Dagaalo Gaystay Dhimasho Iyo Dhaawac Tiro Badan Oo Talaadadii Ka Dhacay
Magaalada Caasimada ah Ee Muqdisho
Dagaalo ay ka dhasheen khasaare dhimasho iyo dhaawac dad rayid ah ayaa manta ka
dhacay qaybo kala duwan oo magaalada Caasimada ah ee muqdisho ah kaasoo laysu
adeegsaday hubka noocyadiisa kala duwan iyo weliba madaafiida wax gumaada oo
dadka qaarkiis ugu tegey xaafado ka dheer goobta dagaalku ka dhacay .
Dagaalkan oo ugu horaynba ku bilowday kooxo hubaysan oo dagaalo ka fool kafool
ah ku qaaday fariisin ay Ciidamada dowlada midnimada qaran ku lahaayeen barxada
tirabuunka ee degmada hodan taasoo keentay inay isu adeegsaadaan hubka
nooyadiisa kala duwan islamrkaana waxyeelo ba,an kasoo gaadhay dadka rayidka ah
ee ka ag dhowaa xaafadaha halkaasi ku teedsan .
Sida uu saxaafada u xaqiijiyey Agaasime ku xigeenka isbitaalka madiino daahir
dheere oo ahaa isbitaalkii ugu badnaa ee la geeyo dhaawacyada oo qaarkood ku naf
baxeen halkaasi ayaa sheegay Tiro ka badan 8-qof oo dhimasho ah iyo weliba
dhaawaca gaaraya 60-ruux oo dhamaantood ah dad rayid ah ayaa ka dhashay
dagaaladaasi oo qaarkood ku waxyeeloobeen madaafiic ay ridayeen dhinayada ku
dagaalamayey halkaasi iyadoo dagaalkasina uu ku fiday goobo kale ka durugsan
goobaha uu markiisii hore ka bilowday .
Dhinaca kale goobaha ugu badnaa ee maanta ay madaafiida habowga ah ee laysku
weydaarsanyey dagaalkan oo ay dad badani ku dhinteen ayaa waxaa kamid ahaa
daarta zope oo goob ay fariistaan dhaqaatiirta Caruurta iyo dhaqtarka cudurada
wadnaha qaabilsan islamrkaana ahayd goob si weyn mashquul badan iyadoo halkaasi
ay ku geeriyoodeen ilaa 8-qof kadib markii labo madfac oo deg dega ahi k so
dheceen iyadoo dadkaasi ku geriyooday halkaasi uu hilibkoodii qurub qurub u
go,ay .
Si kastaba ha ahaatee dagaalkan dhex maray ciidamada dowlada midimada qaran iyo
kooxaha hubaysan ayaa ahaa midkii ugu dhimashada iyo dhaawaca badnaa tan iyo
intii lasoo doortay madaxweyne shariif islamarkaana kusoo beegmaya xili ay
dadaalo nabadeed iyo dhex dhexaadin dhinayada is haya ay ku jiraan culimo udiin
ka socda Caalamul islaamka iyo weliba odayaal dhaqameedka taasoo u muuqata in
dhegaha laga furaysatay
yaasiin maxamed faytin
yaasiinfaytin@hotmail.com
somalitalk muqdisho
Nin Ajnabi ah oo Afduub loogu Heystey Duleedka Bosaso ayaa dib xoriyadiisi u
helay
Shir jaraaid oo ay wada jir u qabteen Wasirka Amniga, Wasiirka Arimaha Gudaha,
Wasiirka Xanaanada Xoolaha iyo Taliyaasha ciidama DGPL ayaa ka dhacay Hotel
Tropical, Shirkan ayaa waxaa looga hadlay Afdub Maalintii shalay loo gaystay nin
ajnabi ah oo dhalashadiisu tahay Pakistan
Ninka oo magaciisa layiraahdo Imran Khan oo haysta dhalashada Ingiriiska ayaa
laga afduubtay shalay degaanka Laag oo u jirta Bosaso 35Km wadada qardho tagta
Imran Khan oo ahaa nin khabiir ku ah beeraha oo degaanka u yimi inuu eego
beeraha halkaa ku yaala kadib ay dabley qabsadeen waxayna la aaden buuraha
galgala. Kooxdii qafaashay ninkaa ayaa waxaa u tagay odayaal degaanka ka soo
jeeda oo ay lagaleen wada xaajod kadibna ku guulaystay inay ka soo dayaan iyaga
oo aanan bixin madaxfurasho
Wasiirka amniga oo shirka hadlay ayaa yiri "waxaan aad iyo aad uga xunay
dhibaatada ku dhacday Imraan oo ah nin muslim ah una yimi maal gashi uu la
kulmay afduub ey sameeyen wiilal dhalin yaro ah, arintaa oo dhawaacayso maamulka,
inaga oo go'aansanay inaan weerar ku qaadno ayaa odayaasha yiraahren inaga ayaa
soo celinayna ee naga suga
Ninkaa ajanabiga ahaa oo ka muuqatay murugo ayaan wax dhibaato ah loogaysan
xiligii lahaystay, mas'uuliyinti shirkaa joogtay ayaa raali galin u sameey
waxayna ka balan qaaden inaysan arintaa mardabe dhicin
Ugu danbayntii waxaa Amir Khan loo kaxeeyay hotelkii uu deganaa iyada oo lagu
daray ciidan ilaaliya Hay'ada oo loo yaqaan SPU
Cumar Hantiile
waxaa soo tebiyey yaasiin faytin
Faafin: SomaliTalk.com | Feb 25, 2009
Waraysi:
Wasiirka Hawlaha Guud & Guriyenta, Maxamed Cabdi Yuusuf, waraysigaas iyo..
Sh. Aaden Madoobe oo yiri "kulanka Xiga ee baarlamaanku wuxuu Ka Dhicidoonaa Muqdisho 15
Maalmood Kadib" iyo Ra'iisul wasaaraha oo lagu wado in uu wasaarad cusub
magacaabo.. Akhri
Wasiirka Arrimaha Dibadda DFKMG Md, Maxamed Cabdullaahi Oomaar oo Wareysi
Siiyey SomaliTalk ayaa ka Hadley Tilaabooyinka ugu Horeeya ee uu Qaadayo iyo
Arimaha Baasaboorka. Akhri... Feb 23