Khasaare isugu jira dhimasho iyo dhaawac oo mar kale loo gaystay ciidamada
Uganda
Iyadoo maalintii shalay ahayd qarax loo gaystay ciidamada Uganda ee nabad
iaalinta u jooga Soomaaliya oo ay ku geeriyoodeen hal askari sida uu sheegay
afhayeenkoodu saddex kalana ay ku dhaawacmeen mar ay marayeen agagaarka Km4 ayaa
maanta mar kale waxaa qarax lala eegtay gaari ay saarnaayeen ciidamada Uganda oo
marayey agagaarka Garoonka Diyaaradaha ee Degmada Xamar-Jajab, waxaana qaraxaasi
la xaqiijiyey in ay ku geeriyoodeen shan askari dhowr kalana ay ku dhaawacmeen.
Qaraxii shalay ayaa afhayeen u hadlay Al-Shabaab waxa uu sheegtay in ay kaga
dileen ciidamada Uganda ilaa iyo 7 askari, balse kan maanta ilaa iyo hadda ma
aysan ka hadlin, waxayna qaraxyadaani ku soo beegmeen xili Ururka Al-Shabaab uu
sheegay in maalinta beri ah gebi ahaanba uu xiran yahay Garoonka Diyaaradaha
Muqdisho iyagoo ku hanjabay in ay diyaaraddii ku soo degta wixii khasaare ah ee
gaara ay iyada mas'uul ka noqon doonto.
Ma jiraan hadal ka soo baxay Dowladda Federaalka ee ku aadan digniintaas,
balse waxay cabsiye la soo gudboonaatay Diyaaradihii Rakaabka ahaa oo iyana
looga digay in aysan ka soo degin Garoonkaasi, hase yeeshee afhayeen u hadlay
Maxaakiimta Islaamiga ah ayaa iyagu iska bari yeelay warka ka soo yeeray Ururka
Al-Shabaab, waxayna ka codsadeen in ay dib u eegaan go'aankaasi, maadaama
garoonka ay isticmaalaan dad rayid ah, sidoo kale shacabka Soomaaliyeed ayaa
walwal ka muujiyey xiridda garoonka, balse Ururka Al-Shabaab ayaa waxa uu ku
doodayaa in daqliga ka soo xarooda garoonka ay qaataan Ciidamada Itoobiya, sidoo
kale waxay sheegeen in Garoonka ay saanad kala soo degaan ciidamada Itoobiya iyo
kuwa AIMSOM, waxaana la isweydiinayaa halka ay Diyaaradaha rayidka ah ka degi
doonaan iyadoo ay garoonkaasi maalintiiba ka soo degaan tiro diyaaradaha rayidka
ah, kuwaas oo keena Badeecooyinka isla markaan dad qaada.
W/D Amiin Yuusuf Khasaaro
E-Mail amiinkhasaaro@hotmail.com
Faafin: SomaliTalk.com | Sept 16, 2008 | 
Daabaco
Boggan | Print
Puntland
oo Ganafka ku Dhufatay Heshiiska DFKMG La Gashay Shirkadaha Batroolka
DFKMG
oo Heshiis u Saxiixday Shirkadaha Batroolka ee Kuwait Energy iyo Medco
Energi...
Sheikh
Shariif “ciidamada bixitaankooda wuxuu bilaabanayaa markii la sixiixey
heshiiska, laakiin…” Shir jaraa’id