Dawlad gobaleedka Puntland oo siweyn u Xustay sannad guuradii ka soo
wareegtay Asaaskii Puntland.
bashiir cumar cali/puntland
bashiir137@hotmail.com
Magaalada
Garoowe ee caasumada Puntland ayaa waxaa ka dhacday Xaflad siweyn loo
soo agaasimay oo ay ka qeybgaleen Madax fara badan oo ka tirsan dawlada
Soomaaliya iyo Maamulka Puntland.
Dawlada Puntland ayaa waxa ay soo bandhigtay waxqabadkeedii mudadii ay
xilka heysay waa Xukuumada Madaxweyne Cade Muuse hayee.
Madaxweynaha dawlada Puntland oo halkaasi ka hadlay ayaa wuxuu sheegay
in loo baahan yahay in wax laga qabto hawlaha ay wadaan dad ka soo
horjeeda dawlada gobaleedka Puntland.
Madaxweyne Cade Muuse wuxuu sheegay in xeebaha Puntland ay haatan
xoqdeen kuwa laga baqo wuxuuna ku booriyey dadkii shirkaasi fadhiyay in
ay gacan ka geystaan sidii loo dagaala milahaa.
Gen. Cade Muuse wuxuu sheegay in Puntland tahay saldhiga ugu weyn ee
taageerida dawlada Soomaaliya loona dagaalamayo taageerada ay siiso
dawlada Faderaalka ee Soomaaliya ,isagoo Cade Muuse ku amaanay dadka
Puntland taageerida Dawlada Soomaaliya.
Madaxweynaha dawlada Soomaaliya Md.C/laahi Yuusuf Axmed oo halkaasi ka
hadlay ayaa wuxuu sheegay in Puntland loo baahan yahay in ay noqoto meel
saldhig u ah dadka Soomaaliyeed oo dhan.
Madaxweyne C/laahi Yuusuf wuxuu shacabka usheegay in taageeraan dawlada
Faderaalka Ee Soomaaliya ,Maamulkuna yahay Maamulkoodii ayna ka
qeybqaataan hawlaha looga baahan yahay in uu fuliyo.
Md.Yuusuf wuxuu kaloo sheegay in dhamaan dadka Soomaaliyeed looga baahan
yahay taageerida nabada Soomaaliya ,ayadoo Madaxweyne Yuusuf sheegay in
Muqdisho laga dhigay meel nabdoon.
Madaxweynaha DFKMGS wuxuu ka hadlay dagaaladii Sokeeye ee ka dhacay
gudaha Puntland ,ayadoo Madaxweynuhu ku tilmaamay mid ahaa nasiibdaro
isagoo sheegay in mar danbe aan loo baahneyn in ay arintaasi dhacdo.
Wuxuu sheegay C/laahi Yuusuf Axmed in qodobo door ah ay heshiis ku
gaareen dawlada Faderaalka ee Soomaaliya iyo Madaxda Puntland ayagoo buu
yiri dhamaana qodobadaasi noqonayaa kuwa hirgala.
"Shacabka Puntland ha noqdeen kuwa Soomaaliya saldhig unoqda ,Midowgii
Soomaaliya ,mirihii ka soo baxay Shirkii Nayroobi waxaa gacan ka geystay
dawlada Puntland" ayuu yiri Madaxweynaha dawlada Faderaalka ee
Soomaaliya.
Sannad guuradaan 9aad ee ka soo wareegatay asaaskii Puntland ayaa waxaa
ka qeybgalay Madax fara badan oo ka socota dawlada gobaleedka
Soomaaliyeed Ee Puntland iyo Dawlada Faderaalka Ee Soomaaliya.
bashiir cumar cali/puntland
bashiir137@hotmail.com
Afeef:
Aragtida qoraalkan waxaa leh qoraaga ku saxiixan
Faafin: SomaliTalk.com | Agoosto 2, 2007
Daabaco Boggan | Print
