Xafladii 26 June 1960 ee ka Dhacday Minnesota
Xafllad si qurux badan loo soo agaasimey ayaa ka
dhacday gobalka Minnesota oo ku saabsanayd sanad
guuradii 48th ee ka soo wareegatay markii laga xoroobey
Ingriiska 26 June, 1960. Xafladaas ayaa waxa soo qaban
qaabiyey ardayda ka soo jeeda dowlad gobeleedka
Northland State of Somalia.
Xafladaas ayaa waxa ka soo qayb galay siyaasiyiinta
waaweyn ee gobalka Minnesota, aqoonyahano faro badan,
culimo, fanaaniin, abwaano, arday, ajnabi ka kala socdey
xafiisyada waaweyn ee gobalka Minnesota sida: xafiiska
senator Colman, Xafiiska Senator Amy, iyo xafiisyad
musharixiinta cusub.
Xafladan oo lagu soo bandhigay taariikh qoto dheer
leh iyo sugaan ku saabsanayd sidii loo dhaliyey
xoriyada. Fanaaniinta hobolada waaberi oo halkaas ku soo
bandhigay riwaayad la magac baxday tashada Soomaalaay,
oo ka turjumeysey sidii ay Soomaali soo martay iyo
marxalada hada taagan.
Gebogebadii ayaa halkaas waxa lagu soo bandhigey gabayo
iyo buraanburo ka turjumayey sandguuradii 48th ee ka soo
wareegatey maalintii ugu horeysey ee CALAN SOOMAALI LAGA
TAAGO CIIS AY SOOMAALI LEEDAHAY. Taaso dhamaan dadkii
halkaas isugu yimid ay qiiroodeen. Dhalin yaradii
xafladaas soo abaabulay ayaa waxa ka codsadeen
dadweynihii in ay kala shaqeeyaan sidii SOOMAALI la
isugu keeni lahaa oo loo mideyn lahaa, dadweynIhiina wey
ka balan qaadeen.
Abdimalik Askar
Somali Media
aabdimalik@hotmail.com