HOWLAHII OLOLAHA CIRIBTIRKA DABAYSHA OO LA SOO GABAGABEEYEY: MAS.UULIYIIN KA KALA SOCOTEY GOLAHA MAXAAKIIMTA .WHO.IYO UNICEIF OO LA QEYB GALAY

xaflad balaaran oo ay ka qeybgaleen mas.uuliyiin ka kala soctey waaxda caafimaadka ee midowga maxkamadaha islaamiga ah hay.ada who iyo uniceif ayaa lagu qabtey hotel peace ee magaalada Muqdisho.

Xafladaan oo lagu soo gabagabeynaayey xiritaanka wareega sagaalaad talaal cudurka dabeesha .ayaa waxaa ugu horeyn ka hadlay mas.uuliyiinta hay.ada uniceif oo uu ka mid ahaa xiriiriyaha Ciribtirka Cudurka Dabeesha ee Hay’adda Unicef Maxmuud Shirre oo ku dheeraaday heerarkii uu soo maray cudurka dabeesha iyo siyaabaha loo kala qaado.

“ Sida la wada ogsoon yahay 1988 golaha guud ee ururka caafimaadka aduunka iyo Dowladaha dunida ka jira waxay ku wada heshiiyeen in cudurka dabeysha laga ciribtiro dunida sidii horay looga ciribtiray cudurka furuqa si looga badbaado dhibta cudurkaan ku hayo dunida taas oo ay cadayneyso in sanadkaaas 1988dii laga helay diunida 350.000 cunug oo naafeeyay cudurkaa dabeeysha, kolkii la bilaabay ololayaal kagu cirib tiraayo cudurkaan ayaa waxaad garan kartaa in sanadkii 1998 in dunida laga helay cudurkaan caruur dhan 6227 canug, sandkaan 2006 waxaa uu asiibay caruur dhan 1647 canug waxaad garan kartaa heerka uu joogay markii la bilaabay ololaha iyo heerka uu hadda dunida ka marayo .

“Sanadkaan 2006 waxaa laga qabtay dalkeena Sagaal wareeg oo ah ololaha ciribtirka Cudurka Dabeysha waxaana dalkeena laga helay 32 cunug oo u asiibay cudurka dabeysha galkii uu ja ahaa sanadkii 2005 ilmo dhan 189 canug .

“Haddaba waxaan ka rajaynayaan cidkasta oo Somali ah ayna ku dheehan tahay Islaanimo in ay ka qeybqaataan howlahaan lagu badbaainaayo caruurta yar yar ee aan Masuulka ja wada nahay “ ayuu yiri Maxamuud Shirre xiriiriyaha ciribtirka cudurka dabeysha.

Sioo kale waxaa halkaas ka hadlay Maxamed Xuseen Cumar Madaxa Caafimaadka iyo Talaalka UNICEF, Madaxa Hey’adda WHO Dr. Maxamed Maxamuud Fuje iyo Madaxa caafimaadka iyo Fayodhowrka ee midowga Maxaakiimta Muxyadiin Maxamuud Cumar, waxeyn mas’uuliyiintaas ku booriyeen dadweynaha oo idil inay ka qeyb qaataan ka shaqeynta sidii loo ciribtiri lahaa cudurka dabeysha.

Ololahaa lagu ciribtirayo Cudurkaan dabeysha ayaa waxaa ka faaiidaystey kunanaan kun oo caruur somaliyeed ah waxaana lagu wadaa in sanadka cusub bilaha ugu horeeyo uu mar kale si habsami leh uga bilowdo dalka somaliya magaalada madaxdiisa ee muqdisho iyo gobolada iyo damooinka dalka oo idil wuxuuna socon doonaa inta laga ciribtiraayo guud ahaa aduunka gaar ahaana somaliya sidii loo ciribtiray cudurkii furuqa waxaana mar kale loogu baaqay mas.uuliyiinta hay.adaha who iyo uniceif ugu baaqeen bulsho weynta somaliyeed in ay gacan ka geystaan howlahaan la xiriira ciribtirka dabeysha

Muuse Maxamuud Jiisow

somali39@hotmail.com

Muqdisho Somaliya

025215576666

002521653623
 

Faafin: SomaliTalk.com | Dec 14, 2006