Sheikh Shariif oo ku Laabanaya Jabuuti iyo Dib u Dhac Ku Yimid Magacaabista
Ra'iisul Wasaaraha DFKMG
SomaliTalk.com (Feb 9, 2009) -Warar aan ka helay xubno ku dhaw madaxtooyada
Muqdisho ayaa tibaaxay in dib u dhac kooban uu ku yimid xilligii lafilayey in
madaxweynaha DFKMG, Sheikh Shariif Sh. Axmed uu magacaabo ra;iisulwasaare.
Arrintaas oo ka dhalatay wada tashiyo ka socda Muqdisho, wadatashiyadaas oo ka
dheeraaday waqtigii la qorshaynayey. Waxaana warku tibaaxay in fursad dheeraad
ah la siinayo wada xaajoodyada socda.
Ilaa shalay waxaa si gaar ah wada tashiyo uga socdey Muqdisho ay ka qayb
qaadanayeen xubno ay kamid yihiin madaxweynaha DFKMG, Sh. Shariif, oo uu la jiro
C/rashiid Cirro oo la filayo in loo magacaabi doono ra'iisul wasaaraha DFKMG.
Axadii (Feb 8, 2009) ayaa wararku tibaaxeen in Wakiilka Qaraamada Midoobey ee
Soomaaliya, Axmed Walad Cabdallah iyo dublomaasiyiin ku sugan Jabuuti ay khadka
telefoonk kula xiriireen Sheikh Shariif oo ku sugan Muqdisho, waxayna
weydiisteen, waa sida warku u dhigay'e, in Sheikh Shariif uu ku soo laabto
Jabuuti, maadaama ay Jabuuti ku sugan yihiin xildhibaanada Barlamaanka DFKMG oo
looga fadhiyo inay ansixyaan ra'iisul wasaaraha uu soo magacaabo Sheikh Shariif.
Waxaana warku intaas raaciyey in C/rashiid Cirro uu Jabuuti u sii raaci
doono madaxweynaha DFKMG.
Wararkii hore ee warkan la xiriira hoos ka akhri
Feb 7: Xildhibaan Cabdirashiid Cirro oo La Filayo In Axadda ama Isniinta Loo
Magacaabo Ra'iisul Wasaaraha DFKMG
 Warar
ay SomaliTalk.com ka heshay ilo wargal oo ku dhaw madaxtooyada Muqdisho ayaa
tibaaxay in maalinta Axadda/Isniin (Feb 8-9, 2009) la filayo in xilka ra'iisul wasaaraha
DFKMG loo magacaabo Xildhibaan Cabdirashiid Maxamed Cabdi Xaashi (C/rashiid
Cirro).
Xildhibaan Cirro ayaa ka mid ahaa waftigii madaxweynaha DFKMG, Sh. Shariif
Sh. Axmed ka soo raacay Jabuuti oo gaarey Muqdisho, Sabti Feb 7, 2009.
Waxaa warku tibaaxay in magaalada Muqdisho ay uga sii horeeyey saraakiil reer
Puntland ah oo ay kamid yihiin Col. Carays, col. Aaden Cabdi Xaashi iyo col.
Siciid Dheere. Waxaa kale oo warku tibaaxay in xiriir lala sameeyey xafiiska
madaxweynaha DGPL, Dr. Cabdiraxmaan Maxamed Faroole, taas oo akhbaarta laga
helay ay tibaaxday in Dr. Faroole uu taageeradiisa u muujiyey (ama u muujin
doono) Xildhibaan Cirro.
Waxa kale oo taageero taas la mid ah muujiyey Isimo ka soo jeeda Puntland iyo
jaaliyadda qurbaha.
Dhanka kale waxaa socda qaban-qaabo lagu taageerayo magacaabidda Xildhibaan
Cirro, taas oo la sheegay in ay ka socoto Nairobi, Zambiya, Yurub iyo Waqooyiga
Ameerika.
Warbixintii hore ee la xiriirta magacaabista hoos ka akhri.
 Hay'adda Human Rights Watch
oo Axmed Walad Cabdalla ka Dalbatay in uu Ka Laabto Hadal uu ka Sheegay
Weriyaasha Soomaaliyeed...
Human Rights Watch waxay Axmed Walad Cabdalla ka Dalbatay inuu Degdeg uga Laabto
Hadal uu Weriyaasha Soomaalida ku Barbar Dhigay Raadiyihii Kiciyey Xasuuqii
Rwanda.
Akhri
Madaafiic
Xooggan oo Lagu Garaacay Villa Soomaaliya, Xilli uu Halkaas Gaarey Sh.
Shariif
. AMISOM: Weerarkaasi waxa uu ahaa daan daansi....
. Cabdullahi Khadar: Cidna kuma dhaawacmin madaafiicda..
. Madaxweynaha DFKMG oo Gaarey
Magaalada Muqdisho..
. Dr. Cumar: Dawladda Cusub Waxba kama Duwana Tii Hore..
. Baarlamaanka cusub ee DFKMG oo Gelaya fasax 2 bilood ah
Wararka oo dhan Akhri/ Dhegeysi....
Feb 6: Cabdirashiid Ciro oo lagu wado in loo doorto xilka
ra'iisul waraasaha Somalia.
Sida laga soo xigtay warar ku dhow dhow xaafiiska madexweynaha
dowlada Somalia Sheikh Shariif Sheikh Axmed ayaa tilmaamaya in
xildhiban Cabdirashiid Maxamed Cabdi ( C/rashiid Ciro)oo ka mid
ah xildhibaanada ka soo jeeda Puntland, isl markaana ahaa
gudoomiyihii gudiga doorashadii dhawaan uu ku guuleystay
madexweyne Shariif Sheikh Axmed in loo magacaabo xilka ra'iisul
wasaraha cusub ee ay dowlada Somalia yeelaneyso.
C/rashiid Ciro
Warku wuxuu inta ku darayaa in madexweyne Sheikh
Shariif Sheikh Axmed uu aqbalay magacaabista Cabdirashiid Ciro
inuu noqdo ra'iisul wasaaraha ay dowlada yeelaneyso, lakiin uu
soo jeediyay in marka hore la tashi lala sameeyo maamulka iyo
masuuliiyiinta Puntland si taageero looga helo shacabka iyo
maamulka Puntland, isla markaana meesha looga saaro madmadoowgii
soo kala dhexgalay madexweynaha Somalia Sheikh Shariif iyo
masuuliyiinta dowlad goboleedka Puntland xiligii ololaha loogu
jiray doorashada madexweynaha Somalia, tasoo ay maamulka
Puntland dalbadeen in tiradii xildhinaada garabkii Sheikh
Shariif qeyb laga siiyo hadii kalena aysan aqoonsan doonin
natiijada ka soo baxda doorashaadaasi.
Jaaliyadda Soomaliyeed ee ku dhaqan qaarada Yurub iyo waqooyiga
Ameerika ee ka soo jeedo Puntland ayaa iyaguna wado dadaalo ay
ku doonayan in madexweynaha Puntland uu ogolaado aqbalo md
Cabdirashiid Ciro in loo magacaabo xilka ra'iisul wasaraha cusub
ee Somalia, tasoo dhabaha u sii xaarikarta in Cabdirashiid Ciro
ay u sahasho inuu ku soo baxo xilkaasi.
Dhanka kale waxaa iyaguna jiro xubno kala duwan oo loolan xoogan
ugu jira inay hantaan xilka ra'iisul wasaraha Somalia, waxaana
xubnahaasi ka mid ah nin la yirahdo Aadan Maxamed Ciise oo horey
uga qeybgalay tartankii doorasha madatinimada Puntland, waxaana
hotelka uu degan yahay madexweyne Sheikh Shariif Sheikh Axmed ee
magaalada Djabouti laga dareemayo dhaq dhaqaaqyo xoogan oo ay
wadan beelaha sharci ahaan u leh xilka ra'iisul wasaraha cusub
ee madexweynaha looga fadhiyo inuu dhawaan soo magacabo, iyadoo
wararka qaar ay sheegayan in madexweynaha uu doonayo inuu soo
magacabo ra'iisul wasaare ka hor inta uusan dib ugu soo laaban
dalka.
abdiaziz warsame
abdiaziz46@hotmail.com Faafin: SomaliTalk.com | Feb
6, 2009
| 
Daabaco
Boggan | Print
