Madaxweynihii hore ee Soomaaliya Mudane C/Qaasim Salaad Xasan ayaa Qudbadiisa ka jeediyay xarunta Jamciyada Afrika ee Magaalada Qaahira,waxuuna ka hadlay arima badan oo Quseeyo Soomaalida gaar ahaan isagoo Bartilmaamsaday dhibaatada ka socota magaalada Muqdisho sheegayne in Ciidamada Itoobiya ee jooga gudaha Wadanka Soomaaliya ay geesteyn dhibaatoyin badan iyo xad gudubyo isugu jira Dil,Dhac,Barakicin iyo Kufsi ,waxuuna hadalkiisa sii raaciyay in ay burbureyn adeegyada lagama maarmanka ahaay ee bulshada Soomaaliyeed u baahnaayeen sida Goobaha Caafimaadka Waxbarashada iyo waxiii la halmaala.

Sidoo kale Mudane C/Qaasim, waxuu soo hadal qaaday dhibaatooyinka ka jira Soomaaliya in ay qayb ka tahay dowlada Maraykanka oo doonaysa in Shacabka Soomaaliyeed ka aar gudato markii ay ku fashilantay Dagaalkii ay la galayn SNA xiligii Shagaashamadki.

Dr C/Qaasim ayaa sido kale sheegay in dhibaatada haysato Shacabka Soomaaliya ay gacmahooda ku keensadayn qaybna aykeyneyn dowlada shisheeye oo uu markaasi carabaabin, waxuuna shacbaka Soomaaliya ugu baaqay in ay ka shaqayaan midnimada iyo jiritaanka Qarnimada Soomaaliya taas oo ayna jirin wax ka fiican oo laga shaqeeyo.

Waxaa sido kale mar wax laga weydiiyay Dr C/Qaasim Salaad Xasan Shirkii Jabuuti ayaa ku Jawabay sharka jabuuti bilaaw ayuu ahaay waxaan sugaynaa dhamastirkiisa ka dhici doona Wadanka Sacuudi bisha soo socoto.

Madaxweynihii hore ee Soomaaliya ayaa halkaasi su'aalo dhowra ku weudiiyeen Ardayda wax ka barata Wadanka Masar iyo Jaaliyada sooomaaliyeed waxuuna su'aalahooda mid mid uga jawaabay ayago ku Qancay jawaabihii uu bixiyay Dr C/Qaasim Salaad Xasan.

Igu danbeyntii Madaxweynihii hore ee Soomaaliya ayaa u mahad celiyay Wadanka Masar,isagoo dhahay wadanka masar waxay Door weyn ka Ciyaartay arimaha Soomaaliya,aydoo ku bixisay xoog iyo xoolaba xoriyada Wadanka Soomaaliya waxuuna hadalkiisa ku daray Masar waa dowlada Afrika iyo Wadamada Carbta u sida Calanka .

Raage Cali Dheere
raagenews@hotmail.com