Sidee Looga Dareemay Magaalada Muqdisho Geeridii Aadan Xaashi Ceyroow
Waxaa Muuqaal ahaan is bedelay dhamaan shucuubta islaamka ee soomaaliyed ee ku
nool magaalada caasimada ah iyo hareeraheeda iyadoo dareenka dadka shacabka ah
ay istaagtay meel aan weligeed laga filayn islamrkaana keeni karta inay keento
dagaal laxaad leh oo lagu Biiriyo xoogaga Mujaahidiinta islaamka ee dagaalka
kula jira Ciidamada Ethiopia iyo siyaasada dowlada .
Ma jirin qof aan is iri dareenkiisu ma kicin markii aan la sheekaystay dad badan
oo kamid ah Aqoonyahanka iyo dadka rayidka kaleba waxaa qof kasta kuu sheegaya
inuu maanta waxii ka dambeeya uu Go,aan ka qaadan doono dhibaatada baahsan ee Ay
Ciidamada shisheeye dalka ku hayaan islamrkaana aad arkayso inuu qofkastaaba
dhiniciisa u caraysan yahay .
Sidoo kale Geerida ALLE How Naxariistee Macalin Aadan xaashi Ceyroow waxay
abuurtay Muuqaal ka dhan ah kuwii Hore u Jiri Jiray iyadoo ay baraarujisay dad
aad u badan oo kamid ah shacabka soomaaliyeed islamarkaana keeni karta inay
keento kacdoon aad u xoog badan oo ka dhan ah Ciidamada ethiopia iyo dowlada KMG
ah .
Wadooyinka magaalada caasimada muqdisho qaarkood ayaa waxaa isugu soo baxay
Dhalin yaro aad u da, yar oo gacanta Midig ku wata Kitaabka Qur,aanka
islamrkaana ku Dhawaaqaya Gaalo doonimayno iyo Erayo ka dhan ah Dowlada
maraykanka iyo Ethiopia.
Hadaba Macalin aadan xaashi Ceyroow waxuu dhashay 1976-dii waxaa soo barbaariyey
waalidkiis ,Waxaa uuna ka qeyb Qaatay dagaalkii AI-itixaad ay ku qaadday
gobollada woqooyi bari ee Soomaaliya horraantii sagaashamaadkii.
Waxaana uuna sidoo kale ku jiray dagaalkii Gedo ku dhex maray ciidammada
Ethiopia iyo Itixaad bartamihii sagaashamaadkii.
Waxaa uuna ka mid ahaa Raggii Hoggaaminayay dagaalkii Maxkamaduhu ay Muqdisho
Kaga saareen Hoggaamiye kooxeedyada La Bixi jiray ururka Argagixiso la
dagaalanka sannadkii 2006.
ALLE Godka Ha U Qaboojiyee Macalin Aadan xaashi Caeyroow waxuu kaga duwanaa
Hogaamiyaasha diimeed Inuu ahaa mid ku kalsoon naftiisa islamrkaana Jecel in
dalka soomaaliya lagu dhaqo shareecada islaamka
Yaasiin Maxamed Cali (faytin)
Yaasiinfaytin@hotmail.com
Sh. Muxudiin Maxamed Cumar waa ninkii la dhintay adan xashi ceyrow
Wuxuuna ahaa gudoomiyihii maxkamada albayaan ee looga dhawaan dagmada xamar
jadiid ee beesha shiikhaal.
Sh. Muxudiin Maxamed Cumar waxaan ku arki jiray suuqa sarifak doolarka isaga oo
subax kasta casharo siin jiray dad ku tixnaa wuxuuna bari jiray tafsiirka
quraanka kariimka ah iyo axaadiista wuxuna wadan jiray mooto feesbo ah.
Sawirkaan waxaan ka qaday markii ay maxaakiimtu u magacaabeen waaxda cafimaadka
wuxuuna shir jaraa'id ku qabtay taalada daljirka dahsoon isaga oo dayactir ku
sameynayey dhismihii wasaradii cafimadka ee magada muqdisho.
Qore: MUUSE MAXAMUUD JIISOW
musejisow@hotmail.com
Muqdisho: Miino dhulka lagu aasay oo ka dhacay Goob ay baarayeen
ciidamada Ethiopia...
Qarax aad u xoogan oo ayaa laga maqlay meel u dhow guriga shaqaalaha wadada maka
mukarama xili ay ciidamadu barayeen miino ay subax kasta ka baaraan wadada maka
mukarama ee Magaalada Muqdisho
Qarax si weyn looga maqlayey inta badan daafaha magaalada ayaa Jimcadii waxaa uu
ka dhacay wadada maka mukarama ee magaalada muqdiho goob ay miino ka baarayeen
ciidamo ka tirsan kuwa Ethiopia kuwaas oo maalmahaan ilaalo ka ahaa wadada maka
almukarama ,
Qaraxaan ayaa ahaa qaraxii 5 aad ee ka dhacay wadada isku xirta garoonka
diyaradaha iyo madaxtoodaya waana wadada halbowlaha u ah isu socodka dadka iyo
gaadiidka dowlada FKMG iyo cidamada ay garabka ka helaan ee Ethiopia iyo
cidamada AMISOM waxaana la arkayey maalmihii ugu danbeeyey ciidamo Etiopian ah
oo gaaf wareegaya wadada iyaga oo inta badana lug ku mara si ay u yareeyaan
khasaaraha ka dhalan kara hadii qarax dhaco sidaan oo kale ah ,
Jugta ka yeertay wadada shaqaalaha oo beri samaadkii ahaan jirtay wadada ugu
dadka iyo gadiidka badan magaalada oo dhan isla markaana haatan ah goob
amaankeeda aan la isku haleyn Karin ayaan la ogeyn qasaraha dhabta ah ee uu
geystay inta uu la egyahay
Waxaa hakad galay in mudo ah isu socodka dadka iyo gaadiidka oo ay xireen wadada
ciidamada Ethiopia balse markii danbe ayaa dib loo furay
Qaraxa ayaa la maqlay kadib markii ay halka uu dhacay ay gaareen ciidamo
Ethiopian ah oo lugeynayey waxaana la ogeyn in uu yahay mid iyagu halka ku
qarxiyeen iyo in uu yahay mid iyaga lala beegsaday
Faafin: SomaliTalk.com | May 3, 2008
| 
Daabaco
Boggan | Print
C/Laahi Yuusuf oo Saxiixiisa ku biiriyey Shirkadaha
Gen. Cadde ugu Yeero Jirrida
Qoditaankii
Shidaalka Puntland oo dib loo dhigay (Muddo aan la cayimin)
Soomaaliya: Markabkii reer Spain oo Laga Bixiyey $1.2 million oo Madax Furasho ah
