Shiikh Cumar Iimaan oo xaqiijiyey in Muqdisho uu soo gaarey
Shiikh Xasan Daahir Aweys
Ururka
Xisbul Islaam ayaa sheegaya in Sheekh Xasan Daahir Aweys oo ah
guddoomiyaha Isbahaysiga dib u xoreynta garabka Eritrea uu
Muqdisho uu soo gaarey ka dib markii 2 sanno ku dhawaad uu ka
maqnaa dalka
Inkastoo saxaafaddu ay shalay qortay in Sheekh Xasan Daahir
uu dib ugu laabtay Asmara, haddana warkaan waxaa saxaafadda u
xaqiijiyay Guddoomiyaha Xisbul Islaam garabka taageersan Sheekh
Xasan Daahir Dr umar iimaan Ababakar ooh ore u caddeyey in aysan
wax wadahadal ah aysan lagelin doonin Dowladda uu madaxda ka
yahay Shiikh Shariif Shiikh Axmed .
Dr. Cumar Iimaan ayaa sheegay in Sheekh Xasan Daahir uu
Muqdisho u yimid sidii uu wax uga ogaan lahaa howlaha ururkooda
uu ka hayo gudaha, isla markaana uu saxaafadda la hadli doono
dhawaan wuxuuna ku soo beegmey imaansha Shiikh Xasan Daahir mar
uu kala jabey Ururka Xisbul islaam oo isagu dagaalo ka wadey
magaalada Muqdisho.
Sheekh Xasan Daahir ayaa khilaaf xooggan wuxuu kala dhexeeyaa
Madaxweynaha Somalia Sheekh Shariif Sheekh Axmed, iyadoo uu
burburay dadaal uu waday Madaxweynaha Sudan si uu u dhameeyo
khilaafka labada Sheekh sidoo kale wqaxaa burburey dadaal ay
wadeen Dowladaha Qadar iyo Liibiya
Waa markii ugu horreysay oo muddo laba sano ka badan uu
Sheekh Xasan Daahir yimaado Muqdisho, waxaana uu saldhig weyn ku
lahaa tan iyo Markii ay Maxkaamduhu jabeen bilowgii 2007 dalka
Eritrea, halkaasoo ay ka hagayeen dagaaladii ka socday dalka.
Sidoo ka Sheikh Xasan wuxuu ka mid ahaa raggii dhidibada u aasey
Isbahaysigii dib u xoreynta oo markii dambe ku biirey Dowladii
federaalka laguna dhisey dowlada midnimada Qaran
Lama yaqaan in Sheekh Xasan Daahir uu kulamo la qaadan doono
Madaxda dowladda Fedaaralka Somalia oo ay walaalo ahaayeen muddo
dheer iyo in kale, wayse soo bixi doonaan ujeedooyinkiisa uu
Muqdisho u tagay , sidoo kale imaanshihiisa wuxuu ku soo beegmey
Xilli Baarlamaanka Soomaliya uu ansaxiyey ku dhaqanka
Shareecada Islaamka hase yeeshee Xisbul Islaam si taxadr leh
ayey u soo dhaweyeen ku dhaqnka Shareecada Islaamka
W/D Amiin Yuusuf khasaaro
E_M ail amiin
khasaaro@hotmail.com