27 da Juun Maalinta Xorriyada Jabuuti.
Dowladda Jabuuti ayaa maanta u dabbaaldagtay
sanadguradii 31-aad ee ka soo wareegtay markii ay
xorriyaddeeda qaadatay, iyadoo guud ahaan dalkaas laga
dhigay xaflado waaweyn.
Madaxweynaha Jabuuti Ismaaciil Cumar Geelle oo hadal ka
jeediyay guriga Ummadda, ayaa ka hadlay arrimo ay ka mid
tahay xaalada Somalia, isagoo sheegay in dhibaatada ka
jirta ay xanuun badan ku hayso.
"Somalia waxaan u qabannay shirar badan, waxaana
rajeynayaa in wixii hadda ka dambeeyay ay madaxdoodu ka
faa'iidaysan doonaan heshiisyada ay galeen" ayuu Geelle
u sheegay dadweyne Reer Jabuuti ah oo xafladdii maanta
ka qaybqaadanayay.
Jawiga Jabuuti oo ahaa mid aad u kulul ayaa waxaa isugu
soo baxay waddooyinka dalkaas dadweyne badan, iyagoo ay
ka muuqatay qiiro aad u badan.
Shacabka dalka Jabuuti ayaa waxay si weyn ugu sacbiyeen
hadallada ku saabsan arrimaha Somalia ee uu u jeediyay
Geelle, iyagoo ku tilmaamay hadalladaan kuwo loo
riyaqo..
"Mar walba waxaan u tagananahay shacab iyo xukumad inaan
gacan siinno walalahena Reer Somalia" ayuu mar kale yiri
Madaxweyne Geelle oo intaas ku daray in dhibaatadu ay
tahay mid ay jecel yihiin inay dhamaato.
Wuxuu ugu baaqay madaxda Isbahaysiga Asmara ee ku sugan
dalka Jabuuti, kuwa ku maqan Eritrea iyo sidoo kale DF
inay qaataan go'aanno ay ku nabadeynayaan dalka Somalia
oo in ka badan 18-sano ku jiray dagaallo sokeeye.
Mar uu ka hadlay dagaalka u dhexeeya iyaga iyo dalka
Eritrea ee ay dariska yihiin, ayuu sheegay Madaxweynaha
Jabuuti in dalkooda ay difaacan doonan, isla markaana
aysan cidna ku gardarroonayn, balse weerar walba ay iska
difaaci doonaan.
Ra'iisul wasaaraha Jabuuti Dileyti Max'ed Dileyti oo ka
hadlay khilaafka labada dal ayaa isagana sheegay in
Eritrea ka waddo dhaqdhaqaaqyo ciidan xuduudda ay
wadaagaan, ayna dunida tusayaan gardarradan.
Hadaba Dhamaan soomaalida qurbaha ku nool oo dhan waxay
dhambaal hambalyo ah u diray guud ahaan shacabka reer
Jabuuti, Madaxweynaha iyo Golayasha xukuumadda, anagoo
ugu hambalyeeyay munaasabada 27-ka Juun oo ah maalintii
ay xornimada qaadatay dalka Jabuuti,waxaanu ugu
hambalyeeyneynaa Jabuuti in sanadkan kiisa kale ay ku
gaaraan farxad iyo barwaaqo.
Si Kastaba ha ahaatee Jabuti ayaa xorriyadii qaatay
sanadkii 1977-kii; isagoo ka xorobay dalka Faransiiska,
wuxuuna ka mid yahay cadadkii loo kala jarjaray
Soomaalia xilligii gumeytayaasha Reer Yurub ay
qaybsadeen Afrika.sidoo kale waxaan meesha ka marneen
dadaalka ay ku rabaan inay dawlad soomaaliyeed mar uun
dhalato annagoo og in dadka reer Jabuuti ay hiil iyo
hooba ay la garab taagan yihiin walaalahooda Somalida.
Mohamed Ismail
mismacil@Live.co.za
SomaliTalk.Com