ARINTU NUUR CADE IYO ABDULLAHI YUSUF KAWAYN. Abdullahi Mohamed Hashi London, uk
burhaan88@hotmail.co.uk Ilaah baa mahad leh. Nabadgelyo iyo naxariis nabi Muxamed korkiisa ha ahaato. Isqab qabsiga u dhaxeeya Abdullahi Yusuf iyo Resulwasarihiisa Nuur cade arintu
waaka wayntahay. Ulejeedooyin badan ayaa kuhoos dahsoon ama kuqursoon oo aan
dadka qaarkiisu uusan fahmin.Markaan ku hormaro isqab qabsiga Abdullahi Yusuf
iyo Nuur cade, Labaduba waxay u shaqeeyaan cadowga umada Soomaaliyeed. Maydin
latahay in ay diideen amar kaga yimid Itoobiya? Jawaabtu waa maya aniga iyo inta
ilaqabtaaba, maxaa yeelay awood ay wax ku diidan malahan oo ay uga hor imaan
karaan amar kasoo baxay madaxa sare ee dowlada Itoobiya, ee ayagaa lasyka
horkeenayaa oo midba dhagta wax loogu sheegayaa. Waxay taariikhda intaan ognahay ay galiyeen in wasiir itoobiyaana isugu yeero
madaxwayne iyo resulwasare iyo 279 xildhibaan uu si bareera ugu cananto hortooda
oo la waayey cid wax ka dhahda ama u jawaabtay. Dad badan ayaa maalintaas wax
badan ogaaday oo aan horay u ogaan. Soomaalida ay mugdiga uga jirtay ayay u
cadaatay maalintaas in Soomaaliya ku jirto gacanta isticmaar madoow oo dad
masuuliyad dal xora sheegtaa aan saas loogu bahdilin. Waxaa taas kusoo xigtay in wasiiro kusheeg sheegta (IGAD) in ay yiraahdaan
waxaan kusoo rogaynaa cuna qabatayn madaxwayne iyo resulwasare dal madax banan,
igayoo waliba ah heer wasiir oo kaliya. Bal aan iswaydinee ma UN baa? Qofka bini aadankaa mar kabadan madhinto, war miyeysan damiir lahayn dadkaan?
Aaway maah maahdii soomaalieed oo oranaysay hadad dhimanayso dhareerka waa
layska duwaa? Kuwo waxaad arkaysaa lasafan Nuur cade iyo Qaar Abdullahi yusuf
tageersan. War arintu saad moodeen mahan ee waxa laydinladamacsan yahay ayaa
kawayn. Akuyeey soomaaliyey hurudooy. Abdullahi yusuf iyo Nuur cade itoobiya makala jecla laakiin hadba kay ka dhex
aragto danteeda ayay baalka gashataa. Hada abdullahi Yusuf Itoobiya dantii ay ka
lahayd waa dhamaysatay asaguna waa og yahay haduu aqli leeyahay ciil iyo calol
xumana asagaa maantay nagabadan. In shir lagu bahdilo oo wasiir cananto asagaa
is baday oo cadow dalkiisii gacanta u galshay koleeyna hadana arag in isaga
aysan Itoobiya jecel gooniya u qabin. Itoobiya mowjado hir leh ayaa kusoo burqaday. Duulaankii iyo qabsashadii
Soomaaliya caano kuma cabin, waxayna qarka usaaran tahay fashil iyo in siyaasada
silsiladaa ee geeska afrika ay kuwiiqanto. Waxay gabood falyo xun kagaysatay
gudaha Soomaaliya iyo gobalka Soomaalida itoobiya, Ereteria wanaag ma dhexyaalo,
waxayna aaminsantahay in Soomaaliya gacantooda kabaxdaa ay la mid tahay xisbiga
xukunka haystaa ee Tigreegu owoodooda ay gacanta kabaxay. Waxaa kaloo soo food
saaray siyasada Maraykanka ee wax iska badashay oo uu kuguulaystay Madaxwayne
asalkiisu kasoo jeedo geeska Africa Barack Obama, oo u dhuundaloola dalalka
geeska Africa oo uu kazoo jeedo asal ahaan. Dowladii siyaasada waalan ku
socotayna oo qabsashadii Soomaaliya ku taageertay malayiin dollarna ay u hartay
labo bilood oo qura, oo aysan hubin in ay heli doonto tageradii uu siin jiray
madaxwaynaha kursiga kasii dagayaa ee Bush. Itoobiya waxay rabtaa in aysan kaligeed ku noqon oo lala qaybsado dalka
Soomaaliya. Waxayna rabtaa in ay Kenya kusoo biirto oo ay Kenya la wareegto
gobolada jubooyinka. Sidoo kale waxay rabtaa itoobiya marka ay kataqalusto
Abdullahi yusuf in dagaalka loo badalo wajikale oo layskaga horkeenayo
Mujahidiinta kadagalama gudaha Soomaaliya. Waxaana larabaa sida maraykanku iyo
UN (united nation) ka dhadhacsiiyeen itoobiyaanka in garuubka sheikh shariif
hugaamiyo ee fadhigoodu yahay jabuuti lagu soo biiriyo dowlad loo baxsho dowlad
loo dhanyahay. Jagooyin fiicana laga siiyo garuubkaas, si ay ula dagalaan waxii
mucarada oo markaas soobaxa, silo wiiqo midnimo Soomaaliyeed oo lahelo iyo
Soomaalida oo danaheeda loo daayo si ay u dhistaan wax ayagu raali isaga yihiin
oo ay kusoo ceshenayaan qornimadooda iyo jiritaankooda. Waxaa sii caawin kara in cadowgu gaaro ulajeedooyinkiisa in kooxaha kadagalamaya
gudaha Soomaaliya ay sii kala jabaan ukalana baxaan firqooyin kala baxsan oo
iska soohorjeeda. Waxaad ogataan hadad saas samaysan canjeelo say ukala koraysaa
lookala qadaa ayay soomaalidu tiraahdaa hadba sidaad cadowga ugu kala Qatar
badan tihiin ayaa laydiin cuni doonaa mid ladhafayaana majiro. Abdullahi Mohamed hashi London, uk burhaan88@hotmail.uk
Faafin: SomaliTalk.com | Nov 22, 2008
 Shirkad
Macdanta ka Baarta Puntland oo Lagu Xiriiriyey Burcad Badeedda Soomaaliya
Shirkadda Range Resources ee heshiiska kula jirta Puntland ayaa lagu
xiriiriyey burcadda sida ay qortay jariidadda.... | 
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka