Prof Muxiyadiin Cali Yusuuf oo ka mid ah Musharaxiinta Puntland ayaa ka dayriyay Xaalada Amaan ee Puntland

Mid kamid ah Musharixiita isu diyaarinaya tartanka Madaxweynanimada Maamulka Goboleedka Puntland ayaa sheegay in uu haatan marayo heerkii ugu xumaa Maamul Goboleedka Puntland tan iyo markii la aas aasay.

Pro Muxudiin Cali Yuusuf oo ka mid ah Musharixiita isu diyaarineeysa xilka Madaxweynenimo ee Maamulka Puntland oo shalay Shir Jaraa’id ku qabtay Hotelka Shirton ee Magaalada Jabuuti ayaa waxaa uu sheegay in Puntland ay mareyso heerkii ugu hooseeyay ee nabadgalayada,dhaqaalaha iyo nolosha dadka waxaana uu arintaasi ku sababeeyay in maamulka haatan jiraa uu ku fashilmay hanaankii Dowladanimo.

Pro Muxudiin ayaa intaa ku daray in dadka reer Puntland aysan ka maarmin in ay helaan xiligan Maamul cusub oo wax ka bedela xaalada mugdiga ah ee ay haatan ku sugan yihiin.

Masuulkasi ayaa sheegay in hadii uu ku guuleeysto Madaxtinimada Puntland uu wax ka badali doono mudo 6 Bilood ama sanad gudeheeda ah sida Burcad Badeeda iyo tahriibayaasha oo todobaadkiiba ay ku geeriyoodaan dad ka badan boqolaal qofood waa sida uu hadalka u dhigayee . 

Pro Muxudiin Cali Yuusuf ayaa hoosta ka xariiqay in uusan wax lacag ah ku bixin doonin in la doorto uuna taageeri doono ciidii ka mid ah Musharixiita ee la doorto,waxaana hadaladiisa ka muuqanayay in hadii uu guuldareeysto in Maamulka Puntladn uu qabto weji cusub ee badala Maamulka Cadde Muuse ee xiligan Maamulkasi hor kacaya.

Jaamac Ayaanle Feyte

Bosaaso- 

Feyte37@hotmail.com