Waa 23\05\2008 gabay guubaabo ah oo dhinacyo badan taabanay waxa uuna ku socdaa dhamaan ummad soomaaliyeed ee dhulkoodii uu hantiyey cadowga sooyaalka ah quwadaha caalamkuna ay raali uga yihiin dilka arxandarada ah dhaca kafsiga barakicinta xariga jirdilka ummadda dhibkaa lugu hayo oon allaha sumxaanuhu watcaalaa mooyee cid u maqani jirin ayaa hadana ayadu kala qaybsan ugu danbey gabayga waxaa tiriyey ABWAAN XASAN GARAAD WARSAME magaca gabayu waa [ Gegi colaadeed ]

1. dalkayagi gumeystaa qabsaday xoog ku soo galaye
2. gobanimadi niman baa gatiyo godoshi maandeeqe
3. gunbaan maanta nahay xamarne waa gegi colaadeede
4. gurgii madaxda gaashaan dhigiyo gabiyadii liido
5. ninki aan afxabashiga gareyn looga gacan seyrye
6. cadowgaan is googoyn jirnoo godobtu noo taalay
7. goroon kii cayaaraha ayey saab ka gamayaane
8. goobihii xoriyadey dhigteen gumac yadoodiiye
9. ayagaa ku gaar dinahayoo looma soo galaye
10. misne oday gabooboo da iyo gaban ma daayaane
     
11. genka wixii dhaqaajiba karey halowda gooyaane
12. waan ku gowracaa bey hablaha ugu galmoodaane
13. gegsan weyday guurtiyo saqiir gabarya waayeele
14. qori buu garaarsaday ninkii goojo dhiiglihiye
15. gumaadkeena bey dunida dhami gacan ku siiyeene
16. geerida ninkii diidi jiray waa garwaaqsadaye
17. jahaad nin galniyo dirirtu waa noo gudboon tahye
18. guumowday soomaalidii geesiga aheyde
19. kala googo`aa lagu arkaday gibil neceybkaahe
20. hadii ay is garabtaagan tahay lama guhaadeene
     
21. dhulkoodii haduu gacan galee cadow ka guuleystay
22. gayi maran hadey hogon yihiin qaranki gowriiray
23. geestaad damootaba haduu gaafan yahay meydku
24. guryihii markii laga qaxee geedo lagu yaacay
25. gantalaha kuruus kaa hadii lagu garaacaayo
26. aduunkuna ka wada gaabsadoon laga garaabeynin
27. iska daa is garasho heshiis in ay gudoomaane
28. ayagaa la sii kala gadaa gooriyo ayaane
29. gefka dunidu ay naga gashiyo gaalka ina haysta
30. kitaabkaa la guulguulayiyo culuma iibgeynta
     
31. gardarada intii diidayeey guux isku ogaada
32. dhanbaalkaan idiin soo gudbiyo gaar isula dhuuxa
33. gorfeyn baa wax lagu meel marshaa gooni loofoqaye
34. talaabadi gar noqotaba hadaan shuuro lagu gaarin
35. waxdhaanku godoshiin karaa sheybku gaagixine
36. galti kuma habana xaajadii geed ku miligtaaye
37. hadii ay wadadu kaa godood geesne mari weydo
38. godod laguma dhoco iyo musbaar caasha kaa galiye
39. garaad kaa la maalaa bahdaa showr la galiyaaye
40. hadaad garabyo kala sheegataan gowrac baa xigaye
     
41. gumeystahana waw farax in aad kala godoodaane
42. waa waxaw ku geel maali jiray noona soo galaye
43. waa gedow aduunka u jeclaa godob dhexdeenaaye
44. guno waxaw ku dhiibaa in aad kala gariiftaane
45. waxkastoo na kala geyn karaa gamatankiisaaye
46. goofki dibida lagu kale siraan galabta joogaaye
47. gobol gobol in uu noo jaroon gumac is leefsiino
48. asne guudka naga maamulow gaar is leeyahaye
49. guulse lagama helo eebehey geesi aaminaye
50. anagoo guyaal dib u dhacnoo gaabis nagu raagay
     
51. oon gantaalo noo keydsan jirin gaaxne nagu oolin
52. gashaan buur midowdiyo hadaan gaal is huri weynay
53. wallaan ciida yada lagu galeyn gaado ka ciyaare
54. waa waxa illaah nagu galaday guuto aan baqine
55. geel ilaalshe goobaha dagaal jananka guuleysta
56. gunya baar aduunyada anagey gooni noo tahaye
57. geerida nin jecel oon aduun gacaladiis haynin
58. gamasne isku xira ee sidii gumac u qiiqaama
59. oo cadowga kala gaabiyaan gaar u leenahaye
60. ruuxgacmaha cirka u godahayoo garan macbuudkiisa
     
61. oo gocashadiisii halkaa lagu gudoonsiiyo
62. waa gooni raac iyo astaan nala ku goobaaye
63. dhalin yaro garuumiyo uliyo dhagax ku goodeysa
64. oo gaalka sii cararayaa gamayo saaruuqyo
65. hibo ow alluhu noo gartiyo gacalo weeyaane
66. sheikh goloha diiniyo cilmiga meel sare u gaaray
67. oo geysh dagaal galinayoo dumaya guutooyin
68. oo xaqa u gacan haatiyoon uga ganboon duuna
69. nimca nala gudoonsiiyayoon nala ku gaareyn dheh
70. gudi manso gabay iyo mashxarad laysku guubaasho
     
71. waa gabal hidaha yaga ka mida mana salguuraane
72. gasha seefta waan kala baxniyo gunudi maareede
73. iminkaba waxaan geysanaa gugucu yeeraaye
74. markaan libinta gaarnana ifkaa godobi noo taane
75. ragbaa jira odorostiisa garan guga hillaacaaye
76. ama ficilka goortaa dhacaa galiya saadaale
77. oo garanti shiishka uga dhiga gedo qiyaaskiiye
78. anne guuldarada saadanboo cadowga gaareysa
79. illaahey ha ila garab galee waan gudbinayaaye
80. markii hore gobliyo faan ayey laabta galiyeene
     
81. gacantey ku dhiga oronayeen gudaha soomaale
82. gadaasheedne taliyey qalbiga gurun u sheegeene
83. tamashlahey ku geegaarayeen waayahaa gubaye
84. geesiyaal inaga naga dhashiyo gaasas baa helaye
85. xabad waa ka gudub too birtaa laysku gowracaye
86. kumanaan garaadihi wataa haadka loo gegaye
87. geerida xanuun keedi bey wada gariiireene
88. maantana go`doon bey noqdeen saadka aan gadane
89. goobtana dagaal kula socdoon guluf ka joogseyne
90. baritone gacmahey taageyaan si ay u guuraane
91. saadanbana shalay wixi gudbey dib u gayaane
92. inaguna dabeyl gobanimaan galabsan doonaaye

Hassan Garaad
abwangaraad@hotmail.com