Warar: Sept 10, 2007
- C/waaxid “Ciidamadu waxay dib ugu laabteen fariisimihii hore markii aan
helnay xog sheegeysa in miinooyin lagu aasay goobahaasi”
- Cadde Muuse “Waxaan Baarlamaanka uga digayaa in ay meel mariiyaan
Sharciga Batroolka..”
- Yuusuf Daba-Dageed oo ka badbaaday qarax la doonayey in lagu qaarajiyo
- Gaari rogmaday inta u dhexeysa Muqdisho iyo Afgooye oo ay dad wax u
noqdeen
- Xaflad qalinjabin ah oo ka dhacday Xarunta WDC
C/waaxid “Ciidamadu waxay dib ugu laabteen
fariisimihii hore markii aan helnay xog sheegeysa in miinooyin lagu aasay
goobahaasi”
Iyadoo maalintii Jimcaha ahayd ee la soo dhaafay
Ciidamada Booliiska Dowladda Federaalka ee saldhigyada ku lahaa degmada
Heliwaa gaar ahaan SOS, Shaneemo Cabdi Waayeel iyo Warshaddii Barafuunka
halkaasi soo faarujiyeen oo ay gebi ahaanba isaga soo baxeen, ayaa shalay
dib mar kale ciidamadaasi ugu laabteen fariisamahoodii hore. Ciidamada
Dowladda Federaalka ayaa la sheegay in ay si aad ah u hubeysnaayeen isla
markaana ay wateen gaadiidka dagaalka sida ay dadka deegaanadaasi sheegeen.
C/waaxid Max’ed Xuseen oo ah afhayeenka ciidamada Dowladda Federaalka ayaa
ku laabashada ciidamada Dowladda goobihii ay horey uga guureen waxa uu ku
sheegay in ay jiraan kooxo goobahaasi ku aasay miinooyin isla markaana
xasilooni daro ka wada sida uu hadalka u dhigay. “Ciidamadu waxay maqleen in
halkaasi miinooyin lagu aasayo, waxayna halkaasi ka bilaabayaan hawlo la
xiriira miino baaris si dadka loo badbaadiyo” ayuu yiri Afhayeenka Booliiska
C/waaxid Max’ed Xuseen. Ciidamada Dowladda Federaalka ayaa la sheegay in
markii ay halkaasi gaareen in gebi ahaanba uu isataagay isku socodkii
Gaadiidka deegaanka Heliwaa oo isagu dib u hawl bilaabay dhawaan kadib
markii ay halkaasi horey isaga baxeen ciidamad Dowladda Federaalka.
Cadde Muuse “Waxaan Baarlamaanka uga digayaa
in ay meel mariiyaan Sharciga Batroolka..”
Madaxweynaha maamul Gobaleedka Puntland Cadde
Muuse Xirsi ayaa sheegay in uu gebi ahaanba ka soo horjeedo Sharciga la
xiriira arrimaha shidaalka ee ay Xukumadda Federaalka hor dhigtay
Baarlamaanka si uu u ansixiyo, waxa uuna taasi ku tilmaamay in ay tahay mid
la isaga hor keenayo ummadda Soomaaliyeed.
Cadde Muuse ayaa tilmaamay in arrintaasi ay
burbur mooyee wax horumar ah soo kordhin Karin. Madaxweyne Cadde Muuse ayaa
uga digay Baarlamaanka Dowladda Federaalka in ay ansixiyaan sharciga la
xiriira Batroolka, “Baarlamaanka waxaan uga digayaa in xiligaan ay sharci
Bartoolka ku saabsan ansixiyaan” ayuu yiri Cadde Muuse oo booqasho ku jooga
Magaalada Dubai ee dalka isku tagga Imaaraadka Carabta, waxa uuna Cadde
Muuse sheegay in Puntland arintaani ka hadashay Xukuumadda Federaalka, isla
markaana sidoo kale ay iska arkeen Madaxweynaha Dowladda Federaalka, balse
uusan isagu garaneyn meesha laga keenay sharcigaan la sheegay in ansixinayo,
waxa uuna Cadde Muuse sheegay in arrinta Baarlamaanka la dhex wado in ay u
dhigmeyso mid lagu hor istaagayo horumarka dowlad gobaleeda Puntland.
“Puntland anaga ayaa madax u ah, waxaan diyaar u nahay in aayaha dadka reer
Puntland ka talino, Puntland waa dowlad gobaleed madax banaan sidaa darteed
cid is hor istaagi karta ma jirto heshiisyada ay la gashay shirdaha
shidaalka Baara’ ayuu yiri Cadde Muuse.
Hadalka Cadde Muuse ayaa ku soo beegmaya xili
Baarlamaanka Dowladda Federaalka dhawaan mooshin ku saabsanaa shidaalka isku
maan dhaafay oo uu buuq ku dhamaaday, waxayna xildhibaanadu sheegeen in ay
arinta Bartoolka ka horeyso arrimo badan oo ku aadan dhanka la xisitaabtanka
Xukuumadda.
Yuusuf Daba-Dageed oo ka badbaaday qarax la
doonayey in lagu qaarajiyo
Guddoomiyaha Gobalka Hiiraan Yuusuf Axmed Hagar (Dabageed) ayaa ka badbaaday
qarax miino oo lala bartilmaa-meesanayey Gawaari siday Guddoomiyaha.
Qaraxaan ayaa dhacay habeen hore. Waxaana si aad
ah looga maqlayey xaafadaha Magaalada Baladweyne ee gobalkaasi Hiiraan.
Qaraxaasi kadib ayaa rasaas ay rideen ciidamada
Guddoomiyaha la socotay, waxaa ku geeriyooday nin ganacsade ahaa oo ka ag
dhawaan goobta uu qaraxu ka dhacay, waxaana meeshaasi gaaray saraakiil ka
tirsan ciidanka Dowladda Federaalka, oo sheegay in miinadaasi ahayd mid
culus oo culeyskeedu dhamaa Hal Kiilo.
Weerarkaan ayaa noqonaya middii ugu horeysay oo
mas’uul gobalka Hiiraan ka tirsan lala beegsado.
Gaari rogmaday inta u dhexeysa Muqdisho iyo
Afgooye oo ay dad wax u noqdeen
Gaari ah nooca loo yaqaan Caasiga oo qaadka ka
doonayey Garoonka Nambar 50 ee Gobalka Sh/hoose ayaa shalay ku rogmaday inta
u dhexeysa Mudisho iyo degmada Afgooye ee Gobalka Sh/hoose.
Gaarigaan qalibmay ayaa waxaa saarnaa Haween
kuwa qaadka ka ganacsada ah, waxaana 10 ka mid haweenkii gaariga saarnaa soo
gaaray dhaawacyo u badnaa jabniin, xubnaha madaxa isugu jiray, iyadoo la
sheegay in dhaawacooda loola cararay Isbitaalka Madiina ee Magaalada
Muqdisho.
Gawaarida haweenka Qaad wadayaasha ah ayaa
darawadalad kaxeeyaa waxay isticmaalaan xawaare sare, taas oo keenta in
dhibaato dhowr ah oo isugu jira in Gaarigu rogmado ama uu dhibaato u gaysto
dadka wadooyinka maraya, iadoo mararka qaarna uu Gawaarida qaadka wada ay
isku dhacaan, ma ahan markii ugu horeysay oo Gaari qaad doonaya amaba sida
uu rogmado amaba uu shil ku galo inta u dhexeysa Muqdisho iyo Afgooye,
waxaana horey u rogmaday gawaari badan oo qaad dooneysay kuwaas oo ay ku naf
waayeen dad badan oo saarnaa oo u badnaa Haween Qaadka ka ganacsada.
Xaflad qalinjabin ah oo ka dhacday Xarunta
WDC
Waxaa shalay xarunta Horumarinta Haweenka WDC
(Women Development Centre) ee Magaalada Muqdisho ka dhacday xaflad si heer
sare ah loo agaasimay oo shaahaadooyin lagu guddoon-siinayey arday
dhameysatay Barashada Ganacsiga, Maareynta iyo Xogheynnimada.
Xafladaan ayaa waxaa ka soo qayb galay
martisharar kala duwan, waxaana ugu horeyn halkaasi ka hadlay Faadumo Xaaji
Iidle oo ah Guddoomiyaha Xarunta WDC oo iyadu hoos tagta Hay’adda CORD,
waxayna sheegtay in ardaydaani yihiin dufcaddii ugu horeysay oo ka baxeysa
xarunta gaar ahaan maadooyinka kor ku xisan, waxayna sheegtay Faadumo in
ardaydaan oo war baraneysay mudo sanad ah tiradood ahayd 35 arday, balse ay
8 ka mid ah u suurtagashay inay dhameystaan waxbarashadooda oo ay shahooyin
ka qaataan, iyadoo kula dardaarantay in ay wax-barashooda sii wadaan.
Faadumo ayaa ballanqaaday in ay sii wadi doonaan
dadaalada ay ku soo uruurinayaan Gabadhaha Soomaaliyeed oo ay ku
horumarinayaan dhanka waxbarashada ee Haweenka Soomaaliyeed, waxayna sidoo
kale sheegtay in xarunta ay horey uga qalinjabiyeen Arday badan oo qaybo
kale bartay ka bartay sida Cunto karinta.
amiin khasaaro
amiinkhasaaro@yahoo.co.uk
Koobka Ramadaan ee bulshada Soomaalida ku
dhaqan Addis Ababa oo furmaya dhawaan
Guddiga Somalia community library center waxey
dhamaan dadka xiseeya ciyaaraha kubadda cagta ugu bishaareynayaan inuu
bilaabanayo koobka bisha Ramadaan.
Sanad kasto waxaa lagu qabtaa wadanka Ethiopia
caasimadiisa Addis Ababa koobka ramadanka, waxaana kasoo qeyb gala dhamaan
ciyaartooyda Soomaaliyeed ee ku dhaqan magaaladan Addis Ababa, iyagoo isku
abaabula xaafad xaafad.
Xaafadaha kasoo qeyb gala tartanka ayna dagan
yihiin Soomaalida waxaa kamid ah
1- Bole
2- Maganaanya "Haayaa Araat"
3- Saaris
4- Saaris "Shell"
5- Bole "Tele"
6- Gabriil
7- Saaris "Addis Safar"
8- Saaris "Bunka"
Tartankan waxaa la qabtaa sanad kasta marka la
gaaro bisha barakeysan ee Ramadaan, iyadoo uu soo marey marxalado kala
duwan.
Mar waxaa soo abaabuley dhalin yaro Soomaaliyee
doo is xilqaamey dagana magaalada Addis Ababa, mar waxaa soo qaban aabiyey
hey'adda qaxootiga u qaabilsan Qaramada Midoobey ee "UNHCR", midkan aanu
hadda joognana waxaa soo qaban qaabiyey xarunta jaaliyadda Soomaalida ee
Addis Ababa "Somali Community Centre"
Tartankan wuxuu dhacey shan jeer wuxuuna soo
bilawdey sanadku markuu ahaa 2002-dii, xaafada Bole ayaa ugu badan
qaadashada koobka, waxaa kusoo xiga kooxaha xaafadaha Haayaa Araatka, Saaris
iyo Bole Tele waxeyna heystaan koobka kooxahaas min hal hal jeer.
Kobka oo ay soo qaban qabiyeen Somali cmmity
dhamaan dhaliyarada jecel sportiga iyo waliba dad tariikh dheer kuleh
sporiga somaliyeed sida nuur amin cabdi booy iyo dhaliyaradii xiliga danbe
ku waas oo aan halkan magacayadooda ku soo kobi Karin gudomiya Somali
community library center
Kobkan oo dhaqalaha ku baxayo ay bixineyso qeeb
kamida ah Somali community library center nadiyada ka soo qeeb galaya iyo
xawaladaha ka furan Addis Ababa qaar ka mid ah oo dhaqale galinaya nadiyada
qarkood.
Koobka oo la rajeynaayo in uu biloowdo hadii rabi
yiraah 19 September, 2007 sida ay iskugu adaan kooxaha iyo malamha uu
dhacayo iyo natijooyinka soo baxa waxaan dib idiinkala soo socodsin donaa
aqbaraheena danbe.
Kala xariir waxii ku soo kordha koobkan
somaliaddis library center www.somaliaddis.com
Mohamud Mohamud
qoobeey13@gmail.com
Faafin: SomaliTalk.com | Sept 10, 2007
Cadde Muuse oo
caddeeyey in uu Xumaan Doono Xiriirka DFKMG iyo DGPL Haddii la ansixiyo
sharciga Batroolka DFKMG
iyo buuq ka dhashay sharciga batroolka oo sababay in la xiro baarlamaanka
Akhri/Dhegeysi
Warbixin Shirka Casmara. (Sept 9, 2007)..
Warbixintii iyo Faalladii
Liibaan Cabdi Cali oo jooga Casmara
Xildhibaan Xuseen Keynaan oo loo doortey
xiriiriyaha 14-ka Guddi ee Baarlamaanka “mooshinkii in xukuumadda
kalsooni waydiisato Baarlamaanka anigaana ka mid ahaa, waxyaabihii ka soo
baxay dhowaan….” Akhri... Sept 9
Mulkiilayaasha Gaadiidkii lagu Daabulayey Ergadii Ka Qaybgalay
Shirkii Dib u Heshiisiinta Beelaha ee Muqdisho oo Ka Cabanaya Kharashkii
Kirada Gaadiidkooda oo aan la siinin
Akhri
Dagaallo lagu jabiyay ciidammada gumaysiga Itoobiya .
.Dad rayad ah oo ciidammada
gumaysigu dileen.
.Dad lagu xidhxidhay meelo kala duwan iyo tuulooyin la gubay.
.Shir wayn oo Jaaliyada Ogaadeenya ee Ontario(Canada) yeelatay
.Gudigii xaqiiqa raadinta ee QM oo dib ugu laabtay Addis-Ababa.
Warar GoosGoos ah akhri....
Weeraro Hoobiye Oo Habeenkii Sabtidu soo geleysey
Lala Beegsaday Ciidamada Ethiopia Ee Ku Sugan Garoonka Stadiyow Muqdisho.
Daabaco
Boggan | Print