Gabaygaan daliil gabay waxaa tiriyey abwaan c/khayr c/qaadir maxamud {kawtame] waxuuna uga tallo galay munaasabadda dawlada cusub ee soomaalia u dhalatay

gabaygaan oo isugu jira duco iyo dardaaran

gabaygaan daliil gabay waxuu soo baxay 16/10/2004

waxuuna ku billowday sidaan  

                      daliil gabay

 

• daliil gabay hadaan maxamadoow damaca maansoondo
• dabuubtayda weeraha markaan qalinka soo daaro
• dulka hoorka maansada markaan diirada u qaato
• docda uu naxwuhu yahay ayaan uga dalxiisaaye
• deelqaafna uma sootirshee waan ka diriraaye
• dulmi uma xishee xaqaan uga dugaalaaye
• beentana masoo daadahshee runtaan daabacaa waliye
   
• iga duubba maansada murtida galiya diiwaanka
• damiirkiina  maqalkiyo dadow dhagaha ii deeqa
• daliilkayga gabay caawa waa daacad qorideede
• wax dhan baan dadow  maahsanayn daa'imkay magane
• diraac baa nahaysiyo weheey dakharo jiilaale
• mar uu daaqu sii dabar go'oo dhulkii wada dangiiboobay
• oon dibinta laalaadinoo wada daciifownay
• oo dalagi soo bixi jiriyo beerti dacarowday
• oon kala dareerroo dadkii dibad usoo yaacay
   
• rabibaa nasoo doojiyee duco u aamiin dheh
• illaahow gugaan da'ay nasii daaqsin lagu waaro
• illaahow gugaan da'ay nasii dahab mataalkiisa
• illaahow gugaan da'ay nasii caano darartooda
• illaahow gugaan da'ay nasii doog lawada quuto
• illaahow gugaan da'ay nasii nabad an duugoobin
• illaahow gugaan da'ay nimcada ha iga kala daadin
• illaahow gugaan da'ay kayeel kii la door bido'e
• insha allaahu waa dawladaani waa deeq Illaah furaye
   
• dawladaan lasoo doortayeey naqo mid aan daalin
• dalwadaan lasoo doortayeey noqo mid duul khayr ah
• dalwaladaan lasoo doortayeey marna ha duuggoobin
• dawladaan lasoo doortayeey noqo tii nawada deeqda
• dawladaan lasoo doortayeey noqo tii na daadihisa
• dawladaan lasoo doortayeey noqo tii dalka dawaysa
• daa'imkay ha tabantaabiyoo dunida ha aygaarto
   
• door-roone noqo cabdulaahiyoow daa'imkay magane
• danta guud markay tahay cabdow diiraha u toosi
• daa'imkay ha garab galo danbaan cidina diibayne
• soomaalaay dadaaloow dhamaan qaata darafkiina
• oo dalaga beeroo arlada doog ka wada yeela
• muuskiyo babaygii dagnaa dacal kasoo gooya
   
• wadankii dihnaa dayro badan daacad wada buuxsha
• rabigay ha daayee dadoow dunida dhaafsiiya
• afartaas da iyo woow ma iri dahab ma maansooday
• ma mareershay gabaygii daliil duni ma maansheeyey
• dockastoo naxwuhu jiro dabaakh hadal ma gaarsiiyey
• sida aarka dooxada ku nool dawan ma yeersiiyey
• sida awrka doobida la kaca codkii ma idin deeqsiiyey
• waxba gabaygu yuu ila durkine waxaan kusoo daayay
• rabiyoow nasoo doojisayedaaqu hana deeqo