Warsaxaafadeed ku aadan riyada ay ku jiraan kooxda Mbagathi iyo qolyaha
kale ee ku shirsan Jabuuti.
Waxaan Marka koowaad Umadda Soomaaliyeed Uga Tacsiyaynaynaa dhibaatada
Dilka,Barakaca iyo Xasuuqa joogtada ah oo ay ku hayaan cadowga ku soo duulay iyo
kuwa daba dhilifka u ah.
Waxaase mar kale nasiib daro ah iyadoo dhibkaa shacabka Soomaaliyeed haysto in
maalin walba dad aan dadka Soomaaliyeed dhexdooda waxba qiima ah ka lahayn la
isugu geeyo hoteelada ugu waaweyn ee magaalada Jabuuti ayadoo lagu qarash
garaynayo malaayiin doolar taas oo ay u baahnaayeen malaayiinta Soomaaliyeed oo
qaxootiga ku ah daafaha Magaalada Muqdisho oo cadowga soo qaxiyay ayna leeyihiin
wax been ah oo aysan awood u lahayn waa samaynaynaa.
Waxaan cadaynaynaa hadaan nahay Isbahaysiga Dib U Xoreynta Soomaaliya Inaan
aqbalayn mar walba sidaan horey u cadaynay mowqifkeena ku aadan waxa ka socda
magaalada Jabuuti.
1-Inaan aad uga xunahay in qarashkii umada Soomaaliyeed loogu deeqay maalin
walba lagu qarash gareeyo heshiis been been ah oon waxba ka soo baxayn oo uamada
Soomaaliyeed lagu qaldayo.
2-Waxaan u sheegaynaa hay'adaha caalamiga ah iyo dhamaan dowladaha daneeya
arimaha Soomaaliya wadada ay hayaan in ay tahay wado qalad ah ayna tahay inay ka
fiirsadaan shirka Jabuuti.
3-Waxaan cadaynaynaa mar kale in dadka Soomaaliya aysan wax dhibaato ah ka
dhaxayn ee waxa dhibka ku haya ay tahay gumaystaha ku soo duulay oo barakacinaya
umada Soomaaliyeed hadii aad doonaysaan nabada Soomaaliyana ka saara ciidamada
Ethiopia .
4-Waxaan cadaynaynaa inaysan jirin wax xabad joojin oo ka hirgali kara wadanka
Soomaaliya inta hal askari oo Ethiopian ah uu joogo ciida Soomaaliyeed.
5-Waxaan cadaynaynaa in kuwa leh waxaan joojinaynaa xabada maalinka Sabtida ay
ku jiraan riyo aysana jirin cid ay matalaan oo xabada ka joojin karaan.
Intaas ka dib waxaan soo dhawaynaynaa qodobada ay soo saareen International
contact Group hadii ay ka run sheegaan oo sida Soomaalidu rabto u fuliyaan.
1-U gargaarida dadka Soomaaliyeed oo ku dhibaataysan gudaha Soomaaliya.
Balse waxay iloobeen waxii dadkaan dhibaateeyay inay meesha ka saaraan taas oo
ah in Ciidamada Ethiopia bilaa sharuud uga saaraan wadanka Soomaaliya.
2-mida kale oo ah ka qayb qaadashada nabada Soomaaliya anagu waxaan u aragnaa
nabad indhaha la iska tirayo nin helaya majiro.
Taas oon ula jeedno aduunka waa uu u jeedaa dhibka dadka iyo dalka Soomaaliyeed
haysta balse dooni maayaan inay si dhab ah wax uga qabtaan.
Waxaana u sheegaynaa inay mudan tahay in hadii umada Soomaaliyeed wax loo
qabanayo mida koowaad ay tahay in ciidamada Gumaystaha Ethiopia laga Saaro
wadanka Soomaaliya.
Xaafiiska Warfaafinta ARS
Asmara 16/09/2008
Somali Contact
Grourp oo fara gelisey Go’aankii Baarlamaanka FKMG uu ka gaarey heshiiskii Adis
Ababa Sept 17
Faafin: SomaliTalk.com | Sept 17, 2008 |