Daabaco Boggan | Print

XUSKA SANADGUURADDA 17NAAD EE XORNIMADDA SOMALILAND IYO SOUTH AFRICA.

"Ajaanib Naceybka (Xenophobia ) ee South Africa kabilaabantey iyo dabaaldega xornimadda Somaliland ee South Africa"

Saacaddu waa subaxhore 5:00 Subaxnimo ee waqtiga Koonfurta Africa, maalinku waa
Axad, bishu waa 18may 2008, sheekadan waxey dhexmareysaa 2 wiil oo R.Sland ah oo kaganacsadda K/Africa;

Cali: (Albaabka dukaanka ayuufurey), Arsaaq Yaa Fataax, waar cusmaanow sxb waa maalinfarxadeed, jawiguna qurxoonyahey, waana 18 may, calankii Somaliland shandadaa inoogasoosaar, tukaanka hortiisa sidaa usudh, heestii calankana iyadoo codka daafaha tuuladanyar waa in lagamaqlaa, nac naca iyo biskutkuna saaka waa free(MAHAALA), bilaash bilaa lacag, caruurta iyo haweenka macmiilku waa in ey inalaciidaan saaka WAA XUSKA SANADGUURADII 17 EE XORNIMADDA SOMALILAND,”

Cusmaan: Sxb Calow waxa isasoogaley Xuskii 18 May iyo Sinafoopiya (Ajaanib Naceyb), wadigaa og sida dadkii loogubayo oo cagta loomarinayo wixii ajaanib loogarto, adigiina waxaad leedahey calanka dukaanka hortiisa inoosudh, heesta calankana dhawaaqeeda waa in lagamaqlaa Maqaalisbeerg, ma murqaansantahey sxb? Ha ina diline sxb hadhow markeynu tukaanka xidhno ayeynu xusidoonaa 18 may.

Johannesburg, Wadanka K/Africa waxaa kajira 10kii maalmood ee ugudanbeeyey kacdoono dil, dhac, boob, kufsi iyo naceyb xoogan (Xenophobia) oo looqabo ajaanibka Afrikaanka ah ee kunool ama kaganacsada K/Africa, gaar ahaan Gobolka Gauteng iyo agagaarka Johannesburg. Waxaa 10kii malmood ee inadhaafey sifoolxun loogu diley dad kudhow 15 ruux, iyadoo boqolaalkalena sixun loogudhaawacey kacdoonkan ajaanib naceybka ah ee kabilowdey K/Africa, dadka lalaayey ama sida xun loogudhaawacey waxaa kamid ah dad nolosha lagugubey, iyo dad faashash iyo dhagax lagudiley iyadoo hal soomaali ah lagudiley meel u dhow capetown intii kacdoonkanisocdey.

Sababta keentey kacdoonkan waxa latilmaamayaa arimaha ey kamidkayihiin, sicir barar iyo badeecadda laquuto oo sicirkeedu kor ukacey taasi oo danyarta R/K/Africa kuridey jahowareer sababteyna kacdoonkan ajaanibka lagukacey iyagoo ku-eedeynaya ajaanibka in ey shaqooyinkii iyo fursadihii tujaaradeed ee ey wax kulasoobixilahaayeen ey qaateen ajaanibku, sabab kale sida ey qoreen wargeysyadda wadankan kasoobaxa waxey noqonkartaa in arintani noqonkarto arin siyaasadeysan oo ajenda dheer lagaleeyahey, sikasta oo ey noqotoba maalinkii axadii ee 18 may, kacdoonka ajaanib naceybku wuxuu kufidey gobolka Gauteng, gaar ahaan Johanneburg iyo nawaaxigeeda, halkaasi oo tukaamo kuyaal badhtamaha iyo meelaha ey degaan soomaalidu lagudhacey, tujaaraddo badana albaabadda looxidhey sida suuqa weyn ee Al-Amal ee xaafadda Mayfair, waxa aad uyaraatey socsocodka dadka iyo gaadiidkaba iyadda oo qofwelba kabaqayo kacdoonkaasi in lagudilo ama lagudhaawaco amaba se lagubadhaco.

Akhristow, waxa lagayaabaa in aad isweydiineysid oo sidey suurtogal kunoqonkartaa meesha sidaasi loogu gumaadayo ajaanibka ey aragti ahaan hadii laguugarto ajaanib dhegta dhiiga laguudarayo in laga abaabulo DABAALDEGA 18ka MAY EE SANADGUURADDA 17NAAD EE XORNIMADDA JAMHUURIYADDA SOMALILAND?

Xaflad siweyn ey u diyaariyeen Jaaliyadda R.Sland & Ururka dhalinyarradda ee K/Afria ayaa laguqabtey xaafadda Brixton ee galbeedka Mayfair meel aan kafogeyn meelaha kacdoonadda lagalahorjeedo ajaanibku kadhacayeen, xafladan oo loogu dabaaldegayo sanadguuradda 17naad ee kasoowareegtey xornimadda Jamhuuriyadda Somaliland ayaa waxa kasooqeybgaley dadweyne tirobadan oo kulabisan calanka Somaliland oo ey kamidyihiin bulshadda qeybaheeda kaladuwan, culumaa’udiin, siyaasiyin, mutacalimiin, maalqabeeno, bahweynta saxaafadda (sida Somaliland TV Channel iyo qaarkaloobadan), dhalinyaro rag iyo haweenba leh, i.w.m.

Xafladda oo bilaabantey 8:00 fiidnimo waxa lagufurey aayado Qur’aanka kariimka ah oo sicodleh u akhriyey Sheekh Axmed Saki, waxaa xidhiidhenteeda lahaa abaabulkeedana qeybweyn kaciyaarey Mudane Ahmed Jaamac Xassan, waxa kamid ahaa dadkii xafladaasi qudbadaha cajiibkaleh kajeediyey, Mudane Mukhtaar, xoghayaha Jaaliyadda, oo mahadcelin balaadhan ujeediyey abaabulayaashi xafladda iyo ganacsatadii iyo ashkhastii maalgelisey xaflada, waxaa halkaasi isna kahadley gudoomiyaha ururka dhalinyaradda Mudane Diicis, oo dhiirigelin ujeediyey dhalinyarta iyo da’yarta Reer Somaliland in ey midoobaan, kaalin buuxdana kaciyaaraan horumarinta siyaasadeed, dhaqaaleed, bulsheed, tacliimeed ee Sland. Isagoo gudoomiyaha dhalinyartu aad ugudhiirigeliyey dhalinyarta wadankii kusugan in ey uhubqaataan sidii wadanka loohorumarinlahaa, waxbarashadda iyo tacliintana ey ugaqeybqaadanlahaayeen.

Waxaa isna xafladaasi kahadley oo khudbadda ugumiisaanka kajeediyey Mudane Ahmed Mohamed Alaale oo siweyn ugahadley sida ey muhiim utahey in loogumidoobo wax uqabadka dadka iyo dalka Somaliland, waxaa isna kahadley oo khudbad dhaxalgal ah goobtaasi kajeediyey oo buuxiyey kaalintii Gudoomiyaha Jaaliyadda, Mudane Mohamed Faarax Karaash oo kadiyaarinaya waxbarashadiisa Master ka (LLM Programme) Jaamacadda weyn ee Proria, isagoo soobandhigey silsiladda taarikheed ee Somaliland leedahey, gaar ahaan 18 may, wuxuu kaloo kahadley Mudane Karaash xidhiidhka Sland laleedhaey caalamka intiisa kale gaar ahaan K/Africa iyo xidhiidhka siyaasadeed, tujaaradeed, iyo tacliimeedba ee Sland & K/Africa isagoo tilmaamey in xidhidhka tacliimeed ee Sland iyo S.Africa nasiibweyn usiiyey in uu noqdo ardeygii uguhoreeyey ee barnaamijkan xidhiidhwanaaga kusoobaxa, isagoo kudhiirigeliyey da’yarta dalkii kusugan in ey awooda saaraan waxbarashadda, wuxuu mahadnaq ujeediyey Profisooro waxkadhiga Jaamacadaha Somaliland & K/Africa iyo jaaliyadda reer Somaliland ee k/Africa.

Waxaa isna halkaasi hadalo murti kudheehantahey kajeediyey Mudane C/Qaadir Cawed Shorty oo kumagac dheer “Garaadka”.

Waxaa isna taariikhdii halkankii mujaahidiintii SNM iyo jidkiidheeraa ee xornimodoonka Somaliland hadalkusaabsan kasoojeediyey Mujaahid C/laahi. Mudane Oble oo kasocdey Jaaliyadda Soomaliyeed ee K/Africa oo salaam iyo hanbalyo udirey jamhuuriyadda iyo shacabweynaha reer Somaliland meelkastoy kunoolyihiinba uganahanbaleeyey nabadda iyo horumarka ey kutalaabsadeen goobtaasi kajeediyey.

Waxa halkasi kabilaabmey cabitaano, sharaab, macmacaan, cakes, i.w.m waxa markaasi loogudbey madadaaladda xaflada oo gabayo, geeraaro, majaajilooyin, iyo hadalo murtileh ey kasoojeediyeen haweenka R Somaliland iyo mudanayaal, waxaana barnaamijkaasi daadihinayey Mudane Mustafe Mohamed Koox.

Inagoo kusookoobeyna Xafladda iyo wacdaraha ey muujiyeen jaaliyadda R.Sland iyo uruka dhalinyaradu, waxey siwada jir ah ugugudbinayaan markahore iyagoo salaan ey kudheehantahey xuska iyo damaashaadka 18may udirayaan, qaranka, shacabweynaha dal iyo dibadba kukalanool ee R.Sland, markaxigtana fariin culus udiraya Dowladda Sland & Ururadda Mucaridkaba in la isutnaasulo, lana ilaaliyo nabadda iyo xasiloonidda wadanka, waa in aan lagafarxin cadowga Somaliland iyo nacabkaba, xaasidka aan kufarxeynin horumarka Somaliland gaadhey”

Ururka Jaaliyadda & Ururka Dhalinyaradda R.Sland ee K/Africa waxey mahadcelinweyn ujeedinayaan marka hore Alle (S.W.T), marka xigtana dadka iyo ganacsiga hoos kuxusan;

1. Mudane C/laahi Arab, Haashim Isaaq Transport, Zambia
2. Mudane Ibraahim Hersi Galow,
3. Mudane Rooble Axmed Yusuf
4. Mudane Ahmed Ceynanshe
5. Mudane Mustafe M Koox
6. Mudane Ahmed Jamac
7. Mudane Khalid Sancawl
8. Sheekh Cali Ahmed Xasan
9. Mudane Huseen Mpumulanga
10. Dhalinyarta Umtata, Eastern Cape,
11. iyo dhamaan dhalinyarta rag iyo haweenba leh kakalatimid goboladda kaladuwan oo xafladan ugutabarucdey suurtogalna kadhigtey in ey sidaa fiican u qabsoonto
12. Waxaa mahadgaar ah lodirayaa Bulshadda Soomaaliyeed ee kasooqeybgaley xafladan iyo mudanayaashii iyo marwooyinkii kahadleyba.
13. Haweenka R.Sland oo kaciyaarey kaalin libaax iskudaboridka xafladan ayaa halkan dhamaantoodba loogumahadcelinayaa
14. Waxa ey jaaliyadu umahadclinayaan ciidanka Police ka ee xaafadda Brixton iyo kaalintii ey kaciyaareen ilaalinta amaanka xafladda

Xafladda 18 may oo loogudabaaldegayo sanadguuradii 17naad ee Xornimadda Somaliland ey siheersare ah ugadhacdey oo kale Magaaloweynta Capetown oo uu agaasimey ururka Jaaliyadda R.Sland, waxaa qeyb weynkaciyaarey iskudubaridka iyo hanaansocodka xaflada Cape Town, Mudane A/Hakim Ismail Muuse iyo dhalinyaro kale oobadan oo rag iyo haweenbaleh.

Waxaad sitoos ah ugalxidhiidhikartaa Jaaliyadda & Ururka dhalinyarta R.Somaliland ee K/Africa.

Emailadan: cossah@yahoo.com, syfsa@webmail.co.za

Waxaa diyaariyey sawiradana qaadey;

Saeed Furaa,

Freelance Journalist,

South Africa.

E-Mail: somalilandjournalist@yahoo.com

Faafin: SomaliTalk.com | May 21, 2008

Kulaabo bogga  www.SomaliTalk.com  © www.SomaliTalk.com

La soo xiriir: