Xaalada caruurta iyo dadka waaweyn ee uu ku dhaco cudurka shuban biyoodka oo ku soo badanaya gudaha dalka somaliya

Gud ahaan isbitaalada dalka ayaa waxaa buux dhafiyey bukaano qaba cudurada kala duwan iyo dhaawacyo waxaana jira caruur iyo dad waaweyn oo ugu geeriyooda sababta cudurka shuban biyoodka oo uu soo rito inbadan oo bulsho weynta somaliyeed ah .

Dr xangul iyo Dr Maxamed Yuusuf

Xakameynta shuban biyodka ayaanay jirin cid u heelan oo isu xilsaartay halka ummadii oo dhan ay isha ku hayaan weerarada iyo rogaal celinta dagaalada u dhaxeeyo dowlada fadaraalka oo garab ciidan ka helayso ciidamada Ethiopia iyo wadada ugaandha . Burundi waxayna sii kordhiyeen in ay dhintaan dad somaliyeed oo bulshada qiimo ku leh .


Isbitaalka hooyada iyo dhalaanka ee banadir ayaa waxaa jiifa qeybihiisa kala duwan bukaano qaba cudurada kala duwan .dhaawacyo waxaana ka mid ah caruur iyo dad waayeelo ah oo uu soo ritay cudurka shuban biyodka halka qaarkoodna ay qabaan xanuuno halis ah .

Caruurta qabta cudurka nafaqo darida .tiifowga.malaariyada . shuban biyodka .iyo cudurada maqaarka oo ay la socdaan kuwa la isqaadsiiyo isbitaalka banadir ayaa ka mid ah isbitalada heeganka u ah bulshada in ay la tacaalaan maadaama uu howgab noqday isbitaalkii so see arimaha caruurta iyo hooyada.

Isbitaalka hooyada iyo dhalaanka ayaa waxaa isa soo tarayo carurta iyo dadka waaweyn ee la keenayo isbitaalka hooyada iyo dhalaanka ee banadir waqtidaan danbe intii la xiray isbitalkii sos oo isagu noqday goob dagaal oo ka caagan dadka rayidka ah waxaana hareerihiisa dagay ciidamada Ethiopia oo ay dagaalo kala dhexeeyaan kooxaha ka soo horjeedo joogitaankooda .

Bukaanada jiifa isbitalada gudaha Muqdisho ayaan heysan ageed dhameystiran oo ay u bahaan yihiin bukaanada cudurada iyo dhawacyada la ildaran marka laga tago howlaha ay qabtaan dhaqaatiirta ka howgasha isbitaalada waxayna diyaar u yihiin in ay qabtaan waxkasta oo ay awodaan balse waxaa jirta inaysan heli Karin mararka qarkood shiidaal ku filan iyo qalab xaga sheybarka ah ,

Isbitaalka ayaa u kala baxa laba qeybood sida qeybta dhalmada iyo qeybta caruurta iyo shubanka ,waxaana jira haween badan oo qaarkood u imaaday in ay dhaliwaayeen oo ilmo lagu qalo ,qaar jiran iyo kuwo ay ilmo ka soo halaabeen oo mudoyinkaan danbe Magaalada ku soo badanaya waxaana loo malaynayaa in ay wax ka soo gaareen bambooyinka iyo baaruda oo ay xamili waayeen.

Qof kasta oo shuban soo rito waxaa la keenaa isbitalka banadir iyada oo laga keeno dagmooyinka gobolka banadir iyo degaanada u dhow dhow ,curada minijaajista ,iyo nafaqo darida ,sida dhiig.la.aanta kuwo kale ayaa qaba cudurta sokorowga ( diabetic ) dhiig karka sidoo kale waxaana jira kuwo qaliin u baahan oo aan dalka gudiisa wax looga qaban Karin sida wiilkaan lagu magacaabo

Maxamed cabdi samad waa wiil somaliyeed oo ku tiirsan daryeel uu siiyo isbitaalka banadir sida jiif iyo cuno balse aan haysan daaweyn iyo qaliin uu u bahan yahay waxaana afkiisa burburiyey nabar markiisii hore ka so bilowday cuncun ka dibna isku fidiyey, noqdayna mid aan si dhab ah loo fiirin Karin isagana ku haya xanuun ku filan waxaana dhaqaatiirtu sheegeen in aan waxba looga qaban Karin dalka gudihiisa ,

Maxamed Cabdi samad 2 sano ka hor ayuu ka yimid Magaalada qoryooley markii uu isku arkay nabarkaan wuxuuna ii sheegay in reerkoodu uu yahay qoys sabool ah oo aan awoodin in ay bixiyaan daaweyn iyo geynta ispitaal awood u leh cudurka haayo
Wiilkaan ayaa ii sheegay in la siiyey daawoyin qaldan oo la siiyey ka dibna uu nabarkii isu bedelay mid ku faafay ( bishumaha) ( dibnaha ) ( faruuryahay ) mid baabiyey waana mid aan hada dhareerka ceshan Karin oo aan laheyn wax u celiya.

Wiilkaan ayaa reerkoodii hada ka ah sida deyro oo kale ka dib markii ay awoodi waayeen in ay wax u qabtaan kuna daaleen oo qarash badani uga baxay daaweyntiisa .


Wiilkaan ayaa si fiican u awodin in uu hadlo wuxuuna u baahana yahay in loo gurmado si uu u helo dhaqtar dibada ah oo aqoon u leh cudurada noocaan oo kale ah hadaba cidii dooneyso in ay wax u qabato wiilkaan hakala so xiriirto isbitaalka baanadir oo uu hada marti u yahay
Isbitalkaan waxaa kale oo jiifa dad qaba dhawacyo hore dad waayeelo ah kuwaas oo aan heysan meel kale oo ay aadaan

Sidoo kale qeyb ka mid ah isbitaalka qeyb ay jiifaan dad qaba curuda maqaarka sida juudaanka oo iyagu meel gooni ah lagu karantiilay waa qoys ka kooban aabe .hooyo iyo 5 caruur ah oo ay dhaleen .

Isbitaalada qarkood ayaa waxaa jiifa dad xaaladooda nololeed ay halis tahay waxaana sidoo kale aad ka heli kartaa kuwa aanan laheyn wax eheyl u ah sida caruur qoysaskoodi uu madfac ku dhacay oo kaligood ka haray sida laba gabdhood oo yaryar kuna mid ah dadka ay hayaan isbitaalada Magaalada Muqdisho qaarkood

Muuse Maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666

Faafin: SomaliTalk.com |  Oct 21, 2008

• Akhri qormadii "Kipkorir" oo AfSoomaali loo rogey...