Madaxweyne Sh. Sharif oo Xafiiskiisa ku Qaabilay Ergeyga gaarka ah ee
Dowladda Finland.
Mr Pekka Haavisto oo xubin ka ah Baarlamaanka dalka Finland,
isla markaana ah Ergeyga Gaarka ah ee Dowladda Finland u qaabilsan Geeska Afrika
ayaa muddo labo casho ku joogay booqasho magaalada Muqdisho.
Mr Haavisto ayaa u yimid Muqdisho si uu u arka mas’uuliyiinta
Dowladda FKMG ah si uu ugala hadlo arrimaha nabadgelyada, dib-u-heshiisiinta iyo
sidii Dowladda Finland ay gacan uga geysan laheyd dib-u-dhiska Somalia.
Mr Haavisto muddadii labada cisho ee uu joogay Muqdisho waxuu
la kulmay guddi hooseedyada baarlamaanka iyo ku simaha Guddoomiyaha Baarlamaanka
Cisman Cilmi Boqorre, sidoo kale waxuu la kulmay ururada bulshada rayidka ah,
dumarka, Odayaasha dhaqanka, ganacsatada. Mr Haavisto waxuu kaloo la kulmay oo
uu xafiisyakiisa ugu tagey Ra’iisal Wasaare Omar Abdirashid oo uu wehliyey
Wasiirka Tacliinta Sare Ibrahim Addow. Ugu danbeyntii Mr Haavisto inta uusan ka
soo bixin magaalada Muqdisho waxuu xafiiskiisa ugu tagey Madaxweyne Sheikh
Sharif Sheikh Ahmed oo ay ka wada hadleen arrimo dhowr ah oo ay ka mid ahaayeen
sidii dowladda Finland ay gacan uga geysan laheyd dib-udhiska, iyo nabadeynta
dalka.
Mr Haavisto ayaa ballanqaaday inuu warbixin u gudbin doono EU
iyo dowladiisa Finland, waxuuna sheegay inuu diyaar u yahay inuu u ololeeyo
sidii Somalia loo kaalmeyn lahaa.
Waxaa soo tebiyey: engabdirahman@googlemail.com
Afhayeenka Madaxweynaha Soomaaliya Oo Ku Tilmaamay Budhcad
Badeedka Sii Xoogaysanaya Kuwo Dalka U Horseedi Kara Qabsasho
Dowlada Midnimada ee soomaaliya ayaa walaac xoogan ka muujisay budhcad badeedka
sida xowliga ah ugu sii fidaya xeebaha soomaaliya taasoo ay sheegeen inay
caqabad ku tahay jiritaanka dowlada soomaaliya ee iminka jirta .
Afhayeenka Madaxtooyada Xasan Cali Xayle oo warfidiyeenada kula hadlayay maanta
Guriga Madaxweynaha ayaa shaaca ka qaaday in falalka afduubka ah ee ay kooxaha
budhcad badeedku ka gaysnayaan xeebaha fog fog ee badda soomaaliya ay waxyeelo
ba,an sii gelinayaan madaxbanaanida dalka soomaaliya islamrkaana ay cabsi ka
qabaan in dalka soomaaliya la qabsado waa siduu hadalka u dhigaye .
"Falalka kooxaha burcad badeedka, waxay shaki gelineysaa madax banaanida
Soomaaliya, waayo waxaa dhici kara in falalkaas ay geysanayaan in Caalamka oo
dhan uu soo jeesto,oo ay xoog ku muquunioyaan taasina ay meesha ka saarto
Dowlada oo fashil ku dhaco "ayuu yiri afhayeenka madaxweynaha xasan cali xayle.
Sidoo kale cabshadan kasoo yeedhay dowlada KMG ah ayaa kusoo beegmaysa xili ay
budhcad badeeda ka qowlaysata badaha soomaaliya ay si is daba jog ah u qabsadeen
dhowr markab oo si weyn aduunku isha ugu qabtay islamrkaana ay kamid ahaayeen
markabkii Ukraine ee Hubka siday , mid kale oo Saliida siday ee laga lahaa
Boqortooyada Sacuudiga iyo kuwo kale oo iminkaba gacanta ay ku hayaan .
Degmada Xeebta Ee Xaradheere Oo Maanta Lagu Arkayey Diyaaradaha Qumaatiga U Kaca
Ee Dagaalka Oo Dul Heehaabaya
Wararka laga helayo deegaanka degmada xeebta ah ee xara dheere ayaa sheegaya in
lagu arkayey manta diyaaradaha qumaatiga u kaca ee nooca loo yaqaano
helipcoptarka oo dul heehaabaya halkaasi iyagoo la sheegay inay ahaayeen kuwa
ciidamada ee hubka xambaara islamrkaana deegaankaasi kusoo kordhiyeen cabsi
xoogan .
Mid kamid ah dadka deegaanka xara dheere oo magaciisa ku sheegay oo aan khadka
telefoonka kula xiriirnay ayaa shabakada afnugaal u xaqiijiyey inay jiraan
diyaaradaha dagaalka ee qumaatiga u kaca ay dul heehaabayeen xaabta degmada
xaradheere iyo deegaanada ku dhow dhowba taasoo la sheegay inay baadi goob ugu
jiraan nin Eng ah oo u dhashay dalka maraykanka oo la sheegay in afduub loogu
haysto gudaha wadanka soomaaliya .
Sidoo kale goob joogahan oo magaciisa kusoo gaabiyey afrax ayaa cadeeyey inay
degmada xaradheere manta laga dareemayey cabsi iyo walaac xoogan oo ay ka cabsi
qabaan inay diyaaradahani gaystaan duqayn waloow auysan jirin ilaa iminka
waxyeelo ay gaysteen .
Dhowaanahanba waxaa xeebta dhereran ee badweyne hindiya ku sugnaa maraakiibta
dagaalka ee laga leeyahay wadamada yurub iyo amerika kuwaasoo la sheegay inay
diyaaradahani kasoo duulayaan islamrkaana la sheegay inay ka dambeeyeen
hesheeskii la gaaray ee ahaa in weeraro lagu qaado budhcad badeeda faraha ba,an
ku haysa maraakiibta isaga kala goosha bada cas iyo badweynta hindiya ee mara
xeebaha fog fog ee dalka soomaaliya .
Si kastaba ha ahaatee Diyaaradahan laga sheegay deegaanka degmada xeebta ah ee
xara dheere ayaa kusoo beegmaya xili ay manta qaylo dhaan xoogan kasoo saareen
dowlada KMG ahi xarunta madaxtooyada ee muqdisho taasoo ay ku sheegtay inay
walaac ku hayaan budhcada sii xoogaysanaysa ee kusii fidaya badaha wadanka
soomaaliya .
Warbaahinta Muqdisho Qaarkood Oo Markale Cambaareeyey Maamulka Puntland Xili
Uu Weli Xabsiga Ku Jiro Weriye jaamac Ayaanle
Qaar Ka Tirsan Warbaahinta Madaxa Banaan Ee Ka Howl-gala caasimada Muqdisho ayaa
Ku Eedeeyey Xubin Kamid ah Ururka Nusoj inuu ka dambeeyey xabiskii Lagu xidhay
weriye jaamac ayaanle fayte magaalada boosaaso kaasoo la sheegay inuu qoray
warbixinta (mar uun madaxweyne I dhaha )islamarkaana dusha laga saaray weriyaha
xabsiga ku jira .
Weriye c/risaaq sheikh aduunyo oo isagu kasoo jeeda bahda warbaahinta
islamarkaana u dhashay maamulka puntland ayaa la sheegay inuu qoray warbixinta
lagu eedeeyey weriye jaamac ayaanle taasoo la tilmaamay inay si weyn uga soo
horjeesteen kadib markii la cadeeyey inuusan jaamac ayaanle fayte uusan shaqo ku
lahayn warbixintan ay hor istaageen wasiirka arimaha gudaha dowlad goboleedka
puntland gen.c/laahi axmed jaamac (ilka jiir) iyo taliye ku xigeenka ciidamada
booliska puntland col.jaqanaf oo lasheegay inay dusha ka saareen jaamac ayaanle
islamarkaana xooga saareen sidii xabsiga loo dhigi lahaa weriyahaasi .
Saxaafada oo xidhiidh la samaysay wasiirka arimaha gudaha puntland gen.ilka jiir
oo wax laga weydiiyey in cadayn loo hayo xabiska weriyahaasi ayaa ka gaabsaday
islamrkaana ku adkaystay waa dembiile oo keliya .
Dhinaca kale warar hoosaadyo laga helayo maamulka puntland ayaa sheegaya in
weriye jaamac ayaanle uu si weyn uga horjeestay islamrkaana wax uga qoray
doorashadii madaxweyne c/raxmaan faroole oo la sheegay inuu u garab dhiibiyey
madaxweynihii hore ee cadde muuse tasoo la sheegayo in ciil qab badan oo lagu
eedaynayo weriyahaasi xabsiga loo dhigay .
Si kastaba ha ahaatee warbaahinta qaarkeed ayaa eedayn kale dusha kaga tuurtay
maamulka cusub ee puntland taasoo ay sheegeen inay xad gudub tahay in
weriyahaasi uusan wax dembiya lahayn islamrkaana layska indho saabayo cida
warbixinta qortay waa hadii ay dembi tahaye taasina ay meesha ka saarayso
xoriyatul qowlka iyo xoriyada saxaafada islamrkaana muuqaalku uu yahay aarsi
qarsoon oo ay masuuliyiinta puntland ku aarsanayaan
yaasiin faytin
yaasiinfaytin@hotmail.com
Faafin: SomaliTalk.com | April 13, 2009 | 
Daabaco
Boggan | Print
