Musharaxa Madaxweynaha Puntland Dr. Cumar Cali Farjac oo si
diiran loogu soo dhaweeyey Boosaso
Sawirada Soo dhaweynta halkan ka daawo....
Musharax Cumar Cali Farjac oo u taagan Xilka Madaxweynaha DGPL Doorashada 2009
ayaa Talaadadii (May 20, 2008) si heer sare ah loogu soo dhoweeyay Magaalada
Boosaso.
Boqolaal Dadweyne ah oo isugu jira qaybaha kala duwan ee Bulshada iyo Gawaari
noocyo badn leh oo galbinaya ayaa soo dhoweeyay Musharaxa oo ka soo degay
Garoonka Diyaaradaha ee Boosaso.
Cumar Cali Farjac markii uu ka soo degay Diyaarada waxa uu mahadcelin u soo
jeediyay Dadweynihii soo dhoweeyay kadibna waxa loo galbiyay Hotelka
Intarnational Villege ee Boosaso oo uu ku soo degay.
Musharax Cumar Cali oo la hadlayay Dadweynihii soo dhoweeyay ayaa yiri"Puntland
isbedel weyn ayaay u baahantahay" isaga oo musharaxa ka codsaday dadweynaha in
laga wada shaqeeyo sidii isbedelkaasi looga dhigi lahaa mid dhab ah.
Musharaxa Madaxweynaha Puntland oo si gaar ah u soo dhoweeyay saxaafada ayaa ka
hadlay qorshayaashiisa waxqabad isaga oo sheegay inuu yahay nin aqoon leh oo
keeni kara isbedel weyn hadii la doorto.
Musharaxa ayaa sheegay inuu wado Mashaariic badan oo horumar ah gaar ahaan
arrimaha Bulshada sida Waxbarashada,Caafimaadka hagaajinta khayraadka badaha iyo
arrimo kale oo badan.
Cumar Cali Ashaguur Musharax Madaxweynaha Puntland ayaa la filayaa inuu Boosaso
kula kulmo qaybaha kala duwan ee dadka Degaanka ku nool.
Sikastaba ha ahatee Musharaxa ayaa la oron karaa waxa uu soo dhoweyn heer Qaran
ah ka helay Dadweynaha Reer Boosaso uu u hamuun qaba isbedel weyn.
Sawirada Soo dhaweynta halkan ka daawo....
C/Qani Xasan Dhagjar
binuxasan90@hotmail.com
Faafin: SomaliTalk.com | May 21, 2008 | 
Daabaco
Boggan | Print
Soomaalida
Iswiidhen oo si
C/Laahi Yuusuf oo Saxiixiisa ku biiriyey Shirkadaha
Gen. Cadde ugu Yeero Jirrida
Qoditaankii
Shidaalka Puntland oo dib loo dhigay (Muddo aan la cayimin)