Duqayn Iyo Weeraro Madaafiiceed Oo Ay Dad Rayid Ahi Ku Nafwaayeen Oo
Maanta Ka Dhacay Magaalada Muqdisho
Sawiroo halkan ka daawo..
Weeraro Iyo Duqayn xoogan ayaa maanta laysku weydaarsaday magaalada
muqdisho kadib markii ay diyaarad ay leeyihiin ciidamada milatariga ee
AMISOM gaar ahaan kuwa ugaandha ay garoonka caalamiga ee aadan cadde
airport kasoo degtay .
Hoobiyeyaal dhowr ah ayaa lagu tuuray garoonka gudahiisa iyadoo
halkaasina ay jawaab celis uga soo dhigeen ciidamada dalka ugaandha
hubka madaafiicda ee wax gumaada iyadoo ay madaafiicdaasi dhamaantood la
beegsadeen suuqa ganacsiga ee bakaaraha Halkaasoo ay ku nafwaayeen inta
la og yahay ilaa 9-qof iyo tiro kale oo dhaawaca
Afhayeenka ciidmada AMISOM Birighi Buhuuku ayaa saxaafada u sheegay inay
diyaarada garoonka kasoo degtay ay saarnaayeen koox kamid ah
ciidamadooda oo xoojin ah kuwaasoo uu sheegay inaysan wax khasaare ah
kasoo gaarin madaafiicda lagu soo tuuray .
Captan buhuuku ayaa sidoo kale iska fogeeyey eedayn kaga imaanaysa
dhinacyada bulshada ku dhaqan gobolka banaadir oo oranaysa inay Gumaad
ba,an ka gaysteen mudooyinkii Ugu dambeeyey iyo maantaba ciidamada
ugaandha suuqa bakaaraha iyo goobaha ka ag dhow isagoo sheegay inaysan
waxba kama jiraan tahay islamarkaana aysan madaafiic kusoo tuurin
bakaaraha islamrkaana ay masuul ka yihiin dadka ku baaba,ay halkasi
kooxaha weerarka kusoo qaaday waa siduu hadalka u dhigaye
Dhinaca kale Madaxa ganacsatada suuqa bakaaraha cali dheere ayaa ku
edeeyey inay ciidamada dalka ugaandha ay duqayn aan loo meel dayin ay
dhowaanahanba ku xasuuqayeen shacabka iyagoo bar tilmaameed ka dhiganaya
suuqa ganacsiga bakaaraha iyo weliba xaafadaha ay degan yihiin dadka
rayidka ah .
Si kastaba ha ahaatee Duqayntan ayaa kusoo beegmaysa xili ay maalmihii
Ugu dambeeyey asbuucii nasoo dhaafay ay ku naf waayeen in ka badan
65-qof oo rayid ah halka dhaawacuna uu Cagacagaynayo in ka badan 100-qof
iyadoo ay usii dheer tahay barakaca baahsan ee boqolaal qoys ay kaga
qaxeen Guryahoodii .
Yaasiin maxamed Cali (faytin)
Yaasiinfaytin@hotmail.com
Faafin: SomaliTalk.com | Sept 28, 2008