Sanad Ka dib Dagaalkii Lubnaan iyo Israel

Hordhac

Fanaanka Soomaaliyeed Xasan Aadan Samater, ayaa Bari samaadkii sanadkii 1973 hees uu qaaday ayaa waxay gil gishay dowladii Israel ee xiligaasi waxayna sababtay in ay dowlada Israel ay ku han jabtay in ay weerari doonto Radio Mogadishu,hadaba dad ay heesi gil gilshay maxay ka dhihi lahaayeen ganaalaha ay ku garaaceen ururuka Xisbulaah Sanadkii Hore iyo kooxaha falastiiniyiinta ee Xamaas ugu horysay.

;;;;;Heestii Xasan Aadan Samater ayaa waxay ahayd,Sidaan :;;;;

Israel Ma boodeen,Bari dhex intuu tagay nabad kuma bariisteen

Waa Boqol Yuhuudiyo ragbaa baa biirinaayee,beerka u firayaa barqa laguma gaareen

Beydkii Ilaaliyo Barxadii ILAAHIYO barxadii RASUULKA waxaan loo bannayn iyo bakhti kuma dhex kariyee

Bishimaha Dushoodiyo Been weeye Nabaduye

Baaruudda qiiqdiyo buntuq weeye dunidyo

Afirkay isbiirsoo Isa soo bahaystoo Ninkii Baal u leexda basar wax ugu sheego ku ballama dagaaal.

Dagaalkii Lixaad ee Carabta iyo Yuhuuda

Dagaalkii lixaad ee u dhexeeyay Carabta iyo Israel ayaa waxaa uu ahaa kii dhacay kal hore [sanadkii 12-July- 2006] sida ay inta badan warbaahinta iyo warfidiyeenada carabtu sheegaan dagaalkaasi ayaa waxaa uu socday muddo ah 34 maalin waxaana uu baabiyay bilicdii Caasimada Dalka Lubnaan ee Bayruut,iyadoo dhulka lala smiay dhanka koonfurteed ee magaalada Bayruut inteeda badan oo ay dagan yihiin Taageerayaasha Ururka Shiicada ah ee Xisbulaah.

Ujeedka Dagaalkii lagu qaaday Lubanaan

Ka dib markii ay xoogaga Xisbulaah ay gudaha u galeen dhulka ay Yuhuudu maamusho ee Waqooyiga Israel ayna ku dileen 8 Askar oo yuhuud ah laguna dhaawacay 21 kale ayna qafaasheen 2 kale oo magacyadooda la kala yiraahdo,Ehud Goldwaser Iyo Aldad Regev, sida ay sheegeen Kooxda Xisbulaah,weerarka lagu soo qafaashay labadaani Askari ayaa dhanka Xisbulaah waxay ugu magac dareen [BALANTII LAGA RUNSHEEGAY] halka ay Israel-na ugu magac dartay,[CADAALADII SUGNAYD].

Ehud Goldwasser iyo Eldad Regev

Dagaalka ayaa ahaa mid ay labada dhinac isku dhigeen duruus lama iloobaan ah,[CADAALADII SUGNAYD] ayaa warbaahinta carbeed waxay ku macneeyeen in ay tahay labo arimood oo ay Israel doonaysay kuwaas oo kala ahaa (1) soo daynta labada Askari Ehud Goldwasser Iyo Eldad Regev ee gacanta ay ku hayaan Xisbulaah ilaa maantada aan joogno,waa tan (2) de in meesha laga saaro Kooxda Iska caabinta Xisbulaah guud ahaanba dalka Lubnaan waxayna gacan lixaad leh ka helaysay Dowlada Maraykanka iyadoo ciidamada Dowlada Lubanan aysan wax tilaabo ah qaadan lagu taageerayo kooxda iska caabinta Xisbulaah taa oo ay dad badan oo siyaasada falan qeeyo ku tilmaamayn in ay ahayd dhagar la soo maleegay sidii Ururkaas meesha looga saari lahaa.

Waxaa laga saaray dalka Lubnaan 2000 oo qof oo u badnaa dadka u dhashay wadamada reer Galbeedka taas oo caydan u ahayd in ay Nalka cagaaran u daarayen Israel si ay dhulka ula sinto Lubnaan,waxayna isku raaceen dalalka reer galbeedku in ay Israel xag buuxa u lee dahay [is difaacad].

Dowlada Sucuudiga ayaa ku hadashay war aad ugu xumaadeen Kooxda Shiicada ah ee Xisbulaah waxayna tiri Sucuudig '' Afduubka loo gaystay labada Askari waa Is biimayn aan lagala tashan Dowlada sharciga ah''

Wargayska New York Times ayaa waxuu shaaciyay '' in ay dowlada Washintong ay ku dhaqaaqday sidii ay Bambaanooyin deg deg u gaarsiin lahayd dagaalka Lubanan lagula jiro,isla markaasna wasiirada Arimaha Dibada ee Maraykanka Naagta la yiraado [Condoleezza Rice ] ayaa waxay ka codsatay in aan xabad joojin la samayn.

Dhamaadkii Dagaalka Farxadii Xisbulaah iyo Murugadii Israel

Dagaalkii Lubaan iyo Israel ayaa ahaa mid ku dhamaaday guul lama filaan ku noqtay dowladaha reer Galbeedka iyo Israel-ba ka sogow bururkii loo gaystay Bayruut kama aysan bad baadin Magaalooyinka Israel duqaynta ay Ururka Xisbulaah ku qaadeen waxaana ay taas keentay in ay Israel joojiso si shuruud la'aan ah weeraradii ay waday ka dib markii ay Xisbulaah sheegtay ina y caasimada Israil ee Talaabiib ay hayaan ganaalo gaaraya

Meelaha ay beegsanayeen diyaaradaha Israel ayaa waxaa kala ahaayeen [ buundooyinka,ilaha dhaqaalaha,Qorshaynta quwada,Garoomada diyaaradaha,Caruurta iyo Xisbulaah sida ku cad Tusmada kore.

Fashil ayay ku noqday Dowlada Israel dagaalkaas waxaana ka xumaaday Asaxaabtii Israel waxaana ku farxay xulafadii Xisbulaah oo ay ugu horaysay Dowlada Iran iyo Suriya waxay khal khal galisay dowlada Ehed Olmort oo ay xisbiyada Mucaaradku ugu baaqeen in oo is caliso oo ay ilaa maanta sumcad daradii ka soo gaartay dagaalkaasi ay taagan tahay.

Habada Waa Kuma Ninka Guusha Xisbulaah ay gaartay loo tiiriyo Maxaase ka taqaan Tiirkhdiisa.

Sawirka Xassan Nasralaah xiligi uu yara/Sawirka Wekipedia

Xasan Nasralaha waa Gudoomiyaha guud ee Ururka Xisbulaah waxaa uu dhashay 10 August,1960 waxaana uu ku dhashay magaalada Baazuurah,uu u dhow magaalada Suur,waxaa uu wax barashada Dugsiga hoose ka bilaabay magaaladaasi isagoo ku biiray Madarasada [xaafada Najaax] waxaana uu watay wax barashadii waxaana saamayn ku yeeshay dagaalkii sukeeye ee dalkaasi ka dhacay 1975, balse waxaa uu sii amba qaaday wax barashada Dugisa Sarre waxaana uu ku biiray Dugisa Sarre ee Lubnaaniyeenta ee ku yaala magaalada Suur oo 10 KM u jirtay magaaladii uu ku dhashay Baazuurah.

1976 ayaa Xasan Nasrulaah waxaa uu tagay dalka Ciraaq gaar ahaana magaalada ay shiicadu ka dhigtaan meelaha barakaysan ee Najaf isagoo dib uga soo laabtay sanadkii 1978,halkasina waxaa uu u tagay arimo la xiriira barshada Diinta islaamka gaar ahaana Qaciiqadaha Cawaaliyada ama shiicada ee uu aamin san yahay Nasrulaah.

1979 ayaa waxaa isagoo ku dhex jira dhanka diinta islaamka uu docda kale arimaha siyaasada ku biiray waxaana uu xubin ka noqday Ururka Shiicada ee la Yiraahdo [Amal] waxaana uu wakiil uga noqday Ururkaasi Gobolka Biqaah ee dalka Lubnaan.

1982 ayaa waxaa uu isaga baxay Ururkii Amal ka dib markii uu dhacay khilaaf wayn oo soo kala dhex galay madaxda sare ee Amal,khilaafkaasi oo ka dhashay sidii loo waajihi lahaa ciidamada Israel oo xoog ku soo galay dhulka Lubnaan,isla sanadkaasi 1982 ayaa waxaa la yigleelay Ururka Xisbulaah oo firkir ahaan ku dhisan afkaarta Khumayni'i-ga Iran,.

Xasan Nasrulaah waxaa uu xilal kala gadisan ka soo qabtay Ururka Xisbulaah,sanadkii 1985 ayaa dhaqdhaaqiisu waxaa uu gaaran Madaarista cilmiga ah iyo waliba deegaanadii uu u yaqaanay sida tooska ah ee uu wax ka soo bartay, isgoo ugu danbayntiina soo gaaray magaalada Bayruut ee caasimada dalka Lubnaan isagoo ay da'diisu aad u yarayd waxaana uu jiray 32 sano.

1987 ayaa waxaa loo magacaabay Xasan Nasurlaah waxaa loo magacaabay masuulka ugu sareeye ee gudiga Fulinta iyadoo sidoo kale loo magacaabay xubin ka tirsan gudiga golaha shuurada [waa jagooyinka ugu sareeya ee Xisbulaah].

1992 ayaa ay Dowlada Israel waxay dileen Gudoomiyihii Ururka Xisbulaah [Cabaas Muusawi]waxaana isla sanadkaasi loo maacaabay Xasan Nasurlaah inoo noqdo Gudoomiyaha Guud ee Ururka Xisbulaah,waxaana aad u taageersan inta badan dadka lubaaniyiinta ah kuwa Shiicada ah.

Gabo gabo

Su'aal badan ayaa waxay ka dhalatay umada Soomaaliyeed dhexdeeda dagaalkii lubnaan ka dhacay ka dib, waxay qaar yiraahdeen Shiicada lubnaan ka dagaalmaysa iyo Yuhuudu waxba isma dhaamaan khilaaf ayay ka dhex abuurtay culumada qaarkood masaajida ayaa looga duceeyay Xisbulaah waxaana ka xumaaday ,dadka qayb ka mid ah oo yiri '' waa shiico waxbna uma hayaan Suniyiinta,wayna noo siman yihiin iyaga iyo kuwa ku soo duulay waxaana masaajida qaar ka mid ah Nairobi ka dhacday Muxaadaroon 10 muxaadaro ku dhow oo ay culumada si is daba joog ah kala hadlayeen shiicada waxay aamin san tahay ee ay ka mid tahay waxa ay ka aamin san yihiin Asxaabta Rasuulka,

Dagaalkii Lubaan Sanad ka dib yay weerari doontaa Israel waa su'aasha ugu wayn ay dadka carabtu isla dhex marayaan walow ay Iran ku dhawaaqaday hadii Suuriya la weeraro ay ganntaalo ku ridi doonto Israel..

Maxamed Cabdi Maxamed Bootaan

Nairobi,Kenya,Botaan1@hotmail.com

Faafin SomaliTalk.com | July 15,2007

Tixraaca Qoraalkaan iyo meelaha laga heli karo.

Websiteka iskacaabinta ee ay lee dahay Xisbulaah.

Wikipedia.org Qaybta Xasan Nasuraal

Wikipeda.org Dagaalkii Lubnaan 2006

Afeef:-Waxaan ka afeefan in aanan qormadaan cid gaar ah ama koox gaar ah ula dan lahayn oo aan Si sheeko ahaan ah soomaaliya xaalada ka taagan u soo bandhigayay [qaab sheeko ah ayaan u diyaarinay oo kaliya]
Dhamaad.

Halkaan ka akhirso qoraaladii Hore ee M C M Bootaan

Maxay ka noogtaa ama ku noogtaa bishimo iyo naaaso midna ma lehWaxba

wax baa lagu keenaa sheekadaan dheer waxaan ku keenay maanta ayaa waxay ku aadayn 1-Jully 2007 waa 47 guuridii ka soo wareegtay xiligii ay soomaaliya ay xoriyada ka qaadatat Talyaaniga isla markaasna ay midoobeen labadii Gobo lee Soomaaliya ee Waqooyiga Somalia iyo Koonfurta Soomaaliya.

Waa kuma maxaase ka taqaanaa Hogaamiyaha dalka Libiya Col Qadaafi Madax waynaha dalka Libiya Col Mucamar Al Qaddafi waxaa uu dhashay sanadkii 1942 isagoo ku dhasnay Degmada Sirta,waxaana uu ahaa nin,madi ah [aynan walaalo kale la dhalan]waxaana uu ka dhashay qoys daga baadiyaha,xiligii uu yaraa waxaa uu ahaa nin xoolaha raaci jiray geele iyo ariga saxaraha Sirta .

Waa Kuma, Maxaadse ka taqaan Taariikh Nololeedkiisii: Dr. Cabdicasiis Cali Cabdilxafiid (Al-Rantiisi) Shahiid Dr. Cabdicasiis Cali Cabdilxafiid (Alrantiisi) wuxuu ku dhashay tuulo yar oo la yidhaahdo Yibnaa oo u dhaxaysa (Casqalaan iyo Yaafa)markay ahayd taariikhdu 23 October 1947kii --waxaana uu shahiiday 17kii Abril 2004ta

Waa Kuma, Maxaadse ka taqaan Taariikh Nololeedkiisii: Shiikh Axmed Yaasiin Aasaasaha Xamaas iyo is bar bardhig DFKMG Somalia iyo Fatax. lix iyo toban jir markii uu ahaa,ayaa Shiikh Axmed Yaasiin,waxaa ku dhacay shil aad u khatarsanaa oo saamayn wayn ku yeeshay gabi ahaanba noloshiisa iyo jiritaankiisa ilaa intii ay yuhuudu ka dileen ee uu ka shahiiday...

aaden cadde

Waa kuma Aadan Cadde Maxaase ka taqaanaa Taariikh nololeedkiisii,Madax waynihii ugu horeeyay Somalia. Waa madax waynihii ugu horeeyay 53-da dal ee Qaarada Afirka oo idil si calaad ah uga dagay Kursiga madaxtimada taas oo soomaaliya Magac wayn u soo jeediy oo tusaale lama ilaabaan ah ay ka dhigtaan Madaxda afrika.

Waa kuma Mahathir Bin Maxamed Maxaadse ka taqaanaa taariikhdiisa horumarka oo dalkiisa gaarsiiyay sidee Soomaaliya ku gaarsiin karnaa ? Waa mid ka mid ah dadka ugu cad cad madaxda dalalka islaamka ee casrigaan, da'diisu iminka waa 82 sano jir. Waa ra'iisul wasaaarihii Malaysiya intii u dhexeysey 1981 ilaa 2003.

Waa Kuma Masuulka dagaalo sokeey oo 16 sano ah ka dib Soomaali oo dhan bad baadiyay oo 80% laga taageeray gobolada dalka soomaaliya oo dhan, laguna tilmaamo inuu yahay ninka ugu siyaasada iyo maamulka fiicnaa Soomaaliya 16 sano waa Shiikh Shariif Shiikh Axmed, Haddaba maxaad ka Taqaan Taarikhiisa...

Waa kuma: Aasaasihii Xarakada Ikhwaanu Muslimiinta maxaase ka taqaan taariikhiisa,qaab noocee ah baa loo dilay. Aasaasihii Xarkada Islmaamiga ah ee Ikhwaanul Muslimiin,Shiikh Xasan Axmed Cabdirixmaan (Ustaad Xasan Al Banaa) waxaa uu dhashay barqanimo maalin Axed ah 25kii bisha Shacbaan sanadkii 1324(Hijiryaha) 14kii October 1906, waxaana uu ku dalka Masar deegaanka loo yaqaano Buxayra.

Waa Kuma Ninka Soomaalida 90% ay ugu Necebtahay Afika maxayse ku Neceb yihiin. Qoraa soomaaliyeed ayaa waxaa uu yiri Melez Zenawi waa Ninka ay soomaalida 90% ay ugu Neceb tahay Africa,Mid kale ayaa waxaa uu yiri Melez Zenawi soomaalidu waxay ay u necebtahay siyaasadiisa Qalafsan ee uu kula dhaqmo soomaalida iyo Muslimiinta,Qoraa kela ayaa qoraal ciwaan waxaa uu uga dhigay Zenawi oo kaliya afrika oo dhan maxaa ay soomaalidu u necebtahay?

17kii March 2005 iyo 17ka March 2007 Baarlamaanka Soomaaliya maxaa u dhexeeyo. Waxaan doonayaa in aan maanta 17ka March 2007 iyo 17kii March 2005 is bar bardhigno sida ay tahay xaalada baarlamaanka DFKMG ah ee soomaaliya labo sano ka dib markii gacmaha ay isku la tageen xubnaha baarlamaanka DFKMG ah ee soomaaliya, Hotelka (Grand Regency, Nairobi) dhexdiisa.

Tixraaca /isha: sawirada: Google search/news, yahoo search/news, wiki, wikipedia