Duqayn Ay Ciidamada Ethiopia U Gaysteen Degmada Guray-Ceel kadib Dagaal
Halkaasi Ka Dhacay
Dagaal Xoogan Oo U dhexeeya Ciidamada Ethiopianka ee fariisinka Ku Leh Duleedka
degmada Guray-ceel iyo weliba Xoogaga kasoo horjeeda ayaa ka dhacay degmada
Guray-ceel ee gobolka Gal-Guduud iyadoo ay Ciidamada Ethiopianka ahi Duqayn U
gaysteen shacabka degmadaasi kadib markii ay Xoogaga Muqaawimadu ka taag
roonaadeen.
Ciidamadan Ethiopiaka ah oo ka guuray Gobolka Hiiraan meelo kamid ah Ayaa Waxa
Ay fariisin ka dhigteen duleedka magaalada Guray ceel halkaasoo ay dadka
degmadaasi Ka Bilaabeen inay ka Qaxaan kadib markii ay Ciidamadaasi soo degeen
waloow isla xiligiiba ay dagaalo kala hor yimaadeen xoogaga Joogitaankooda kasoo
horjeeda islamrkaana ay ciidamada Ethiopia Ku Duqeeyeen degamadaasi Madaafiic
islamrkaana ay halkaasi waxyeelo kasoo gaartay hal qof oo Ku geeriyooday
halkaasi iyo weliba sida laga soo werinayo labo kale Oo dhaawac ah .
Sidoo kale Ciidamada Ethiopia ayaa Looga bartay Xiliga ay dagaalka iskaga
Horyimaadaan Xoogaga Muqaawimada ayay Ka aargoostaan dadka shacabka ah Oo aan
waxba Galabsan islamrkaana Ku garaacaan madaafiic iyo weliba qaar ay iska qab
qabtaan .
Si kastaba ha ahaatee Ciidamada Ethiopia Ee dalka soomaaliya KU sugan ayaa U
Muuqda Kuwo kasii rajo dhigaya Inay wadanka soomaaliya Kusii nagaadaan kadib
markii ay U diideen xoogaga Muqaawimadu Inay Harsadaan .
Weerar Hubaysan Oo Habeenkii Xalay ahaa Lagu Qaaday Xarunta Hoos tagta
Maamulka Gobolka Banaadir
Weerar Hubaysan ayaa Xalay (Jun 29, 2008) Fiid Horaadkii Lagu qaaday Xarunta
maamulka Horseed ee Xaafada Suuq bacaad ee degmada Yaaqshiid ee Hoos tagta
Maamulka Gobolka banaadir .
Sida Uu Saxaafada U xaqiijiyey Guddoomiyaha degmada Yaaqshiid ee maamulka
Gobolka banaadir Muxuyadiin Xasan Jurus ayaa sheegay In xaruntaasi lagu soo
qaaday weerar Loo adeegsaday hubka daran Dooriga U dhaca islamrkaana uu Intaasi
ku daray in Ciidanka halkaasi joogay ay is Difaaceen waa siduu hadalka U dhigaye
waloow aysan jirin cid sheegatay weerarkan .
Sidoo kale ma cada Ilaa iminka Khasaaraha dhabta ah ee ka dhashay Weerarkaasi
mana Jiraan warar dhex dhexaad ah oo kasoo baxaya Cida gacanta Ku haysa
xaruntaasi Horseed ee degmada yaaqshiid oo Hoos tagta maamulka dowlada ee
gobolka banaadir .
Si kastaba ha ahaatee waxaa Sii yaraanaya xarumaha ay ka taliyaan maamulka
gobolka banaadir kadib markii ay weeraro isdaba Jooga Ku Qaadayeen Todobaadyadii
Nasoo dhaafaty Xoogaga kasoo horjeeda siyaasada dowlada iyo Ciidamada shisheeye.
Meydka Wiil Dhalinyaro ah Oo ay Dileen Ciidamada Ethiopia Oo saaka Lagu
arkayey Wadada maka -almukarama
Waxaa saaka Meydkiisa laga helay agagaarka saldhiga waaberi ee degmada waaberi
wiil dhalin yaro ah rasaasi kaga taalo dhinaca wadnaha Iyo madaxa Iyadoo ay Goob
Joogayaal Xaafadaasi Ku sugnaa xiliga Dilkaasi dhacayey ay saxaafada u
xaqiijiyeen inay Ciidamada Ethiopia ee ku sugan Wadada maka-almukarama ay Dileen
wiilkaasi .
Ciidamada Ethiopia ee fariisinka Ku leh Gurigii Hore ee EX- shaqaalaha ee wadada
Maka al-mukarama ayaa badanaaba Diida isticmaalka dadka xiliga habeenkii ah
taasoo ay dhibaato dil iyo xabisid ah ugu gaystaan dadka soo mara wadadaasi
xiliga maqribkii ah .
Sidoo kale Wiilkan oo meydkiisu yaalay saacado badan ayaysan jirin Cid
aqoonsatay taasoo weli lagu arkayo meydka wiilkaasi iyadoo rasaastu kaga taalo
Dhinaca wadnaha Iyo madaxa islamarkaana Ciidamada Ethiopia ee ku sugan caasimada
Muqdisho ay badanaaba Si aargoosi ah U dilaan dhalinta yar yar iyagoo Ku
tilmaama kuwa dagaalka Kula jira.
Yaasiin maxamed cali (faytin)
Yaasiinfaytin@hotmail.com
Somalitalk Muqdisho
Faafin: SomaliTalk.com | June 30, 2008