaya ee magaalada
Muqdisho.
• In lagu dhibaateeyo maatida aan awooda lahayn,
kuwaas oo la kulma tacadiyada arxan darada ah ee uu
geysanayo gumeyisgu sida:- dil, kufsi, Barakac, Boob
iyo Bur-Burin.
• In aysan dalka ka jirin dowlad u adeegaysa danaha
shacabka isla markaana difaacaysa
jiritaankooda.balse ay jiraan Dabo dhilifyo u
adeegaya cadowga ummadda soomaaliyeed taas oo daliil
cad u ah hadalkii ka soo yeeray Nuur Cadde.
Baaq
1- Jabhada Islaamiga Soomaaliyeed waxa ay shacabka
Soomaaliyeed uga tacsiyaynaysaa gumaadkii arxan
darada ahaa ee 19-20 bishan April 2008 u geysteen
Ciidamada Cadowga ah ee Itoobiya degmooyinka Heliwaa
iyo Yaaqshiid ee magaalada Muqdisho, waxaana ay
illaahay uga baryaysaa in uu ka aqbalo intii ku
shahiiday xasuuqaas, caafimaad deg deg ahna siiyo
intii ku dhaawacantay, inta ku jirta gacanta
cadowgana alle ka soo daayo iyaga oo bad qaba
2- Jabhada Islaamiga Soomaaliyeed (Jabiso) waxay Cod
dheer ugu Baaqaysaa dhamaan garabyada mujaahidiinta
iyo cid waliba oo diyaar u ah in ay la dagaalanto
gumeysiga Midnino Buuxda si cadowga isa soo
bahaystay looga saaro dalka, loona badbaadiyo
diinta, dalka iyo dadka soomaaliyeed.
3- Waxay (Jabiso) ugu Baaqaysaa dhamaan shacabiga
soomaaliyeed dal iyo dibadba in ay u istaagaan ka
qeyb qaadashada difaaca diinta,dalka iyo dadka, taas
oo fududayn karta in uu meesha ka baxo gumeysiga
ummaddana laga badbaadiyo xasuuqa cadowga iyada oo
la kaashanayo alle (s.w.).
4- Jabiso waxay ummadda soomaaliyeed ugu yeeraysaa
in ay u toobad keenaan allihii abuurtay kuna
kalsoonaadaan, si ay uga baxaan dhibaatooyinka kala
duwan ee haysta sida: Xasuuqa, Abaaraha iyo Sicir
Bararka.
5- Jabhada Islaamiga Soomaaliyeed )Jabiso) waxa ay
shacabka Soomaaliyeed ogaysiinaysaa in aysan wadanka
ka jirin wax dowlad la yiraahdo taas oo maanta ka
difaacda xasuuqa isir baabi’inta ah ee ay
cadowgoodii soo jireenka ahaa ugu geysanayaan gudaha
dalkoodii Soomaaliya.
Digniin:-
Waxa ay Jabiso digniin culus u jeedinaysaa dhamaan
dadka la shaqeeya gumeysiga una ah dabo dhilif in ay
ka waantoobaan u adeegidda cadowga gumaadaya
shacabkooda kana fogaadaan wax kasta oo loogu
howl-fududaynayo gumeysiga sida:- in loo noqdo
ciidan, jaasuus, ka kiraynta gawaarida iyo Hotellada
Wabillaahi Towfiiq
Xafiiska Warfaafinta iyo xiriirka guud ee
Jabhada Islaamiga Soomaaliyeed(Jabiso).
Muqdisho – Soomaaliya
Faafin: SomaliTalk.com | April 23, 2008
Daabaco
Boggan | Print
Somaliland
oo Xaqiijisay in Xiriir Dhexmaray Shirkadda Batroolka ee Lundin Oil
