Gaajada, Gumaadka , Cudurada , & Biyo Laanta ka Taagan
Soomaaliya
Hay'adaha Samafalka ee Dunida ayaa waxay Walaac aad u weyni ka muujinayaan
Dalka Soomaaliya oo ay ku sii kordhayaan waayahaan dambe Gaajada,
Gumaadka,Cudurada iyo Biyo la'aanta waxaanna ugu wacani Dagaallada Sokeeye ee
sii daba dheeraanaya oo aan weli Xal loo helin ,ugu yaraan Carruur gaaraysa
500.000 ayaa ku geeriyooday ama in ka badan tan iyo intii ay soconayeen
Dagaalladani Cusub ee imminka ka socda Dalka kuwaas oo intooda badani u dhintay
gaajo ama Xasuuq ay u geysteen Ciidamada Gumeystaha .
Dhammaan Gobollada Dalka ayaa waxaa ka jira Biyo la'aan aad u darran oo
Dadkii iyo Xoolihiiba ay ku sugan yihiin Xaallad aad iyo aad u murugsan, Dad
fara badani oo u badan Carruur iyo Dadka da'da ahi ayaa looga soo deyrinaayaa
inay ku sugan yihiin Xaalad aad u liidata Biyo la'aanta jirta darteed , Xoolihii
waxay u dhammaanayaan Biyo la'aan oo ay weheliso Abaar aad u dheeraatay ,
Cabsida laga qabo in ay biyo la'aantani ku baahdo Dalka oo dhan ayaa waxay tahay
in Meelaha qaarkood ay Nabadgelyadu ay tahay mid aad u Xun.
Baaritaano ay sameeyeen Hay'adaha Cuntada ee Adduunka ayaa waxay soo saareen in
Dalka Soomaaliya uu u baahan yahay Xadi raashin aad u fara badan oo ka badan kii
la bixiyey 1991-kii , sababtuna ay tahay barakaca ku dhacay Dadkii degenaa
Koonfurta Dalka oo ah Goobihii wax soo saarka ee Dalka ,sida labada Webi ee
Jubba iyo Shabeelle oo maanta noqday Goob Dagaal oo ay isku hor fadhiyaan
Ciidamada Gumeystaha iyo Xaq u dirirka Soomaaliyeed ee diidan joogitaanka
Ciidamada Maxaysatada ah ee Itoobiya .
Shirkan ay is hor fadhiyaan DFKMG ah iyo Isbahaysiga Dib u xoraynta Dalka ayaa
wuxuu yahay mid ay ku xiran tahay inay Dhammaato Xaalladaha aannu kor ku soo
Xusnay ee ah Gaajada,Gumaadka ,Cudurada, iyo Biyo la'aanta ka taagan Dalka
Soomaaliya oo dhan marka loo eego kuwii hore ee laysku khaadacay ee Suudaan iyo
Asmara ,rajada Shirkani waxaa laga yaabaa inuu noqdo mid ay ka soo baxaan
go'aanno wax ku Ool ah haddii ay labada dhinaci ay Dib u eegaan Marxaladda uu
Maantay Dalku ku Sugan yahay iyo Abaaraha sii Daba dheeraaday ee ay Dadkii iyo
Duunyadiiba ay ku sii Hoobanayaan.
Haddaba, Dhammaan Shacabka Soomaaliyeed gaar ah Culumaa'udiinka ,waxaannu ka
Codsanaynaa inay Dadka ku nool Qurbaha ugu wacyi Celiyaan inay Walaalahooda ku
sugan Dalka Soomaaliya iyo Xeryaha Qaxootiyada ugu tabarucaan sidii ay uga gacan
geysan lahaayeen Abaaraha ku Habsaday Dadkii iyo Duunyadiiba una gudan lahaayeen
Waajibaadka Qof waliba kaga aadan ee u gargaaridda Shacabka Soomaaliyeed oo
dhan.
Waxaannu ugu baaqaynaa Madaxda Labada Dhinac ee Shirka Jabuuti isku hor fadhiya
inay Dib u eegaan Maslaxadda Shacabkooda isla markaana ay isu Tanaasulaan si loo
badbaadiyo Ummadda Soomaaliyeed oo maanta ku Sugan Xaallad aysan weligood soo
marin inta Taariikhda la ogyahay ,taas oo macnaheedu yahay Xornimo Dabadeed oo
ay Maxaysato Itoobiya ahi Dalkii Dhextaagan tahay waa arrin aan Qof damiir lehi
u Cunatamayn Taariikhda Soomaalida iyo Tan Dunidana ka geli doonta Baal Madaw.
Maqaalkani waxaannu ku soo koobayaa Gaajada, Gumaadka ,Cudurada,iyo Biyo
la'aanta ka jirta Dalka Soomaaliya , waxaannu ugu bixi karnaa inaannu rabi u soo
noqono waa imtixaan uu alle inagu imtixaanayo ,waana in Xarrrigga Alle wada
qabsanaa kuna Midownaa
Midnimada Ummadda Soomaaliyeed ayaa looga bixi karaa Dhibaatooyinka maanta
haysta Shacabkeenna rajada iyo Guushuna way dhowdahay oo wax yar ayaaba ka
harsan .
Eng. Cabdulqaadir Cumar Yuusuf (Daandurey)
Somalihungerhivprojectus2004@yahoo.com
Faafin: SomaliTalk.com | May 14, 2008 |
Daabaco
Boggan | Print
SomaliTalk
oo Nairobi Waraysi kula Yeelatay Qoyska Dr. Ibrahim G. Cali
Soomaalida
Iswiidhen oo si
C/Laahi Yuusuf oo Saxiixiisa ku biiriyey Shirkadaha
Gen. Cadde ugu Yeero Jirrida
Qoditaankii
Shidaalka Puntland oo dib loo dhigay (Muddo aan la cayimin)