Gen. Cadde Muuse oo ku Laabtay Itoobiya
Kaddib markii uu London kula soo kulmay C/laahi Yuusuf....
- SomaliTalk.com | May 3, 2008
 Madaxweynaha DGPL, Gen. Cadde Muuse, ayaa Jimcadii (May 2, 2008)
lasheegay in uu gaarey magaalada Addis Ababa kaddib markii uu ka soo laabtay
safar uu ku tegey magaalada London ee dalka Ingriiska.
Gen. Cadde intii uu joogey Ingriiska waxa uu la kulmay madaxweynaha DFKMG,
col. Cabdullaahi Yuusuf oo u saxiixay heshiiska dhex maray xukuumadda Cadde iyo
shirkadaha Batroolka. Heshiiskaas oo ay si xoog leh u diidan yihiin guddoomiyaha
Baarlamaanka DFKMG iyo Wasiirka Batroolka/Tamarta ee DFKMG.
Maarso 30, 2008 ayey ahayd markii madaxweynaha DGPL uu ka soo dhoofay
Puntland oo tegey Addis Ababa, waxana uu April 11, 2008 ka sii aadey
Nairobi si uu ula kulmo Madaxwynaha DFKMG oo ka soo dhoofay Xamar. Markaas aaya
Gen. Cadde Muuse dib ugu laabtay Addis Ababa halkaas oo uu markale ka dhoofay
April 24, 2008 isagoo aadey London, UK si uu markale ula kulmo C/laahi
Yuusuf. Kulankaas kaddib waxa uu Gen. Cadde markale dib ugu laabtay Addis Ababa
May 2, 2008.
Lama oga inta maalmood ama toddobaad ee Cadde Muuse ku negaan doono magaalada
Addis Ababa iyo xilliga uu ku laaban doono Puntland.
Sida ku cad Dastuurka
Puntland, Qodobka 54aad, Farqaddiisa 20aad "Madaxweynuhu
dalka kama maqnaan karo 60 beri ka badan". Dastuurku ma qeexin in 60-ka
maalmood ay yihiin inta uu xilka hayo oo dhan ama in 60-ka beri uga bilaabaneyso
mar kasta oo uu baxo, oo aysan xaddidnayn inta 60-aad ee uu dalka ka maqnaan
karo.
Safarka Gen. Cadde ee Itoobiya waxa uu kusoo beegmay xilli odaaysha Puntland
sheegeen in dad Soomaaliyeed ay DGPL u gacan gelisey Itoobiyaanka.
May 2, 2008: Siddeed (8) nin oo ka soo jeeda Dhulka
Soomaaliyeed ee Itoobiya gumeysato ayaa ciidamada Puntland ka qabteen magaalada
Galkacyo, waxaana loo dhiibey Itoobiyaanka oo kaxaystay, sidaas waxaa sheegay
Cabdallah Jaamac Jibriil oo ka mid ah Odayaasha Puntland, gaar ahaan Gaalkacyo.
Wararysi idaacada British Broadcasting Corporation ka
 Dhegeyso
halkan ama
halkan( mp3)
Sidaas oo kale waxaa 22/04/08 magaalada Garoowe laba nin oo lagu
magacaabo Maxamed Axmed Caafi (Dhiirre) iyo Cabdi Nuur Maxamed Sooyaan loo gacan
geliyey Itoobiyaanka oo ay sidaas ku kaxaysteen, arrintaas oo ay
cambaareeyeen
Odayaasha Puntland.
May 2, 2008: Masaajidda Boosaaso iyo Gaalkacyo ayaa khudbadihii
saladda Jimcada si kulul loogu cambaareeyey ficillada ay Puntland rag
Soomaaliyeed oo ka soo jeeda gobollada ay Itoobiya Gumeysato loogu gacan geliyey
Itoobiyaanka. Culimada arrimahaas sida kulul uga hadlay waxaa ka mid ahaa Sheekh
Axmed Daahir iyo Sheekh Daahir Aw Cabdi.
Kalluunka Sharci Darrada Looga Gurto Soomaaliya oo gaaraya lacag dhan
300 million oo doolar sannadkii...
May 1, 2008: (Dooxa, Qadar) - Barnaamij looga hadlayey sidii wax looga
qaban lahaa Burcad badeedka Soomaaliya oo laga soo daayey TV-ga Aljazeera ayaa
mid ka mid ah khubaradii ka hadashay barnamijkaas oo ah Dr. Franz Lehr oo ka
tirsan Jaamacadda University of St. Andrews (UK) waxa uu sheegay in kalluunka
sida sharci darrada ah looga gurto badaha Soomaaliya uu sannadkii gaarayo lacag
dhan saddex boqol oo million oo doolar ($300 million). Waxana uu intaas
ku daray in kalluumaysatada maxalliga ah (kalluumaysatada degaanka ee Soomaaliyeed) ee wata doonyaha yaryar
in ay ka xoog badiyaan oo xusulka ku riixaan maraakiibta waaweyn ee badda
kalluunka ka jiraafa.
Video:
La
Dagaallanka Burcadda Badda Soomaaliya | Aljazeera
Arrinta ku sabsan in 300 million oo doolar kalluun qiimihiisu yahay si sharci
darro looga gurto badda Soomaaliya waxa uu Franz Lehr sheegay mar la
weydiiiyey su'aal ku saabsan sida uu u arko Faransiiska, Maraykanka iyo UK oo diyaarinaya
Qaraar Qabyo ah oo la geynayo Qaramada Midoobey si loola dagaalamo burcad
badeeda Soomaaliya, waxa uu markaas sheegay in arrintaasi tahay in boogta korka laga dhayayo oo aan loo daadegin arrinta rasmiga ah ee ay tahay in la xalliyo,
kalluumaysiga sharci darrada looga guranayo xeebaha Soomaaliya. Hadalka Franz Lehr [Halkan ka
daawo, gaar ahaan eeg Qaybta 2aad ee Video-ga]
Video:
La
Dagaallanka Burcadda Badda Soomaaliya | Aljazeera
May 1, 2008: (Baydhabo) - Ra'iisul wasaaraha DFKMG, col. Nuur Cadde,
ayaa Baydhabo kaga qayb galay kulan ay yeesheen Baarlamaanka DFKMG, waxana uu
halkaas ka sheegay in la dhisayo "Ciidan Qaran" isagoo intaas ku daray in
ciidamada hadda ku sugan dalku ay yihiin "shisheeye". Waxa kale oo uu sheegay in
dakhliga ay DFKMG hesho uu ka soo galo dekedda Muqdisho, waxana uu xusay in ilaa
xilligii la doortay [Nov
22, 2007] ilaa hadda [May 1, 2008 oo ah markuu hadalka jeedinayey] ay xukuumaddiisa soo gashay lacag
dhan 3 million oo doolar oo uusan caddayn sida ay ku baxday.
[May 3, 2008 ayuu Col. Nuur Cadde dib ugu laabtay Muqdisho,
waxaana intii uu joogey Baydhabo ay xildhibaanada DFKMG weydiiyeen su'aalo kulul
oo la xiriira waxqabadka xukuumaddiisa, dhaqaalaha soo gala iyo meesha ay ku
baxday lacagta uu sheegay in ay dekeda Muqdisho ka soo xerootay oo muddo shan
bilood ah taas oo dhan 3-million oo doolar iyo sababta uu baarlamaanka u hor
keeni la'yahay miisaniyadda xukuumadiisa.]
May 1, 2008: (Boosaaso) - Israsaasayn dhex martay ilaalada Wasiirka Amniga DGPL, Cabdullaahi Saciid Samatar,
iyo koox wadatey gaari ay waxaa ku dhintay saddex qof, waxaana dhaawacmay saddex
kale. Waxaa jira warar is khilaafsan oo tibaaxaya sidii dhacdadaasi u dhacday.
Wasiirka Aminiga oo saxaafada la hadlay mar uu May 2, 2008 shir jaraa'id ku
qabtay Boosaaso ayaa sheegay in isaga la weeraray oo la sigay - hadalka Wasiirka
Amniga DGPL ka
dhegeyso
halkan ama
halkan
(mp3).
May 1, 2008:
(Dhuusamareeb)- Maraykanka ayaa duqeeyey magaalada Dhuusamareeb kaddib
markii gantaal (Cruise Missile) laga soo gamey markab taagan badweynta
Hindiya ee xeebaha Soomaaliya, waxaana duqayntaas ku
geeriyoodey Aadan Xaashi Cayrow [oo 32-jir ahaa] iyo xubin sare oo ka tirsan
Ururka Al-Shabaab oo lagu Magacaabo Shiikh Muxyadiin Maxamuud Cumar. Duqayntaas
waxaa kale oo ku dhintay dad tiradooda ay hay'adda Reutets ku sheegtay ilaa 30
qof, waxayna geysteen burbur - Eeg sawirka hoose, sidoo kale daawo
War ah Video ah...
Dad ku dul socda burburkii ay geysteen diyaarada dagaalka.
Sawirka: Reuters - May 1, 2008
April 30, 2008: Col. Nuur Cadde ayaa gaarey magaalada Baydhabo isaga
oo ka soo dhoofay magaalada Muqdisho. Markii uu ka dhoofayey Muqdisho waxaa
Villa Soomaaliya ka soo qaaday gawaari qafilan oo ciidamaad AMISOM oo aad loo
ilaalinayey.
April 30, 2008: Wareegto uu soo saaray Ra'iisul wasaaraha DFKMG ayaa
xilgii looga qaaday guddoomiyahii Gobolka Hiiraan Yuuusuf Axmed Xagar [Yuusuf
Dabageed]. Waxaana wareegtadaas lagu sheegay in uu Dabageed wax ka qaban waayey
ammaanka Gobolka Hiiraan sidaasna looga qaaday xilkii. Yuusuf Dabageed xil ka
qaadistaas waa diidey waxan auu ku tilmaamay sharci darro.
Faafin: SomaliTalk.com | May 3, 2008
"Ilaa La Soo Celiyo Gobolka Sool ma Suurta Gelayso
in Shidaal La Soo Saarayo"
sidaas waxaa yiri Madaxweyne Xigeenka DGPL. Akhri | 
Daabaco
Boggan | Print
Qoditaankii
Shidaalka Puntland oo dib loo dhigay (Muddo aan la cayimin)