::: SomaliTalk.com ::: XUQUUQDA QORAALKA ::

SOMALITALK.COM

Home

SIIRO

| Allah Is Great

w w w . S o m a l i T a l k . c o m

SOMALITALK - XUQUUQ

Daabaco Boggan | Print

Qaabka Loo Qoro warka, Faallada iyo Ra'yiga Guji

XUQUUQDA QORAALKA [COPYRIGHT]

ISHA WWW.SOMALITALK.COM
Qore: Maxamed Cali | June 18, 2003

Qaybta: 1aad | 2aad | 3aad | 4aad

QAABABKA/NOOCYADA MINGUURINTA

Sida aan kusoo aragnay qaybihii hore, minguurin waa qoraal laga sameeyey nuqul, laakiin aan la xusin qoraagii iyo meeshii uu asalka kusoo baxay. Hadaba qaybtaan waxaan ku eegeynaa dhawr siyaabood oo kamid ah hababka laga yaabo in qoraalka loo minguuriyo.

WWW.BOGAASALKA.COM	WWW.BOGAMINGUURINTA.COM
Sheekadii Qansaxa Qore: Quwaax Qurac Waxaan ahay bogga asalka ee qoray qoraalkan, waqti dheer in ayey igu qaadatay in aan Jeerinka weydiiyo sababta uu quulaha u soo saaro. Qore: Quwaax Qurac Kusoobaxay: www.Bogaasalka.com	Sheekadii Qansaxa Qore: Quwaax Qurac Waxaan ahay bogga asalka ee qoray qoraalkan, waqti dheer in ayey igu qaadatay in aan Jeerinka weydiiyo sababta uu quulaha u soo saaro. Qore: Quwaax Qurac Kusoobaxay: www.Bogaminguurinta.com
WWW.SOOXIGTE.COM	WWW.BEENGUURIYE.COM
Sheekadii Qansaxa Qore: Quwaax Qurac Waxaan ahay bogga asalka ee qoray qoraalkan, waqti dheer in ayey igu qaadatay in aan Jeerinka weydiiyo sababta uu quulaha u soo saaro. Qore: Quwaax Qurac ISHA: www.Bogaasalka.com	Sheekadii Qansaxa Qore: Qansax Beeyo Waxaan ahay bogga asalka ee qoray qoraalkan, waqti dheer in ayey igu qaadatay in aan Jeerinka weydiiyo sababta uu quulaha u soo saaro. Qore: Qansax Beeyo Kusoobaxay: www.Beenguuriye.com

Sida ka muuqata shaxda sare, afarta website ama wargeys hal kamid ah ayaa ah kii asalka ahaa ee qoraalka qoray, saddexda kalena boggaas ayey qoraalka ka qaateen, laakiin ufiirso in bogga "Sooxigte" oo keliya uu sidii saxda ah qoraalka usoo xigtey, labada kale mid wuxuu ka tegey website-kii uu kasoo xigtey, midka kalena magacii qoraaga iyo website-kiiba waa ka bedeley.

Haddii aadan rabin in aad sheegtid magaca wargeyska aad qoraalka kasoo xigatey, waxba halkaas haka xigan...

Haddaba miyeysan haboonayn in haddii aan sida "Sooxigte" qoraalka loo xiganeyn in aanba marka hore qoraalka boggaas laga qaadan: Haddii aadan rabin in aad sheegtid isha qoraalka, marka horeba ishaas wax haka xigan. Tankale been ha u sheegin dadka akhrisan doona wargeyskaaga, waqti uun ayaana beentaasi soo bixi doontaa. Runta in aan ku dadaalo wax ka fiican majiraan, si loo helo bulsho is-aaminsan, oo qofkasta lagu qiimayo waxqabadkiisa, lagu tixgeliyo waxa uu waqtiga ku bixiyey, loona dhaafo xuquuqdiisa.

DABEECADAHA QORAYAASHA

Sida caadiga ah dadka wax qora aad ayey u jecel yihiin in qoraalkooda la xigto, waa haddii iyo haddii oo qura lasoo maro jidka saxda ah.

Tartanku ma ahan in qof qoraalkiisa la xaqiro, balse waa in lagu tartamo wax qabadka iyo wax soo saarka. Saxaafaduna waxay dhiiri gelisaa tartanka, laakiin waxay aad uga soo hor jeedaa xadgudubka.

Gabagabadii, waxaa qorayaasha wargeysyada iyo website-yada Soomaaliyeed iyo soo saarayaasha idaacadahaba la gudboon in ay ka fogaadaan xadgudubka xuquuqda qoraalka walaalahood usoo hawl galeen, waqti badana ku bixiyeen soo saaridooda. Horumarku wuxuu ku iman karaa in si saraaxa ah loogu tartamo saxaafada ayadoo la iska ilaalinayo xadgudub. Walaalkaana u qir waxa uu kaa mudan yahay, wixii adigu aad dhibsaneysidna qof kale haku samayn, wanaag ayaad markaas gaari doontaa'ye.

Insha Allah: Waxaan rajeyneynaa in qoraalkani gaari doono meel dheer, oo uu qorayaasha Soomaaliyeed ku baraarujin doono duluca mowduuca.

Saxaafada umadi leedahay waxay ka qayb qaadataa dhisida fikirka mujtamacaas.

Cinwaanka Internetka ee qoraalkan: www.somalitalk.com/copyright

Kulaabo: 1aad | 2aad | 3aad | 4aad

Qoraalkan waxaa isku soo dubaridey:
Maxamed Cali [SomaliTalk.com Editor-in-chief] : webmaster@somalitalk.com

AFEEF: Wargeyskii u bahan in uu sii daabaco qoraalkan, waxaa shardi ah in uu raaco habkan:

Isha qoraalka: www.SomaliTalk.com
iyo in dhammaan qoraalka loo qora sida uu yahay
in lagu daro dhammaan magacyaad ka qayb qaatay qoraalka
markaas in email ogeysiin ah loogu soo sheego SomaliTalk.com
SIDAAS HADDAAN LAYEELIN, MABANAANA IN LA QAATO QORAALKAN.

-dhammaad-

Faafin: SomaliTalk.com | June 18, 2003

Ogeysiis: Haddii wargeys kale (ama website kale) u baahdo in uu daabaco qoraalkan, waxaa shardi ah in la xuso xuquuqda SomaliTalk.com oo ah in qoraalka halkaas laga soo xigtey, waxaa kale oo shardi ah in qoraaga magaciisa iyo emailkiisa sida uu u qoray loo qoro, iyo weliba in aan qoraalka wax laga dhimin waxna lagu siyaadin ee loo qora sida uu qoraagu u qoray, haddii sidaas la yeelo markaas qoraalkan waa la faafin karaa, haddii kale waa xad-gudub xuquuqda qoraalka iyo saxaafada laga galay.