Kenya: dad soo barakacay oo dib u dejin lagu sameeyey
Ku dhawaad 150,000 oo qoys ayaa waxa ay dowlada Kenya shegtay inay dib u
dejin ku samaysay kadib markii ay ka barakaceen gobolka Rift Valley ee dalkan
Kenya, qalalaasihii ka dhashay doorashayoonkii dhacday bishii December sanadkii
lasoo dhaafay.
Qoysaskaaan ka barakacay dagaaladii ka dhashay doorashooyinki la isku qilaafay
ayaa ayaa waxa ay gaarayaan 250,000 oo qoys iyadoo dib u dejina lagu sameeyey
150,000 oo qoys kaliya, sidoo kale waxaa dowlada Kenya ay isbuucaan ku wadaa in
60,000 oo qoys iyana dib u dejin lagu sameeyo
Dadkaan barakacay ee dib u dejnta lagu sameeyey ayaa waxa ay ka cabanayaan cunto
iyo biyo la'aan iyadoo ay dowladana ay ku eedaynayaan in qorshihii horey ay u
balan qaaday oo aysan hirgelin, sida in la heshiisiiyo qabiiladii is dagalay
Hase ahaatee qabiilka kikuuyada ay ah dadka ugu badan ee barakacay waxa ay ka
dayrinayaan dib u dejintaan iyagoo sheegay inaysan dib uug laaban doonin halkii
ay kasoo barakaceen ilaa inta dowlada ay ka xaqiijinayso sugida aamaankooda.
Dowlada Kenya ayaa waxa ay dadkaan soo barakacay u balan qaaday inay qoys waliba
markii dib ugu laabtaan guryahooda dibu dhisi doonto guri ka kooban 3 qol iyo
musqul sidoo kale waxa ay u balan qaaday inay iskuulo iyo xarumo caafimaad ay
dhisi doonto, kadib markii dib u dejin ay ku samayso qoysaska barakcay iyadoo ay
jiraan hay'ada ajaanib ah oo gargaar soo gaarsiiyey dadkaan soo barakacay.
Ariinkaan ayaa waxa uu rajo wayn ku abuurayaa qoysas farabadan kuwaasi oo kasoo
barakacay rabshadahii ka dhashay doorashooyinkii ka dhacay dalkan Kenya sanadkii
tagay, iyadoo uu arinkaana ku soo beegmayo xili dowlad wadaag ah laga dhisay
dalkaan kenya oo ay ku midaysanyihiin xubnaha mucaaradka iyo madaxda dowlada.
Cabdikariin Maxamed Jimcaale (Muxsin)
Somalitalk- Nairobi
Muxsin55@hotmail.com
Faafin: SomaliTalk.com | May 13, 2008 |
Daabaco
Boggan | Print
Soomaalida
Iswiidhen oo si
C/Laahi Yuusuf oo Saxiixiisa ku biiriyey Shirkadaha
Gen. Cadde ugu Yeero Jirrida
Qoditaankii
Shidaalka Puntland oo dib loo dhigay (Muddo aan la cayimin)