Hayada OSPAD oo qabatey siminaar ku saabsan Khatarta Cudurka AIDS-ka
Sawirada Halkan Ka Daawo
Hayadda OSPAD oo inta badan ka qayb qaata sidii bulshada ugu baraarujin lahaa
khatarta cudurka AIDS-ka ayaa siminaar ku saabsan Cudurkaas ku qabtey Magaalada
Muqdisho waxaana siminaarkaas ka qayb galey ilaa boqol xubnood oo isugu jirey
dhalinyaro , haween iyo dad ka socdey Xeryaha ay ku jiraan dadka barakacay
waxaana iska kaashadey Hayadaha Global Fun , UNICEF waxaana hirgalinayey Hayadda
OSPAD
Sawirada Halkan Ka Daawo
Mudadadii uu socdey siminaarkaas ayaa ka qaybgalayaasha waxay si aad ah ugu
doodeen khatarta Cudurka AIDS-ka oo marba marka ka dambeysa xaddigiisa uu sii
kordhayo iyadoo warbixintii ugu dambeysey uu gaarey 1.5 oo boqolkiiba ah gaar
ahaan Bartamaha iyo kooonfurta soomaaliya
Siminaarkaan oo ay casharo ka bixineysey Ustaad Basro Xuseen Daa’uud oo iyadu si
aad ah ugu dheeraatey waxyaabaha keena Cudurka iyo siyaabaha looga hortagi karo
, waxay tilmaantey macalimad Basro in kororka cudurka AIDS-ka ee soomaaliya ay
ugu wacan tahay iyadoo aysan jirin Dowlad Kontoroosha Xuduudaha soomaaliya
maadaama dalalka Deriska la ah soomaaliya uu si daran u asiibey Cudurkaas ,mar
ay ka hadleysey siyaabaha looga hortagi karo cudurkaas in ay tahay in la joojiyo
galmada xaaraanta ah , in la iska baaro dhiiga inta aan qofka lagu shubin , in
la jeermis dilo qalabka wax lagu Qalo ama wax lagu dhaliyo , waxay kaloo
sheegtey Macalimad Basro in cudurka looga hortagi karo iyadoo wacyigelin badan
la sameeyo gaar ahaan warbaahinta oo ay sheegtey in ka qaybqaadan karaan ka
hortaga cudurkaas
khaali Cabduqaadir oo ka mid ahayd dadkii ka qaybgaley siminaarkaas isla
markaasna fursada u heley ayaa iyana sheegtey in loo baahan yahay in dhaliyarada
ay ka qayb qaataan sidii looga hortagi lahaa cudurkaas maadaama ay yihiin kuwa
ugu nugul cudurkaas waxayna u soo jeedisey Dhaliyarada in marka ay is
guursanayaan labada lamaane ay iska baaraan cudurkaas si halkaas uga soo baxdo
qoys ka fiyow cudurkaas
siminaarka waxaa kaloo ka Hadley Dr Xasan Jimcaale oo ka socdey GF AIDS/UNICEF-
Somalia HIV M/E MENTOR- CCN-ITALY wuxuu sheegay in dalalka deriska la ah
soomaaliya uu aad ugu badan yahay Cudurka loona baahan yahay in dadka
soomaaliyeed ay sameeyaan foojignaan dheeraad ah
siminaarkaas waxaaa soo gabagabeeyey Cabdulaahi Xaashi Xasan oo ka socdey
Hayadda SCAC wuxuuna kula dardaaarmey xubnihii ka qaybgaley siminaarkaas in ay
bulshada ku wacyigeliyaan siyaabaha looga hortago cudurkaas iyo waxyaabaha keena
cudurkaas isagoo sheegay in loo baahan yahay baraarujin dheeraad ah maadaama
cudurka uu khatar ku yahay bulshada soomaaliyeed
W/D Amiin Yuusuf Khasaaro
E_Mail amiinkhasaaro@hotmail.com