iyo Raila Odinga (Xisbiga ODM) oo Khamiista ku baaqay Bannaanbax loogu magac daray "Inqilaabkii Shacabka"..

Maalintii 3aad (Isniintii Dec 31, 2007) ayaa rabshado ka sii socdeen Kenya taas oo ka dambeysey kaddib markii guddiga doorashadu ay si degdeg ah ugu dhawaaqeen in doorashada uu ku guulaystey Mwi Kibaki, kaddibna uu natiijadaas diidey Raila Odinga.

Guddiga doorashada ayaa hadda ku kala qaysan sidii laga yeeli lahaa natiijayada iyada oo afar guddigaas ka mid ah shir jaraa'id ku sheegeen in loo baahan yahay in si madax bannaan loobaaro in qaar ka mid ah guddigi ay wax is daba maryeeyeen.

Sida ay werisey jariidada Standard oo soo xiganeysey Booliska, waxaa tirada dadka ee kudhintay rabashada ka dhashay doorashadii Kenya ay gaartey (Isniintii) ilaa 164.

Dhimashada ugu badani waxay ka dhacday Manyatta iyo Nyamasira oo boolisku ay toogteen dad mudaharaadayey. Magaalada Nairobi waxaa Isniintii kudhintay ilaa 40 qof. Magaalada Eldoret (oo Soomaalidu xususato in lagu qabtay shirkii lagu soo asaasay DFKMG) waxaa ku dhintay ilaa 24 qof.

Magaalooyinka Nairobi iyo Kisumu waxay Isniintii ahaayeen dhul ay ku gadaaman yihiin Boolis.

Hoggaamiyha xisbiga ODM (Orange Democratic Movement), Raila Odinga, waxa uu ku baaqay bannaanbax socdaalkii million-ka qof, oo ay ugu yeereen "Inqilaabkii Shabacka". ee baarlamaanka Kenya, waxayna sheeganayaan in Kibaki uu shubtay doorashada oo aysan aqbali doonin natiijada, balse mudaharaadka ay dhigaan ay ku inqilaabi doonaan.

Mombasa waxaa la xiray goobihii ganacsiga. Nairobi galabnimadii Isniinta waxay u muuqatey meel cid la'ah, dadkuna guryohooda ay ku gabanayaan.

Dalka Canada ayaa walaac ka muujiyey rabshadaha ka dhashay doorashada Kenya. Sidoo kale waxaa walaac muujiyey midowga Yurub.

Dawladda Igiriisku waxay soo saartay digniin ay dadkeeda uga digeyso socdaalka qaybo ka mid ah Kenya.

Kibaki oo ku Guulaystey Doorashadii Kenya..

Madaxweynaha dalka Kenya, Mwai Kibaki ayaa ku guulaystey doorashadii Kenya. Sidaas waxaa shaaca ka qaaday tirintii cod bixinta ee maanta oo Axad ah (Dec 30, 2007) ay faafiyen guddiga doorashada kenya.

Codadka la tiriyey waxa uu Kibaki helay 4,584,721, taas oo ah boqolkiiba 47%. Halka Raila Odinga uu helay 4,352,993, taas oo ah boqolkiiba 44%. Halka musharaxa saddexaad oo ah Kolonzo uu helay 879,903. (oo ah 9%).

Sidaa daraadeed, guddiga doorashada kenya, waxay ku dhawaaqeen in doorashadii madaxweynaha Kenya uu ku guulaystey Mwai Kibaki. Waxay guddigu shaaca ka qaadeen in Kibaki uu yahay madaxweynaha Kenya.

Markey saacadda Kenya ahayd 6.00pm, Axad Dec 30, 2007 ayaa Kibaki loo dhaariyey in uu mar labaad noqdo madaxweynaha Kenya. Dalka Kenya waxaa madaxweynaha la doortaa 5-tii sano-ba mar.

Xagga kuraasta Baarlamaanka waxaa xubnaha ugu badan helay xisbiga ODM ee Raila Odinga, halka xisbiga PNU ee Kibaki uu helay 32 xubnood. Xisbiga ku soo xiga oo ah ODM K uu helay 14 kursi, Xisbiga KANU uu helay 5 kursi, Xisbiga SAFINA 5 kursi...

Shaxda hoose waxay muujineysaa sidii ay dadweyanaha ku dhaqan gobolada Kenya ugu kala codeeyeen madaxweynaha (Waa codadkii la tiriyey 6:00pm Dec 30, 2007), waxaana muuqata gobolka loo yaqaan Central in uu Kibaki ka helay codadka ugu badan.

Shaxda hoose waxay muujineysaa guud ahaan tirada codadka la tiriyey inta ay heleen musharaxiinta madaxweyananimada Kenya.

Ugu yaraan 20 wasiir oo ka mid ahaa dawladii hore ayaa lumiyey kuraastoodii baarlamaanka, waxaana ka mid ah madaxweyne ku xigeenkii Kenya, Moody Awori (oo loo yaqaan jirey ADEER MUUDI).

Waxaa kale oo ka mid ah nin ay muddo dheer jaal ahaayeen Kibaki, caana ka ah Kenya oo ah Nicholas Biwott.

Waxaa kale oo kuraatoodii lumiyey wiilasha uu dhalay madaxweynihii hore ee Kenya, Moi, oo kala ah Gideon, Raymond iyo Jonathan.

Wasiirada kale oo kuraatooda lumiyey waxaa ka mid ah: Mohamed Abdi Mahmud, Kipruto Kirwa, Raphael Tuju, Kivutha Kibwana, , Joseph Munyao, Mutua Katuku, Newton Kulundu, David Mwiraria iyo Njenga Karume.

Kibaki oo Wax yar Ku Horeeya Doorashada Kenya

Wararka ugu dambeeyey ee ka soo baxaya tirinta codbixintii Kenya ayaa tibaaxay in madaxweynaha Kenya ee hadda, Mwai Kibaki, uu tiro aad u yar ku horeeyey codadka ilaa hadda la tiriyey (3:00pm Dec 29, 2007).

Codadka la tiriyey waxa uu Kibaki helay 2,394,099 cod. Halka oo Raila Odinga helay 2,388,721 cod. Musharaxa saddexaad oo ah Kalonzo waxa uu helay 231,183 cod. Laakiin qiyaas ahaan Kibaki iyo Odinga boqolkiiba waa barbar ka dhac oo waxay haystaan 48% codadka oo dhan, waxaase sida muuqata hal dheeri wata Kibaki.

Guud ahaan codadka ilaa hadda la tiriyey musharaxiinta u sharaxan madaxweyne waxay codadka u kala heleen sida hoos ku qoran (waa tirintii 3:00pm Dec 29, 2007)

Kuraasta baarlamaanka waxaa xilligaas la sheegay in 40% uu helay xisbiga Odinga ee ODM, sida ka muuqata shaxda hoose.

Xisbiga mucaaradka Kenya ee ODM ayaa sheegtay in uu guul ka gaaray doorashooyinkii madaxtinimada, iyagoo ugu baaqay in Madaxweyne Kibaki uu aqbalo in laga guuleeystay, si looga baaqsado rabshado dheeraad ah.

Codadka rasmiga ah ee soo baxay ilaa hadda ayaa muujinaya in musharaxa Raila Odinga uu boqolkiiba afar ka horeeyo Madaxweyne Kibaki iyo baarlamaanka oo ay ODM ku yeelay ilaa 92 kuraas.

Kaddib in ka badan 48 saacadood markii ay ka soo wareegtay xilligii ay xirmeen cod-bixintii doorashooyinkii dalka Kenya, ayaa caro ku saabsan sida gaabiska ah ee ay u socoto sheegista natiijooyinka kama dambaysta ah waxa ay keentay in rabshado teel-teel ah ay meelaha qaar ka dhacaan.

Kumannaan kun oo dadweyne ah ayaa waddooyinka u soo baxay, kuwaasoo weerarro ku qaaday dukaamo isla markaana gubay taayarro magaalada xagga Galbeedka dalka Kenya ku taalla ee Kisumu, halkaasoo uu ku xoog badan yahay hoggaamiyaha mucaaradka ah ee Raila Odinga, sidoo kalena waxa ay iska horimaadyo ka dheceen caasimadda Nairobi xaafada Kamaguje ee dagmada ISLII ku taalo ay soomaalida u badan yihiin oo qof ku dhintay halka magaalada KIsumu ay ka dhacay bililoqo si weyn laga bilileeqastay dukaamada.

Qiyaas la sameeyey 2.30pm (Dec 29, 2007) waqtiga Kenya waxa ay muujinaysay in Odinga haystey 47.5%, halka Kibaki haytey 47%

Waxaa gudoomiya doorashooyin Kenya uu qiray in lagu celiyo doorashada marka kale marka lagu cel celiyey dhibka sida weyna ka dhacay xafada Kamaguji oo Nairobi inteeda kale ka dhicin uu ka dhacay ayada, ayadoo ilaa 7 sanduuq oo cod ku jireen meesha laga qaaday oo askar ilaalinesay ay markii lacag la siiyey ka qaaday ayadoo xisbiga PNU ee kibak nin u tartamaayo simon uu sidaas sameeyey ayadoo somalida ay iga sharaxneeyaan labo mushaax dhinac MP ilaa 16 kale dowlada hoose.

Waxaa muuqato in ay wali socoto ku shubashada ay wadaan, sida xisbiga PNU taas oo maanta keenay marka Gudoomiya doorashin uu meel kaga rabay 96 uu ku tilmaamay tiro yar ayado xisbiga ODM ay ku qeynileen Gudoomiyaha kadin dhaqta jalaq u siin waayey kadib ay dul tageen oo meesha dagaal ka dhici gaaray ayadoo uu hadalkii joojiyey gudoomiya uu yiri dad aan meel aan u diray meel ay jiraan ma aqaano kalsooni ma ku qabo ayaa waxaa su�aal weydiiyey DR Najib Balala �hadii aadan kalsooni ku qabin aniga sidaan ugu kalsoonan karaan najiida aad sheegeso qofka dalka madaxweyn ka ah waa taqaan ee sheeg rajada wadan Kenya iyo dad adiga ayaa haayo ee caadaala sheeg � ayuu yiri DR Najib Balala, kadib su�aahi ayuu Najib Balala si waday asagoo ka wakiil ah Mr Raila Odinga uu yiri sidaa igu kalsoonan karnaa 18 meel ee codad ku harsan yihiin Gudoomiya ayaa sheegay inuu kor aadayo najiiada bari shaaci doono.

Dad badan ayaa waxey is weydiinayaan doorasha gashay maalin afaraad oo wali aan si sax aan loo heli qof helay dad qaar uu ku macneeyey ayadoo la doonayo in lagu shubto.

Mr Odinga waxa uu dhowr kun oo boqol oo cod ka horreeyaa madaxweyne Mwai Kibaki, laakin labada dhinacba waxay sheeganayaan in ay ku kalsoon yihiin in ay guul helayaan.

Kuraasta Baarlamaanka ay ilaa hadda heleen xisbiyadu (waa 2.30pm, Dec 29, 2007) :

Isha: Daily Nation, Kenya

Si kastaba ha ahaatee, waxaa doorashooyinkani ay muujiyeen in dadweynihii codadkooda dhiibtay ay inta badani iska diideen dowladda Mr Kibaki, iyadoo ay ilaa 20 wasiir oo dowladda Kibaki ka tirsani lumiyeen kuraastoodii baarlamaanka, kuwaasoo uu ku jiraan madaxweyne ku xigeenka iyo wasiirka arrimaha dibadda.

KENYA: WAR KU SAABSAN DOORASHADA KA SOCOTA DALKA KENYA

Aroornimadii maalintii khamiista ayey aheed maalintii loo dareeray u codeenta 2548 musharax oo u looltamaysay 210 kursi ee dalkani kenya.

14.2 million ayaa isku diiwaan galisay in ay u codeeyaan musharixiintaasi. Sagaal kamid ah ayaa waxay ulooltamayeen kursiga madaxwaynimada dalkani kenya.

Kibaki

Odinga

Mosyoka

Sagaalkaasi sadex kamid ah ayey ahaayeen kuwa ugu cadcad uguna codka badnaa kuwaasi oo kala ah madaxwaynaha haatan xilka hayo mudane madaxwayne Mwai Kibaki oo u taagnaa xisbika PNU oo ka soo jeeda qabiilka Kikuyu iyo Mudane Raila Odinga oo u sharaxnaa xisbiga ODM oo asigana ka soo jeedo qabiilka Luwo ee dega gobolka Nyanza iyo mudane Kolonzo Musyoka oo u sharaxnaa xisbiga ODM-KENYA oo asigana ka soo jeedo qabiilka kamba.

Sida cad waxaa doorashadaasi ku horeeyo mudanaha u sharaxan xisbiga ODM Raila Odinga oo 53% ka wata waxaana ku xiga madaxwaynaha xilka hayey shantii sano ee la soo dhaafay oo aan sidaa uga hooseenin Raila Odinga waxuna wataa 43% waxaa ugu kusii xiga Kolonzo Mosyoka oo wata 3% inta kalena ay isla wataan 1%

Raila Odinga waxa uu inta badan cododkaasi ka helay gobolka xebta ee loo yaqaan coastal province iyo gobalada ay soomaalida dagaan ee kala ah Wajir, Mandhera iyo Waqooyi bari oo uu balamo saxiix wata uu la galay dadka muslimiinta ah ee ku nool goboladaasi iyo gobolka Nyanza ee uu ka soo jeedo.

Doorashadii ayaa waxay ku dhamaatay si wanaagsan kadibna gudiga doorashada ayaa ku daahay cod tirinta tasi ayaana qalalaso aad uwayn u keentay qeebo badan oo dalka gudihiisa ah marka ay doorashada dhamaatay kadib qalalasahaasi oo gaystay dhawac iyo boob fara badan.

Dadka taageersan xisbiga ODM ayaa ku mudaaharaadayey in sida ugu dhaqsiya badan ay ku ogaadan natiijada ka soo baxday.

Gudoomiyaha gudiga doorashada ee dalkani kenya ayaa asigana ku celcilnayey in ay gobolada qaarkood aysan soo gudbin tirada rasmiga ah ee uu ka sugayey, waxuuna ku hanjabay in uu ku dhabaaqi doono tirada hada uu hayo hadaysan sida ugu dhaqsiyaha badan ku soo xaroonin inta dhiman.

ABDUKADIR ADAM (abdilucky)
abdilucky3@hotmail.com

Akhri: Soomaalida iyo Raila

164 Qof oo Ku Dhintay Rabshadihii ka Dhashay Doorashadii Kenya

Kibaki oo ku Guulaystey Doorashadii Kenya..

Kibaki oo Wax yar Ku Horeeya Doorashada Kenya

Xisbiga mucaaradka Kenya ee ODM ayaa sheegtay in uu guul ka gaaray doorashooyinkii madaxtinimada, iyagoo ugu baaqay in Madaxweyne Kibaki uu aqbalo in laga guuleeystay, si looga baaqsado rabshado dheeraad ah.

KENYA: WAR KU SAABSAN DOORASHADA KA SOCOTA DALKA KENYA