JACOB ZUMA OO DACWAD MUSUQ LAGU SOO OOGEY, IYO TAAGEERAYAASHIISA OO DOWLADU KU EEDEYNAYA SHIRQOOL SIYAASADEED.

TODOBAAD UUN KADIB MARKII SI AQLABIYAD AH UGU GUULEYSTEY MADAXWEYNENIMADA XISBIGA TALADA HAYA K/ARIKA ANC, AYAA JACOB ZUMA WAXAA LAGU SOO OOGEY DACWAC MUSUQ IYO WAX IS DABA MARIN AH___WAQTIGA DACWADA LAGU BEEGEY, WAQTIGA MAXKAMADA LOO BALAMIYEY OO SU'AALO KEENEY??

Jacob Zuma, 62 jir, waa madaxweynaha xisbiga talada haya dalka K/Afrika, ee ANC, xilkani oo uu kaga guuleystey todobaad ka hor doorasho dhacday madaxweynaha dalka ee Thabo Mbeki ayaa shalayto gurigiisa Johansburg la geeyey waraaqihii lagu wargalinayay in lagu soo oogey dacwad musuq ah, oo maxkamadeynteedu loo balamiyey bisha 8aad ee sanad 2008. sida uu sheegey garyaqaanka Zuma Mecheal Hulley, waraqadahan ayaa waxaa keeney xafiiska garyaqaanka ee hey'ada garsoorka ee la yiraahdo NPA (national proscuting authority),

Dacwadanai ayaa ah laaluush, musuq iyo lacago si qaldan loo xawiley, iyo guud ahaan wax is daba marin, dacwadani ma ahan mid cusub, sanad ka hor ayaa dacwadani maxkamad eey ka saartey diiwaankeeda ka dib sanado eey Zuma maxakamad ku socotey balse eey saraakiisha garsoorka keeni waayeen cadeymo ku filan oo Zuma lagu xukumi karo, hase yeeshee hey'ada sirdoonka iyo howlgalada qarsoodida ah ee sida FBI maraykanka oo kale dalkani ah ee la yiraahdo SCOPION (DIB QALOOC), ayaa waxay billo ka hor u dhacday dhismooyin uu lahaa Zuma iyo garyaqaanadiisa oo eey si sharci daro ah oga soo qaateen tukumiindiyo eey sheegeen in eey cadayn u yihiin dambiyada lagu eedeynayo Zuma, arrintaasi oo garyaqaanada Zuma eey maxkamad la koreen , hase yeeshee maxkamada sare eey xukuntay in NPA eey isticmaali karto cadaymaha eey heyso, taasoo aheyd bilowga maxkamadaytan cusub ee Zuma lagu bilaabayo.

Taageerayaasha Zuma ee kala ah ururka shaqaalaha ee COSATU, iyo ANCYL iyo xisbiyo kale oo badan ayaa ku sheegey dacwadan cusub ineey tahay wax lasoo maleegay, oo la doonayo in lagu sharaf rido Zuma si looga hor istaago in uu madaxweyne ka noqdo dalka sanada 2009ka, waxayna intaasi ku dareen in hey'ada garsoorka eey tahay mid ku shaqaysa afkaaro siyaasadeed oo dad gaar ah eey leeyihiin (taasoo laga fahmayay ineey ula jeedaan Mbeki), isla markaasna eeysan ku taagneyn wadadii sharciga aheyd ee dastuurka.

Arrinta ugu muhiimsan ee laga didey ayaa aheyd waqtiga dacwada lagu soo beegey oo ah 10 maalmood ka yar markii uu guusha xisbiga heley, iyo sidoo kale xiliga maxkamada loo balamiyey oo 8 bilood ka horeysa xiliga eey dhacayso doorashooyinka madaxtinimo ee 2009-ka eee la filayo inuu isagu ku guuleysan lahaa hadii dacwadani aan meesha la keenin, maaadaamaa waqtiyadan lala eegtey dacwadiisa eey hubanti tahay in uu jiro shirqool siyaasadeed oo xilka looga hor istaagayo, waa sida eey sheegey dadka isagu taageersan.

Hey'adani garsoorka iyo tan sirdoonka iyo howlgalada qarsoodada ah ayaa in dhawaalaba waxaa lagu eedeynayay ineey yihiin labbo hey'adood oo madaxweyne Mbeki u samaystay in uu ku dhibaateeyo dadka eey siyaasad isku hayaan sida Zuma oo kale, arrintaasna waxayt cirka isku sii shareertay markii bilo ka hor garyaqaankii guud ee NPA uu waaran xrig u jaray Jakie Selebi oo ah taliyaha policek dalka dacwad la xariirtey xariir la sheegey inuu la leeyahay mafiyoska aduunka iyo gaangiistariinta galbeedka ee ka ganacsada koontarabaanka sida daraagiiska oo kale, hase yeeshee shaqadii uu madaxweynuhu ka eryay xeel ilaaaliye Vusi Pikoli , ka hor inta aanan ba lasoo xirin Selebi (oo sidoo kale ah madaxweynaha INTERPOL, policeka aduunka), eryidaasi xeer ilaaliyaha waxaa loo qaadey in Mbeki uu difaacayo saaxiibkiis eey isku kooxda ka yihiin xisbiga talada haya ee ANC , iminkana waxaa dalka xeer ilaaliye ka ah nin si kumeel gaar ah uu Mbeki u magacaabey, taas ayaa keeneysa in laga shakiyo daacadnimada NPN iyo SCOPION.

Madaxweynaha ANCThabo Mbeki (bidix) oo u mhambalyaynaya madaxweynaha loo doortay ANC ee Jacob Zuma - Sawirka: Reuters

Jacob Zuma oo dad badani eey naqdinayeen ayaa muujiyey mug iyo miisaan hogaan wanaaagsan, kadib markii si layaab leh uu kaga hadley qudbadii ugu horeysay ee uu jeediyey kadib doorashadiisii, wuxuu ka hadlay mideyta xisbigiisa labad garab u ka;la jabay ee garabkiisa ey guushu raacday, oo mar uu ka hadalayay xariirka ka dhaxeeya isaga iyo Mbeki oo uu ka reeyey, si weyne loo faafiyey in xariirkoodu uu burburey, ayuu yiri (MBEKI, MY BROTHER, MY COMRADE, MY FREIND, AND OFCOURSE MY LEADER=MBEKI WAA WALAALKEEY, DHIGEYGA, SAAXIIBKEEY, IYO DABCAN HOGAAMIYAHEEYGA). Intaasi markii eey afkiisa kasii dhamaaneysey ayaa kumanaan ergey oo goobtii lagu doortey joogey mar kaliya qoob iyo qeylo isku dareen si farxadeed. Zuma ayaa sidoo kale sheegey ineeysan jiri doonin isbedel xagga dhaqaalaha oo beeniyey warar been ah laga faafiyey.

Zuma, halyey soo halgamay, 10 sano ku xirnaa jasiirada Roben island, inta badan cimrigiisa ku qaadey galgankii loo galay ka xoreyta K/Afrika nidaaamkii midab takoorka, kuna biirey ANC isagoo 17 jir ah, kana soo jeeda qowmiyada ugu tirada badan dalka ee boqortooyadA leh ee ZULU, ayaa maxkamadeyntiisu waxa eey hubanti la'aaan ku keeneysaa degenaanshaha dalkani afrikacka ah ee dhaqaalihiisu la mid yahay wadamo qaarkood ee qaarada Europe, eeysana jirin wadan afrika ku yaala ee laa dhaqaale ekeeya, markii uu ANC madaxweyne u noqdeyna dadkii hambalyada iyo goobaadinta u direy waxaa ka mid ahaa aabaha qarankan ee NELSON MANDELA oo Zuma ku sheegey halyeey taariikhda baal dahab ah ka galay.

c/nasir axmed sh. bashir,( saxansoxo),
Email: saxansoxo1@HOTMAIL.COM, Tell: +27767059384., johansburg south africa.

Faafin: SomaliTalk.com | Dec 30, 2007

Dareenka Soomaalida K/Africa iyo Doorashadii Madaxweynaha Cusub ee ANC, Zuma...

Soomaalida dalkani Koonfur Africa ku nool ayaa si weyn u aaminsan in Zuma uu ka saari doono dalka, ganacsiyadodana ku wareejin doono dadka dalka u dhasahy, hase yeeshee ra'yigaasi ma ahan mid hubanti ah, mana jirto cid si rasmi ah arrintaasi u shaacisey, dadka Zuma taageerana waxay leyihiin waa dacayad laga faafiyey, hadaba aan dib u yara eegno hal qodob oo qeer sheeg ah. AKHRI....