somalitalk

Home

Zakaat | Hajj | Salaada  |
Saxaabada
| Ramadaan | Search | |
w w w . s o m a l i t a l k . c o m
  GUULU SOO HOYATEY MUSLIMIINTA GOBOLKA MINNESOTA

Sharciyaqaan Sh.Xasan Jaamici, 


hmohamud@midmnlegal.org
  

Tel.(612)242-3273.

 

Ururo ay ka mid yihiin Muslim American Society, Confederation of Somali Community, Somali Comunity of Minnesota, Somali Justice Center, National Lawyers Guild, Minnesota Civil Liberties Union ayaa July 2002 waxay dacwadda ku oogeen Dowladda Gobolka Minnesota , waaxdeeda Amniga Guud "DPS" (Dept.Public Safety) kolkii ay soo saareen qaanuun dulmi iyo kalasooc ku ah dhammaan soo galootiga ah (aliens) iyo guud ahaan muslimiinta gobolka degan. Qaanuunkaasi wuxuu tilmaamayaa marka qofka uu qaadanayo warqadda aqoonsiga gobolka (Minnesota ID) ama warqadda ruqsadda wadidda gawaarida (Driver License) in ay sharci tahay:

Sharicgii hore:

1) inuu qofku tusiyo dowladda (Dept. Of Public Safety) laba warqadda oo aqoonsi (two forms of ID) ah iyo sharciga ama qofka wuxuu waddanka ku joogo.

2)In gabadha madaxeeda ay qaar ka feedo marka sawirka aqoonsiga laga qaadayo.

Go'aanka Maxkamadda

Maalintii Talaadada, March 11,2003 Maxkamadda Racfaanka ee Gobolka Minnesota waxay go'aamisay:

1- Kolka qofka uu qaadanyo warqadda aqoonsiga ee gobolka dowladda ma weydiin karaan laba cadaymood oo aqoonsi ah iyo warqadaha sharciga ee qofka uu ku joogo waddanka Maraykanka.

2- Gabdhaha muslimiinta lama weydiin karo inay xijaabka madaxa iska qaadaan markay iska qaadayaan sawirka warqadda aqoonsiga ama ruqsadda gawaarida lagu kaxeeyo.

Go'aankani wuxuu buriyey (invalid) sharcigii dulmiga ahaa ee dowladda gobolka Minnesota, waaxdeeda amniga guud ay soo saartay sanadkii hore 2002.

Go'aanka Maxkamadda wuxuu tilmaamay inay dowladda Minnesata ay ku guul dareystay in ay caddeyso in sharcigan loo sameeyey in laga hortago cabsi deg deg ah ee la xiriirta amniga dadka degan gobolka Minnesota. Maxakamadda waxay tilmaantay qaabka ama habka (process) sharcigan uu ku abuurmay inuu khalad ahaa (invalid) laakiin maxakammuddu waxayan marnaba ka hadlin nuxurka taxaddiyeed ee sharcigan lagu sameeyey oo ah inuu dastuurka waddan ka soo horjeedo (unconstitutional) amaba uu yahay sharci dadka u kala soocayo si sharci daro ah - kalafaquuq (discrimination).

Waxaa kaloo lama huraan ah in ay dadku ogaadeen inay Maxkammuddu diiday inay fiiriso qodobka ka hadlayo in ay sharci tahay in dadka loogu qori karo "status check" warqadda aqoonsiga iyo in kale. Status Check waa calaamad tilmaameyso in qofka uu sharci ku meel gaar ah ku leeyahay waddanka Maraykanka iyo nooc sharciga iyo waqtiga uu dhacayo sharcigaasi. Taasoo hadduu Police uu ku joojiyo uu calaamaddasi arko uu kugu sameyn karo dabagal la xiriira sharciga waddanka aad ku joogto. Laakiin waxaa nasiib wanaag ah in, go'aanka maxkamadda laga fahmayaa in qofka uusan ku qasbaneyn inuu sharcigiisa uu tusiyo Waaxda Amniga Guud (Dept. Of Public Safety "DPS") marka uu qaadanayo warqadda aqoonsiga ama driver license mar hadduu heysto warqado aqoonsi ah ama warqado kale ee buuxinaya sharuudaha la rabo. Sidaa darteed, haddii aadan tusin sharcigaaga, kolkaa calaamadda status check kuma qori karaan. Sharcigana wuxuu saameynayey dadka heysta sharci ku meel gaar ah ama sharci sugayaal ah: sida dadka visaha heysta, kuwa asylumka sugaya, kuwa TPS keliya heysta. Wuxuu kaloo saameynayey gabar kasta ee kudhaqanta diinta Islaamka ee madaxeeda asturta.

Dowladda Minnesota Maxay Damacsan Tahay?

1. In sharcigan isagoo la soo marsiiyey Parlamanka Minnesota la gudbiyo ama

2- In ay dowladda sida ay ku dhawaaqday inay go'aankaasi ay rafcaan (appeal) ka qaataan.

Dowrka Muslimiinta Minnesota
Baro Xuquuqdaada, Soomaalida Minnesota ... GUJI

Mida hore waxay u baahan tahay shaqo badan oo ka mid ah in ruux weliba uu la xiriiro cidda Parlamaanka ugu jirto uuna u sheego in sharcigaasi uusan sugeyn nabadda Minnesota balse uu u abuuray cabsi, dulmi iyo kala sooc iyo dhaawaac la xiriira xoriyadda diimaha.

Ta labaad oo ah haddii ay dowladdu rafcaan ( appeal) qaadato waxay noo noqon kartaa fursad aan ku sameyn karno codsi dib u fiirin qodobo mudnaa in go'aan laga gaaro (cross-petition) sida: Status Check iyo sharciga laftigiisa inuu yahay mid aan dastuurka waddanka waafaqsaneyn (unconstitutional) isla markaana abuuraya kala soocidda sharci daro ah (Discrimination).

Haddiise aan ogaano in weli dadka loogu qoro aqoonsigooda calaamadda status check inaan si deg deg ah Maxkamadde degamada Minnesota (MN District Court) ka furno dacwadda ku jeedda dowladda si ay u joojiso dhaqankaasi sharci darada ah (illegal Practice).

Ugu dambeynta dadka Muslimiinta ee xaq u dirirka waxaan ku dhiirigelinaynaa in si wada jir ah ula shaqeeyaan dhammaan hay'adaha u dagaalama ilaalinta xuquuqda Muslimiinta America ku dhaqan. Gaar ah waqtigan xasaasiga ah ee Muslimiinta si gooni ah loo eeganayo.

Haddaad rabto go'aanka maxkammadde inaa akhriso ka fiiri:
 ___________________
 
http://www.courts.state.mn.us/opinions/coa/current/op021214-311.html 

Sh. Hassan Jaamici, Juris Doctor
Gud. Ku Xig. Minnesota Muslim American Society. 
hmohamud@midmnlegal.org 

2003-14-03
FAAFIN: SOMALITALK.COM

-dhammaad-

somalitalkGalabtii "Baro Xuquuqdaada" iyo Soomaalida Minnesota
Kulan uu ka hadlay ku xigeenka Madaxa Immigration (INS) Minnesota iyo sharciyaqaano kale oo Sabtidii lagu qabtay Minneapolis ayaa looga hadlay diiwaangelinta, cinwaan bedelashada, iyo homeland security, iyo waxyaabaha sababi kara in qof la tarxiilo  GUJI...

USA: Somalida La Rabo In Ay isdiiwaan Geliyaan
waa soomaalida haysta baasaboorada Soomaaliga, Canadianka, Sweden, Holland, Australia, British iyo... GUJI..  

Gen. Maxamed Abshir Muuse oo Laga Yaabo in uu Sii Joogo Maraykanka 
Gen. Abshir ayaa markii uu tegey xafiiska INS si loogu cusboonaysiiyo sharciga kumeel gaarka ah ee uu ku joogey USA ayaa waxaa loo sheegay in uu.. GUJI... 8/3

somalitalkHabeenkii Showrka Soomaalida Minnesota
Habeenamadii sabtidu soo geleysey ayaa waxaa magaalada Minneapolis kulan aad u heersareeye waxaa kuyeeshay dhammaan qaybaha kala duwan ee Jaaliyaadda.. GUJI... 23/12

40 Soomaali ah oo lasoo xirxiray oo la isugu Keenay Louisiana, USA
waa warbixin kusaabsan: Nidaamka immigration iyo Muslimiinta Maraykana, gaar ahaan Somalida, oo uu idiin soo gudbinaayo sharci yaqaan Soomaaliyeed GUJI 17/12/2002  

Ururka Islamka ee MAS oo booqday Somalida ku jirta xabsiga Lino Lake-Minnesota -- GUJI 

  


Powered by www.Somali
Talk.com
All About Somalia and More...
>> Kor/up
>> Usheeg Asxaabtaada
Allah Is Great

Copyright somalitalk.com. All rights reserved.

HTML CD