Maxay tahay Caqabadda hortaagan Dib u Heshiisiinta
Soomaaliya?Dunida Caalamka ayaa waxay diiradda
saaraysaa Siyaasadda jahawareersan ee Dalka Soomaaliya,
taasoo maanta noqotay mid is mariwaageedu uu ku baahay
dhammaan Dunida daafaheeda oo dhami markaan ka gudubno
Shirarkii hore ee lagu Qaybsaday Dalka oo dhan sida kii
Nairobi ee lagu soo dhisay DFKMG ah oo maanta Dalkii
Xorta ahaa Gacanta u gelisay Gumeysi Madaw oo Itoobiyaan
ah , Shirarkii kale ee ka dambeeyey oo wax mira ahi
aysan ka soo bixin iyo Shirkii Jabuuti oo abuuray kala
fogaasho iyo Tafaraaruq kala duwan.
Haddaba, go'aanka ay gaareen Golaha Ammaanka ee Addunka
ayaa waxaad moodaa inuu yahay mid lagu sii kala
Qaybsanaayo Dalka Soomaaliya oo gacanta markale loo
gellin doono Gumeysi reer Galbeed ah oo aan weligii
dambe aan taag iyo tabar loo heli doonin Ciidamada
Qaramada Midoobay maxay kaga duwan yihii kuwa maanta ku
Gumaadaya Shacabka Soomaaliyeed Dhulkoodii Hooyo ee
Ciidamada Qaramada Midoobay waa kuwa la mid ah kuwa
Maanta Dhulkeenii Haysta , Soomaaliyey Godkaan intaad ka
baxdaan God kale ha gelina "Ajnabi Ehel kuu noqon maayo,
Arxanna kama Sugeysid Diintaada Dhowr.
Falastiin ayaa weli ku maqan Khiyaamooyinkii ay u
adeegsadeen Gumeystayaasha reer Galbeedka inta aannu
Taariikhda ka Ognahay iyo Dhulalkeenii Soomaali
Galbeed(Ogaden) iyo Soomaali Kenya( NFD),sidee loo
ogolaan karaa in mar kale la amino Ciidamo Shisheeye
Haddaba haddii aannu diidnay Ciidamo Shisheeye Waxaa
Su'aal ah xaggee Ciidamo laga helayaa Dhab ahaa
Soomaaliya Dhallinyaro Ciidan noqon karta oo Nabad
gelyada soo Cellin kartaa wey joogaan ,taasina waxaa
inooga Markhaati Maxaakiimtii Islaamka ee ka Dalka ka
Talinayey iyo sidii ay u Sugeen Nabadgelyada Dalka
,Haddii la helo Dad is maqlaya waxaa Hubaal ah inuu
Dalka ka Badbaadayo inay yimaadaan Ciidamo Shisheeye ama
kuwa kale.
Shacabka Soomaaliyeed waa Dad jecel Midnimada haddana
waxaa dhex boodaya oo kala Dilaya waa Gumeystayaasha oo
doonaya inay beylah ka helaan , Shirarkuna waxay u
burburaan Khilaaf ka yimaada Gumeystayaasha reer
Galbeedka oo dana gaar ahi ka leh Dalka Soomaaliya iyo
kuwa u adeegaya Gumeystaha oo doonayo inay Shacabka ku
hayaan Gumeysiga iyo Gumaadka aan joogsiga lahayn ee
maanta ka Dhacaya Dalka.
Qoraalkani waxaa ku soo qaadanay Caqabadda hortaagan Dib
u Heshiisiinta Dalku waa Gumeystayaasha reer Galbeedka
iyo kuwa ay ku adeeganayaan oo ay ugu horayso Dowladda
Itoobiya oo maanta Dalkeena Xoogga ku haysata, Shir
waliba iyo go'aan walibana Burburisa si ay Shacabka
Soomaaliyeed aysan u helin fursad ay Aayahooda iyo
Mustaqbal--kooda uga Tashadaan una noqdaan Ummad Xor ka
ah Gumeysiga iyo Gumeysi kalkaalka.
Dhammaan Shacabka Soomaaliyeed waa inay Midnimadooda
adkeeyaan noqdaana kuwa fahamsan Khiyaamooyinka uu
Gumeysituhu wato , isla markaana waa inay meel ay
joogaanba aysan Khilaaf muujin iskana Iloobaan
Dhacdooyinkii hore ee uu Qabiilku abuuray Abuuraana
Qaran loo dhan yahay oo Xor ka ah Gumeysi iyo Gumeysi
Kalkaal oo dhan.
Eng. Cabdulqaadir Cumar Yuusuf(Daandurey)
Somalihungerhivprojectus2004@yahoo.com