DENMARK IYO DURISTA
RASUULKA S.C.W.
MAXAA MUSLINOW KULA GUDBOON?
![](fahad2.jpg)
Fahad
Yaasiin Xaaji Daahir
fahadsom@gmail.com
:::FAALLADII ISNIINTA EE
FAHAD:::
Isniin:
Feb 13, 2006
Waxaa maanta horyaalla
Muslimiinta dunida oo idil imitixaan adag, kadib markii si anshax darro ah loo
aflagaadeeyey Nabi Maxamed C.S.W. Danbigaas waxaa madaxa u ritay Jornaallo
dhawr ah oo R/Galbeed ah, waxaana fitnada bilaabay mid kasoo baxa dalkaas
Denmark, markii hore waxay xaaladu ku bilaabatay sawir gacmeed aad u fool-xun oo
Rasuulka lagu caayayo, taasi waxay ka caraysiisay Muslimiinta ku nool Denmark,
kuwaasoo u istaagay iney safarro dhawr ah u galaan dunida islaamka, si’ay
Culimada Muslimiinta ugu sharxaan xaalada dhabta ah ee jirta.
Hadaanu nahay umada ku
abtirsata Islaamka, waxaa nala gaarsiiyey heerkii ugu liitay oo qof noola ah
loola dhaqmo. Waxaan soo marnay in la dumiyo khilaafadii Islaamiga ahayd ee
dunida u talin-jirtay. Waxaa la gumaystay dunida Islaamka oo idil, iyadoo si
fooshaxun loogumaystay. Taariikhdaas dheer hadaanba ka soo tago, hadeer oo aan
joogno waxaa lagumaystaa Ciraaq iyo Afgaanistaa, waxaa nolol aduunyo looga
dhaartay Shacabka R/Falastiin. Intaas waxaa dheer hagar-daamooyinka aan kala
joogsi lahayn ee ay R/Galbeedku la damacsanyihiin Muslimiinta oo idil.
Musxafka Quraanka ayey ahayd
markii Xabsiga Goontanaama lagu wasakheeyey, oo qaar kamid ahi askarta
Maraykanka ay isaga tireen saxarada. SUBXAANALLAAH. Waxaad lasocotaan in koox
Yahooda Maraykanka ah ay qoreen buug ay dhaheen waa Kitaab Quraan ah, iyagoo
Aayadaha Quraanka ah intay soo qaateen ku ag alifay wax ay u ekeysiinayaan
ayadahaas, nasiib darro Buugaas oo daabacan waxaa lagu arkay wadanka Kuwayd.
Jenan kamid ah Ciidamada Maraykanka waa kii sanad sii horeeyey ku khudbeeyey in
Muslimiintu ay Shaydaan caabudaan, taasoo uu Wasiirkii Gaashin-dhigga Maraykanka
ku andocooday inay tahay arin ninkaas kaliya ku gaar ah.
Hadaan damco inaan
tusaalooyin bixiyo waxay gaari kartaa in buug laga qoro, laakiin intaas aan soo
sheegnay iyo kuwa lamid ah, waxaad ka fahmi kartaa qaabka ay u dhaqmayaan R/Galbeedka,
dowlad ahaan iyo shacab ahaanba.
Markii nala sahansaday ayaa
loo soo gudbay Muqadasaadkii Muslimiinta oo dhan, hadeer waxay maraysaa in
warbaahinta Yurub ay isugu hiilinayaan sidii ay u qab-jabin lahaayeen
Muslimiinta, waxay ku talageen iney kiciyaan damiirka shucuub tiro badan oo
dunida ku nool
Haddii aan rabno inaan u
gargaaro Nabi Maxamed S.C.W. waa inaan ku dhaqaaqnaa talaabo kasto oo aan ku
muujin karno inaan u hiilineyno Rasuulkeenna Suuban S.C.W. hadday tahay in la
mudaaharaado, haday tahay in la joojiyo iibsiga badeecadaha ay soo saaraan
wadamaas ku kacay falkaas foosha xun.
Qofkasta oo Muslim ah waxaa
maanta saaran waajib shakhsi ah, oo ah, inaad muujiso sidii aad u difaaci lahayd
Rasuulka S.C.W. taasoo ay ugu horeyso inaad adigu si fiican u barato siiradii
Rasuulka S.C.W. aadna u diyaar garowdi sidii aad naftaada ugu huri-lahay
ilaalinta iyo dhawrista sharafta Nabiga S.C.W. waana waajib muqadas ah oo
qofkasta saaran.
Waxaad ogaataa difaaca Nabiga
S.C.W iyo jacaylkiisa inay ka horeyso naftaada, tan ehelkaada, iyo wax kasta oo
kale. Muslimiinta ku nool wadamada gaalada waxaa iyagana saaran waajibaad kasii
badan inta saaran kuwa dalalka islaamka jooga, waayo meesha dhibta ka dhacday
ninkii jooga isaga ayaa la rabaa inuu si wacan u muujiyo qiimaha ay Muslimiintu
leeyihiin.
Tanoo kale hadal badan u
baaahna, waxay u baahantahay ficil muuqda oo u noqda kuwa falkaas ku kacay
cashar lama ilaawaan ah, culayska ay hada dareemayaan, iyo kicitaanka shucuubta
Islaamka, waa in lasii wadaa, lana qaadaa ficillo wax tar leh oo intaas kasii
badan, si ay R/Galbeedku u dareemaan in Muslimiintu ay umad ahaan u noolyihiin,
ayna ogaadaan hadii Madaxda Muslimku ay daba-dhilif noqdeen, in umadu aysan
ahayn kuwo danaha gaalada u nugul.
Adiga ayey kuu taal falkii
aad ku dhaqaaqi lahayd si aad Rasuulka u daafaco, dabcan adigoo la tashanayo
dadka wax garadka ah ee kula jooga, iyo culimada Muslimiinta ee aad
lanooshahay.
|