Qof damiirka ka cayroobey wuxuu falaaba u fudud.
Waxaa dhacday in 24kii april ay xukuumada hada ka
talisa Puntland ka qabatay hotel ku yaala Garoowe labo
nin oo xumno ka ah uruka xornimo u dagaalanka ah ee
ONLF,
waxayna halagamayaashaa gacanta si marxabayn ah ugu
geliyeen cadawgii ay la dagaalamayeen ee Tigreega.
Sida ay maskax kasta oo caafimaad qabtaa
lasocoto,Somaaliya iyadoo mid ah, oo aan degaan iyo
daaqsin toona kala la hayn, xuduud iyo qoqobna aanu
udhexayn,ayuu gumaysi u yimi oo kala qaybiyey oo midba
gaar u gumaystay. Mudo markay kasoo wareegtay wuxuu
gumaystihii sii daayey oo ka baxay qaybo degaanadii
Soomaaliyeed ka mid ah oo ay dib sharaftoodii ugu soo
noqotay. Nasiibdaro qaybihii kale ma ay gaarin neecawda
xornimada oo uu macaankeeda qof gumaysi kujiraa uun
garankaro. Deegaanadaas nasiibdaradu ku dhacday waxaa ka
mid ah Ogaadeeniya oo uu gumaystihii gumayste kale oo
kaba sii xun oo ay cadaawad dhaqameed naga dhexeeysay u
dhiibay.
Waxaa iswaydiin leh Ogaadeeniya yaa laga haystaa?
Yayna waajib ku tahay inuu u dagaalamo oo xurnimadeeda
doono? Jawaabtu waxay tahay qofkasta oo Soomaali ah oo
damiir Somaalinimo iyo mid islaanimo leh meel uu joogaba
waa waajib saran waana godob ka maqan oo raadinteedu
sugayso, waxaana cadayn taa u ah dagaaladii ay horey
Soomaalidu ula gashay gumaystaha si ay dhulkeeda usoo
dhacsato oo ay ku naf waa yeen kumaankun
Soomaaliyeed.Sida qof kasta oo Soomaali ah ay waajib ugu
tahay raadinta Ogaadeeniya ayaa dadka Ogaadeeniya ka
yimaadana ay xaq ugu leeyihiin inay ku noolaadaan
meelkasta oo Soomaaliya ka mid ah oo ay dan moodaan oo
aan laga sheegan karin,waayo dhulka Soomaali baa wada
leh cidna meel dhaxal gaar ah uma helin waa markuu
caqliga caafimaadka qabaa shaqaynayo.
Jabhada xornimo udagaalanka ah ee ONLF oo iyadu
waajibkii Soomaali oo dhan laga rabay dhabarka u ridatay
oo iyagoon tamar weeyn lahayn gargaarna meel ku ogayn
iyagu isku tashaday ee sida geesinimada leh dagaalka
xaqa ah kala hortegay gumaystaha guunka ah ee garabka ka
haysta gaashaanbuurta sheegtay inay manta dunida ugu
xoog weeyn yihiin(ALLA WEYN). Waa dhab ineeyan dadkii
kale ee Soomaaliyeed manta wax awood ah lahayn oo aanay
iyaguba is caawin karin (wadaantii geeleeda kaafidaa ku
kalena daryeesha). Hase ahaatee hiilku qori laqaato iyo
dagaal lagalo kaliya ma aha ee waxa hiil ah dhaqaalaha,
hadalka, niyad kalajirka, soo dhweeynta, daryeelka
maatada, hadii aadan waxba tarayn inaad afkaaga iyo adin
kaaga ka amaan helaan oo aad nabad geliso ma wax weeyn
oo uu kaa codsadaa qof xaq kuugu lahaa inaad garab u
noqoto ood meel ku wada dhimataan? Waa maya.
Hadaba hadaan dulucdii dooda kusoo noqdo, qof diin
noocee ah hasta, caqli noocee ah ku shaqaynaya, dadnimo
noocee ah leh, ayaa qof Islaam ah oo Soomaali ah oo Ehel
ah oo gumaste nacab ahi kula ka cay wax kasta oo xumaan
ah, oo caqli bini aadan ka suurtowda.Qofkaasoo firxad
kii ku soo maray kumaankun oo mile oo omos iyo halis
badan soo jiiray, isagoo soo beegsanaya miciina soo
biday guri uu nin walaalkiis ah ku ogaa, balse markii uu
ardaagii guriga soo gaaray oo uu intuu guntigii furtyay
uu yiri alaylehe caawa bal marqudha hurdo nabdeed seexo,
oo markii uu indhaha is geliyey ku warhelay isagoo dabar
labada gacmood kaga xiranyahay.Waxaase kaswii fajicisay
mindidii baas ee cadowga ee uu kumaankunka mile ka soo
fogaaday ay dhuunta ka saarantahayt, oo uu walaalkiisii
u gacalnimada soo biday daabkeeda hayo, cadowgii
miciyaha dhiiga lahaana uu dabo taagan yahay .
Sideedaba qofku hadaanu lahayn iimaan, xishood,
ixtiraam, kalsooni, ficil, dhiirnaan, naxariis,
qab,garasho,deeq, iyo dareemo kasta oo dadnimada la
xiriira, waxaan qofkaa ku sifayn karaa “qof damiirkii ka
cayroobay”. Qofkaasi waa qof dhab ahaantii damiir iyo
dadnimoba faqri ka ah. Sidaas daraadeed waxaan
aaminsanahay inuu qafkaa hayo xanuun aan ugu yeeri karo
“DAMIIR CAYROOW”(MORALLY BANKRUPT). Cudurkaasi xukuumada
Hargeeysuu ayuu horay ugu dhacay,maantana wuxuu hayaa oo
ku dhanyahay shaqsiyaadka xukuumada Puntland hogaanka u
haya.
Nimanka ka tirsan geesiyada ONLF ee cadowga loo
dhiibay, geerida iyo dilka cadoowga wax ku cusub ma,aha,
oo markii ay hubka qaateen ayeey ku talo galeen inay
cadowga dilaan isna uu dilayo haduu helo oo inaan
naxariisi ka dhexayn way ogaayeene. Waxaan meesha
kujirin oo murugo ah dagnaanta iyo sahalka uu cadowgu ku
helay iyo gacantii cadowga u kaday oo aanay ka filayn
marnaba.
Aan is waydiino, kumaa dhab ahaantii hiil iyo gargaar
u baahan labadooda? Ma manimanka cadowga loo dhiibay ee
ka tirsan xornimo u dirirka ONLF? Mise nimanka dhiibay
ee “damiirka ka cayroobay”? Geesiyada ONLF Ilaah baa u
hiiliyey oon cid hiil dhaantaa jirin. Waayo markay
dagaalamayaan xaq bay ku dagaalamaayaan oo Ilaah baa la
jira, sharaf bayna dunida ku joogaan. Markay dhintaana
waa shahiid oo gacan ka xaqdaran oo gaal ah baa dishay
oo hooygoodu waa jano.
Nimanka damiirka ka cayroobay, aduunkana sharaf xumo,
ceeb, kalinimo, iyo godob baa u taal. Aakhirona nin
Islaam ka hiiliyey oo gaalo u adeegaya bidhmageeydhadii
walaalkii ahaana u loogay gaal waxba ugama horeeyaan,aan
naar ahayn. Hadaba kumaa labadooda cidla taagan oo hiil
iyo gargaar u baahan? Jawaabtu waa “DAMIIR CAROOW”
isagaa gargaar u baahan.
Waxaan kusoo gunaanadayaa qoraalkan, bulshada reer
Puntland ee aan ka mid ahay waxaa inala gudboon inaynu
shaqsiyaadkaa sharafteenii, diinteenii, dhaqnkeenii,
taariikhdeeni, iyo jiritaankeenii dadnimo intaba catirta
mariyey ee baabi,inaya, oo markay maamulkii loo dhiibay
burburiyeen, oo nabadii gobolka faraha ka bixiyeen,
deegaankii qaybo ka mid ah maamulo kale ka iibiyeen,
khayraadkii wadanka bad iyo beriba farataysi iyo
dilaalid burcadnimo ah kula kaceen. Shaqsiyaadkaas oo
foolxumooyin kale oo bareera ah dusha idinka huwiyeen,oo
aad naga-daaya inaad tiraadaan laydinka waayey, oo ay
ogaadeen inaad mayeeraan tihiin, bay manta dadkii
walaalihiin, ahaa ee xigtanimada idin biday ee cadowga
naafeeyey idinkaga soo dhuuntay ayaa idinka oo soo
taagan oo miyirqaba intay gacmaha ka xireen cadow
hortiina ugu dhiibeen. War maxaa ku dhacay Culimadii,
Isimadii, Wax garadkii, Aqoonyahanadii reer Puntland,
maad duliga dusha ladinka saaray iska rogtaan. Gabaygii
alla ha u naxariistee Khaliif SH. Mohamed baa wuxuu
ahaa, (hadeey daan ka dhii dhiyin gun baan ficil
dhalaaloone, magaciini dheeraa dib baa loo dhaq
dhaqayaaye.).
Anigu shaqsi a,haan, waxaan aad uga xumahay,una arkaa
arin foolxumo, ceed, diindaro,dhaqn xumo, xigto xumo,
somaalinimo xumo iyo godob intaba xanbaarsan. Nimankaa
ka tirsanaa gobonimo doonka ONLF ee cadowga loo garba
duubay waxaan eheladoodii iyo dhamaan ONLF u direeynaa
aniga iyo inta ila fekrada ahi raali gelin.
Waxaase dhab ah, “qof damiirka ka cayroobay wuxuu
falaaba u fudud”.
Mahadsanidin
Abdirahman Mohamed Dualeh(Jugaase)
jugaase@gmail.com