Nairobi:
Masjidka Islii oo kaalmo dhan $60,000 loogu
Ururiyay Dadka ku Tabaaloobey Fataahada...
- Masaajidka Ugu wayn
Islii oo sadexdii habeen ee aan soo dhaafnay tabarucaad
kaalmo dhan $60,000 loogu ururiyay dadka ay dhibaatadu
ka soo gaartey Fataahada ee ka qayb qaato walaalka
muslimka ama walaasha muslimka ah meel kastoo aad
joogtid tabarucaadaasi....
Waxaa habeenkii Isniinta
(Dec 4, 2006) ahayd Magaalada Nairobi gaar ahaan xaafadda
islii ee ay somalidu ka dagto caasimada Kenya masaajidka ugu
wayn ee la yiraahdo Abuubakar ama 6 Street lagu soo gaba
gabeeyay tabarucaad lacag loogu ururinayo dadka somalida ah
ee ku wax yeeloobay fataahada wabiyada ee gobolka waqooyi
bari ee Kenya iyo waliba gobolada koonfurta dalka Somalia.
Tabarucaadka ayaa bilaabtay
habeenkii sabtida waxaana ka soo qayb galay muslimiin aad u
badan iyadoo ay dadka halkaasi ku qaabilayeen culumaa’diinka
Soomaaliyeed ee dalka Kenya oo ugu waynaa Shaikh Maxamed
Cabdi Umal ‘ iyo waliba Sheikh Maxamuud Maxamed Shibil ,
sidoo kale waxaa joogay nin wadaad ah oo la yiraahdo Sheikh Cali
Guure oo isagu magaalada Garissa ee xarunta gobolka waqooyi
bari habeenkaasi ka soo galay .
Sheikh Cali Guure ayaa
waxaa uu halkaasi ka jeediyay warbixin naxdin ku reebtay
dhammaan dadkii dhagaysanayay waxaana uu yiri "waxaan
indhaha soo saaray yaxaas, Jeer, Libaax, wiyil iyo dadka oo
isku meel ka soo galay daadadka iyo fataahada," hadalkiisa
isagoo sii wata ayaa waxaa uu yiri "wabiga Tana River ee
magaalada Garisa mara ayaa waxaa uu kusoo fatahay dadka ku
dhaw dhawaa aagiisa ka dib markii qar qarka loo jabiyay meel
biyo xirayn ah
oo kuruntada laga dhaliyo balse aysan ka faaidaysan dadka
deegaankaasi"
Sheikh Maxamed Cabdi Umal
imaanka masajidka kana mid ah culumaa’diinka soomaaliya iyo
Kenya sida wayn looga yaqaan ayaa bilaabay tabarucaadka
isagoo dadka ku dhiiri galiyay in ay bixiyaan waxii EEBE
siiyay,dadka sadaqada bixiyay kuma koobneen kuwa jooga
Nairobi balse waxaa jiray dad iyagu kaga qayb qaadanayay
Alaada Enternetka PalTalk cidii doonayso in ay iyada oo
dibada joogta ka qayb qaadato arintaasi hoos ka ka akhir
sida aad u soo diraysaan lacagta tabarucaada ah.
Sheikha ayaa isagoo
hadalkiisa sii wata waxaa uu yiri '' dad badan ayaa dhihi
doona lacagtaan waxaa loo bixin taageerida dad argaggaxiso
ah balse waxaas wax jira ma ahaan doonaan oo waxaa la siin
oo meesha ay joogaan lagu gaarsiin dadka dhibaataysan ee
fataahadu ku habsatay, wax kasta ha dhahaan dadka, inta
badana dadka lacagta ku qaata dhibanayaasha ayaa yiraahdo
wararka caynkaasi ah.''
Waxaan sadexdaasi habeeen u
kuur galay lacagtaasi la dadku dhiibayeen iyadoo ay farax
wayn qalbigayga ku reebtay markii aan arkay dadka intiisa
badan oo dhiibayay aad u fara badan sidi $5000 nin dhiibay,
6 nin oo dhiibtay $4000 iyo kuwa badan oo dhiibay inta u
dhexayso $50 ilaa $3000, isku cel celis qiyaastii lacagtii
la ururiyay ayaa waxaa ahayd $60,000.
Waxaana la filayaa in
dhawaan la gaarsiiyo lacagtaasi ama waxii lacagtaasi lagu
iibiyo meelaha ugu daran ee dhibaatooyinku ka dheceen sida
oo sheegay Sheikh Maxamed Cabdi Umal imaamka masaajidkasi
kana mid ah culumada somalida laga dhex qadariyo.
Sheikha ayaa sheegay in
arintaan aysan ahayn tii ugu horaysay oo masaajidku sameeyo
waxaana uu shegay in abaarihii dhawaan gil gilay gobolada
koonfurta somalia iyo waliba waqooyi bari kenya ay
gaarsiiyeen lacag dhan 3 malyan oo kenya lacagteeda ah.
Habada Dhammaan dadka
islaamka ah ee akhirya warkaan ee ka qayb qadan karo
tabarucaadaasi waxaa ilaah uga baryaynaa in Janadii Fardawsa
ahayd geeyo kana qayb qaataan tabarucadaan .
Cidii doonayso in ay ka
qayb qaadato waxaa lagu wargalin in ay la soo xiriirdho
maamulka masaajidka Abuubar ee Nairobi kenya
Sheikh Cabdiraxmaan Cadaani
254-722641946 ama kala xiriir
sixmosque@hotmail.com
Waxaa warkan soo tebiyey
Maxamed Cabdi Maxamed Bootaan
Botaan1@hotmail.com
SomaliTalk Nairobi, kenya
Faafin: SomaliTalk.com |
Dec 4, 2006
Soomaalida Minnesota oo $20,000 u ururiyey
Dadka Soomaaliyeed ee ku
tabaaloobey fatahaada iyo daadadka ka dhacay webiyada iyo
xeryaha qaxootiga
Akhri...
| 
Daabaco
Boggan | Print