Jawaasiistii Safaardda Itoobiya ee
Koonfur Afrika oo ka qayb qaatay xuskii
20 Gimbot
Maalinimadii Arbacada ee 28 kii May 2008
ayaa waxaa Itoobiya laga xusay maalinkii
Mingistu xukunka lada tuuray oo ku
beegnayd 28 May 1991kii,wakhtigaas oo ay
talada wadanka lawaregeen Ururka TPLF ee
Tigreega oo ku raad gatay EPRDF.
Hadaba xuskii maalinkaas ee ay qabatay
safaaradda Itoobiya ee wadanka Koonfur
Afrika waxaa jiray Rag mudaba ka
shintirinayay oo qayb galay waxaana
raggaas kamid ahaa:-
- [Magacyada qoraaga kala xiriir]
Hadaba akhristoow qormadan waxaad
kaga bogan doondaa arimo badan oo muhiim
ah isla markaana ay bulshadu iswaydiisay
marar badan.
Mar walba waxaa jira loolan adag oo
udhexa xaqa iyo baadhilka,taasoo soo
jirtay illaa iyo intii aduunyada la
askumay wuuna socon illaa lagaadho
qiyaamaha,sidaas oo kale waxaa loolan
kujira gumaysiga iyo gumaysi
diidka,adoonsiga iyo adoonsi diidka.
Tigreega iyo dadka Ogaadeenya waxaa
udhexeeya hardan adag oo kasoo farcamay
hardan facwayn oo qaatay dhowr
qarni,sidaas daraadeed meelaha hardanku
kasocdo ma aha oo kaliya jiidda hore ee
dagaalka ee meel kasta oo dunida
dacaladeeda ah waxaa kasocda dagaal
adag.
Safaaradda Itoobiya ayaa waxa ay geed
dheer iyo mid gaabanba ufuushay sidii ay
usamaysan lahayd dad reer Ogaadeenya ah
oo ku xidhan safaaradda kuwaas oo
safaaradda uqabta shaqooyinkan:-
- In dadka ay kusoo xidhaan
Safaaraddda
- In mar walba dadka aan sida
dhabta ah ula soconin xogta Itoobiya
lagu cabsi galiyo in Itoobiya ay
aragto meel kasta oo uu joogo,sidaas
daraadeedna uu ku dhiiran waayo
taageeridda halgankiisa.
In ay Safaaradda usoo gudbiyaan
hadba heerka uu marayo waxqabadan
jaaliyadda iyo saamaynta ay jabhaddu
keeladay bulsho waynta Ogaadeenya ee
kunool Koonfur Afrika.
- In ay si wayn uga muuqdaan
xafladaha Itoobiya ee ay qabanayso
safaaraddu,si loo sheego in ay
Itoobiya haysato taageerada dadka
Ogaadeenya ee kunool Koonfur Afrika.
- In Mar walba ay shirqoolaan dad
aan ku raacsanayn falkooda
jaajuusnimada,laakiin ay si dhorrof
la'aan ah ku geeyaan faraadda iyo
meelaha ay ka dhacayaan xafladaha
Itoobiya.
Haase ahaatee Itoobiya way ku guulan
wayday in ay gacanta usoo galaan dadka
Ogaadeenya gabi ahaanba,marka laga reebo
tiro yar oo ay kamid yihiin kuwan
magocoodu kor ku xusan yihiin iyo kuwa
kale oo aan magocooda iyo sawiradoodaba
kuxusi doono qormooyinka dambe.
Sadxeda nin iyo kuwo kale waxa ay siwayn
uga qayb galeen xafladdia xuskii 20
Gimbot ee sanadkii 2007 kii ee ay
qabatay safaaradda Itoobiya ee Koonfur
Afrika,xafladdaas waxa ay geeyeen dad
badan oo runta ku baraarugay markay
ishoodu qabatay Tigree sar-saran,
dhagahooduna maqleen luuqaddii Axmaariga
ee dadka Ogaadeenya ay xasaasiyadda ku
qabeen ah midda meesha ahmiyadda kaleh.
Waxa ay mar kale ka qayb galeen xuskii
labo kun guuradii Itoobiya
(millenniumka) oo ku beegnaa 13 kii
Septemper 2007 kii,xafaladaas waxa ay
geeyeen dad gaadhayay 30 ruux oo reer
Ogaadeenya ah, oo badankood hawsha loo
sikhiray,laakiin markii dambe lawada
ogaaday in nimankani ay dadka
shirqooleen.
Warar aan ka helnay qaar kamid ah ka
qayb galayaashaas ayaa sheegayay in ay
jireen shakhsiyaad khamri loo qariyay,oo
mar dambe ogaaday in waxa ay cabeeni uu
ahaa khamari,meeshaas waxaa ka dhacay
mashaqo badan oo sababteeda ay lahaayeen
sadexdan nin iyo kuwo kale oo hadda ay
isku noqdeen Dawarsato dariiqay ku
coloowdaa.
Kasoo gudub waxaa mar kale laga qayb
galay xaflada lagu soo dhawaynayo safiir
cusub oo loo soo magacaabay safaaradda
ahna kan hadda fadhiya
safaaradda,xafladaasna inkasta oo ayna
badnayn dadka raacay laakiin hadana way
jireen dad raacay oo kala qayb galay
xafladaas lagu soo dhawaynayay safiirka,
isla markaana safaiirka labarayay
jawaasiista ushaqaysa safaaradda
magaocooda iyo muuqoodaba,safiirka
cusubaa ayaa xafladaas ka jeediyay
qudbad oo ku sheegay in Itoobiya ay
Kililka 5aad gaadhsiisay horumar
balaadhan oo dhan walba ah,isagoo
sheegay in la sameeyay wadooyin laami
ah,in isgaadhsiintii meel kasta oo
kililka ah ay gaadhay,in dawladdu
kililka ay usamaysay mashaariic aad
ubadan oo horumarineed kuwaas oo si wayn
loogu aayay.
Hase ahaatee nin kamid ahaa dadkii uusan
iimaanku ka dhimanin ee lasoo shirqoolay
ayaa istaagay markuu safiirkii dhameeyay
hadalkii, waxa uu ku bilaabay
hadalkiisii "Waxa aad sheegayso waxba
kama jiraan mana hayno warkaas laakiin
waxaanhaynaa in dadka aad iska laysaan
sabab la'aan,in dadka la iska xidho
bilaa maxkamad,aniga adeerkay oo aabahay
walaalkii ah ayay bishii hore dileen
ciidamadiinu,dhanka horumarka ee aan
sheegayso waxba kama jiraan magaalada
Baabili iyo Fiiq oo isu jira in kayar
150 Km waxaan usoo dhaxnay 3
habeen,marka xageebay jiraan wadooyinka
laamiga ah ee aad sheegayso?"
Safiirka maadaama oo loogu sheegay in
dadka meesha isugu yimid ay yihiin
jawaasiistii safaaradda ma uusan
filaynin in cid hadalkiisa beeninaysa ay
ka daba hadli doonto,hase ahaatee wiilku
markii uu hadlay wuu naxay oo in mudo ah
wax uu ku jawaabo ayuu la'aa, markii
dambe ayuu yidhi "waan ka xumahay in
adeerkaa ay ciidamada dawladu ay dileen,
arintani waan soo baadhaynaa ee
magacaaga ii sheeg ayuu wiilkii
kuyidhi".
Waxaa kale oo uu safiirkan cusubi
qudbadiisa u balan qaaday jawaasiista
iyo cid kasta oo xidhiidh lasoo yeelata
safaaradda magaalooyinka waawayn ee
Ogaadenya laga siin doono boosas iyo in
lasiin doonto laysanka ganacsiga
,arintan oo noqotay midda ugu way ee sii
hanbooriday jawaasiistan.
Wakhti aad ubadan markii jawaasiistan ay
safaaraddu ku qasbaysay in ay safaaradda
kusoo xidhaan dad udhashay wadnkaas ee
ay wayaayeen wax bulshada Ogaadeenya
kamid ah oo raaca ayay Bishii 21 kii
October waxa ay safaaraddu qabatay shir
balaadhan oo ay kasoo qayb galeen ugu
yaraan 47 ruux,halkaas oo ay safaaraddu
samaysay magac jaaliyadeed oo ay qaataan
adeegayaayshani, waxaana loo bixiyay
(Ethio-Somali Association of South
Africa) waxaana khilaaf reereed iyo
muran badan kadin la doortay:-
o gudoomiye
o kuxigeen
o Arimaha diinta
o Xaliyaha khilaafka guud iyo kormeerka
Dhismahaas markii la sameeyay waxaa
markiiba ubilaabantay in si wayn loogu
sharciyeeyay jaajuusnimadii iyo
mukhalasnimadii ay isku dhex wateen oo
ay usii qaraxday,shakhsi walba oo
safaaradda warqad uga baahda waxaa lagu
xidhay R1000 ,qofkii aan haysaninna
waaxaa laga dhigay nin warqaddaas
helitaankeeda uu cirku uga dhow yahay.
Dabeecadda lagu yaqaqano daka
mukhalasiinta ah waxaa kamid ah in wax
walba ay ka dhigaan wax adag si
furdaamintiisa loogu huro lacag
adag,mukhalasnimadii noocaas ahayd ayaa
waxaa lagu sii darsaday jaajuusnimo
sharciyaysan,mudo markii arintaas lagu
shaqaysanayay ee ninba ninka uu soo
gaadho uu ka qaadanayay lacagtaas iyo
wixii kale uu dadka ee qofka ka qaadi
karo ayaa waxaa ku kala dhex yimid
khiliaaf wayn oo soo kala dhex galay
jawaasiistii.
Maamulka Tigreega ee talada Itoobiya
haya dhaqankoodu waa dhaqan
jabhadeed,waayo wali kama uusan hadhin
hab dhaqankii jabhadnimo oo ay soo
moogyihiin uun 17 sano oo qudha,sidaas
daraadeed si kasta oo ay ugu adeegtaan
jaajuuska hadana waxa ay mar walba
ogyihiin cawaaqib xumada uu leeyahay
jaajuusku iyo sida uusan umudnayn in
loola macaamiltamo sida qofka caadiga ah
ee waxna diida waxna yeela,waxa ay
sameeyaan jawaasiista uwada adeegsa ee
midiba midka kale uu xoogga saarayay
sidii ugaga dhawaan lahaa ayay mid walba
wax gooni ah usheegaan,taasoo ah in
isaga oo kaliya uu yahay ninka larabo ee
daacadda ah, kuwan kalena aan loo
baahnayn,marka mid waliba isagoo isu
haysta in uu yahay midka ay safaarddu ku
kalsoon tahay ayaa foodda la is
daray,sidaan horay uxusnayna khilaafkaas
salkiisu waxa uu ahaa Dawarsato dariiqay
ku colowdaa, midda kale ninkii oo
dheeraynayay ayay mid kale uyeedhan oo
ay kii hore liifadda ka gaabsan,kan laga
tagay lagama rajo qabo in uu quusto ee
isna wuxuu isku dayi sidii mar kale uu
uheli lahaa kalsoonida Tigreega.
Markaas waxaa loo kala jabay labo garab
oo garab walba uu ka kooban yahay dhowr
nin,sidii caadada jawaasiista ahaydna
waxa ay markiiba isku bilaabeen in ay
iyagu isku dacweeyaan safaaradda,iyadoo
garabba markii kiiska uu ku oogayo kan
kale uu sheegayo in ay lashaqeeyaan
ONLF,waxayna isla gaadheen heerkii ugu
saraysay illaa mar ay umuuqatay in garab
kamid ah labadii garab uu liicay.
Sikastaba ha ahaatee raggan oo rumaysay
balanqaadkii Safiirka ahaa in lasiin
doono license iyo boosas ayaa waxa ay
marar badan utageen magaalada Jigjiga si
ay helaan balanqaadkaas,hase ahaatee si
wayn ayay ugu soo hungoobeen iska daa
wax lasiiyo e qaarkood waaba laxidhay
halka qaarka kalena ay fara caaradood ku
baxsadeen,waxa ayna dib ula soo noqdeen
gacma madhan iyo guuldarro,markii ay
yimaadeen iyadoo uu aad uga muuqdo
hungowgii ay kasoo qaadeen Jigjiga ayaa
waxa ay yimaadeen fasaarddii oo iyaduna
looga hoos maray oo ay gacanta kudhigeen
garabkii kale ee jawaasiisnimada.
Dhinaca kale hadii aad fiiriso noocyada
safaaradda South Africa ay uhawl galiso
jawaasiisteeda waxaa kamid ah nooc
qabiil oo ruux walba lagu dhihi waa in
qabiilkiina aad keento safaaradda,waxaan
idiin sahlaynaa waxyaalo badan waxaanuna
idiin aqoonsan doonaa in aad Itoobiya
daacad utihiin,sidaas daraadeed ayaa
qaar kamid ah jawaasiista ay reerkooda
kula soo cawdaan in loo ciidmo,dhaqanka
Tigreegu isu ekaa haduu joogo Jigjiga
ama Muqdisho iyo haduu joogo Koonfur
Africa.
Daraasad dheer oo ay jaaliyadda
Ogaadeenya ee Wadanka Koonfur Afrika ku
samaysay waxaa soo baxday in ay iyagu
yihiin kuwa safaaradda Itoobiya ciddii
hawl uga baahata meel fog ka geeya,dad
badan oo rabay in ay safaaradda ka
helaan Vissooyin iyo qaar kale oo rabay
in ay helaan warqadda Go home ta ah oo
ay lacago badan ka qaateen waxna usoo
dhamayn waayeena ayay markii damnbe
dadkii ay go'aansadeen in ay iyagoo aan
sii marin jawasiista toos utagaan
safaarada,kuwaas oo wixii ay rabeen ku
helay wax kayar 10 daqiiqo,hadaan wax
yar ka xusno dhacdoyinkas waxaa kamid
ahaa,
Waxaa jiray wiil rabay go home oo laga
qaatay R1000 oo markii mudo ka badan 3
bilood ay usoo dhamayn la'ayeen waxba uu
isaga laftiisu go'aansaday in uu meesha
aado,hase ahaate markii uu safaaradda
tagay wakhti yar ayuu ku helay wixiuu
rabay.
Nin kale ayaa isna ayaa isna ubaahday
visa waxa ayna jawasiistu usheegeen in
arinmahaas ay safaaraddu joojisay oo aan
lahelaynin (si lacag wayn uu qofka
baahani ubixiyo) hase ahaatee markii ay
talo ku cadaaday ayuu kaligii tagay
safaaradda waxa uuna wixii uu rabay
usoodhamaystay si sahlan.
Kuwo kale oo badan oo noocaas ahina way
jiraan,oo qarkood markii ay ogaadeen in
laga hoos guuray oo lasoo dhamaystay ay
ugu hanjabeen in ay ka kansali doonaan.
Kadib dad badani waxa ay ku baraarugeen
in waxa safaaradda ku cabsiinayaba ay
yihiin nimankan mukhlasiinta iyo
jaajuusnimada wada jira kula dhex jira
bulshada,waxaana halkaas kasoo food
saartay suuq xumo wayn oo ay aad
uyaraadeen dadka uyimaada ee ubaahan in
safaaradda looga mukahalso.
Maadaana oo safaaraddu ay rabtay in ay
dad hesho nimankan wax yaabaha lagu hawl
galiyay kamid ma ahayn in dadka qofkii
wax uga baahda safaaradda lacag laga
qaado,hase ahaatee markii ay ku cadaatay
in uulacag uu qaato gudomiyaha
jaajuusinta Inshaar ayaa waxaa laga
mamnuucay in uu safaaradda soo galo
isaga iyo xuludafiidiiisii,waxaana loo
sheegay in qof dambe oo ay iyagu wadaan
uusan waxba uga hirgali doonin
sfaaradda.
Badhtamihii bishii April 2008 ayaa
safaaradda waxaa la soo amray in ay usii
diyaar garowdo xuska millenniumka
Itoobiya ee lagu qaban doono xarunta
baarlamaanka Africa(Pana African
Parliament) oo kutaala magaalada
Johannesburg,sidaas daraaded waxa ay
safaaraddu u xayd xaydatay sidii uqaban
lahayd kulamo badan oo loogu gogol
xaadhayo sidii xafladdaas ay uga soo
qayb gali lahaayeen dhamaan dadwaynaha
Ogaadeenya iyo kuwa Soomaaliyeed oo
iyaga qudhoodu maanta kujira gacanta
Itoobiya,hadaba kulankaas ayaa waxa uu
kusoo beegmay xilli jawaasiistii ay kala
qaybsanaayeen oo deeradu ay dhexdooda
miranayso,hase ahaatee iyadoo labadii
garab midkoodna latix galinin ayaa
shirkii laqabtay waxaana kasoo qayb
galay dhamaan dadkii goob joogga ka ahaa
dhismihii maamulka kusheegga ee la
sameeyay 21 kii October,waxaana halkaas
lagu magacaabay gudoomiye cusub oo kamid
ah raga garabka bidix ah,waxayna
safaaraddu labadii garab oo loo badinayo
in midkoodna uusan meesha joogin lagu
armay in ay fuliyaan go'aanka shirka
kasoo baxay oo ujeedadiisu ahayd in
dadka si wayn looga soo qayb galiyo
maalinta xuska.
Hadaba maalintii baarlamaanka afrika uu
dhagaysanayay Millenniumka afrika oo ku
beegnayd 09 kii May 2008 ayaa waxaa
xafladda ka dhex muuqday
hogaamiyayaashii labadii garab oo mid
waliba uu diyaar u ahaa in maanta si
wayn ay uqabtaan indhaha Tigreegu si
markaas loo kasbado aaminaadda Tigreega.
Isku soo wada duuboo akhristoow ruuxa
cabsidu ay ugaysay in uu jaasuus noqdo
ama qofka gaajadu ugaysay in uu uadeego
cadawga ee aynu layaabi jirnay waxaad
hadda aragtaa niman lacag la'aani ayna
haynin isla markaana la dhihi karo waxa
ay haystaan nolol ka kaafidda dulliga
ayay hadana maalin ilaah keeno ukallah
guurayaan safaaradda.
jaaliyadda Ogaadeenya ee Minnesota ee
Cariga Maraykanka ayaa markay isbar-bar
dhig kusamaysay jaajuuska gudaha ee loo
yaqaano dabaqoodhiga iyo kan dibadda ee
isagu iskii isu qaba ayaa waxa ay
ubixiyen kan dibadda (Waxba qoodhi) taas
oo macneheedu yahay ninka gudaha ee
laydhahdo dabaqoodhi waxa uu qoodhi
uyahay nin Tigree ah oo dhulkiina haysta
mar kastana qori la ag taagan,laakiin
kan dibada jaajuuska ku ah ee isaga
qorina aan lala ag taagnayn dhulkuna
yahay dhul aan laga adkayn waxa uu
noqonayaa Waxbaqoodhi.
Gabagabadii iyo gunanadkii waxaa laga
wada dharag san yahay dadka Ogaadeenya
iyo cadawga Tigreegu heerka ay isla
marayaan oo ah ili aragtay meel kasta oo
la iska soogaadho colaadda iyo
cadaawadda heerkaas gaadhay ragga sidaas
raaliga kaga ah ee maalin layl utafa
xaydan dulaynta iyo gumaynta umadooda ee
si kasta ay bulshadu uga digtay waxaa
lama huraan in qofna uusan ku kadsoomin
nimankaas dub muslinlayaasha ah uusanna
u arkin in uu ehel yahay,qof kasta oo
naruuro mooda in ay wax usoo dhamayn
karaana ha ogaado in qofku isaga oo
raadsada waxa uu rabo ay ka muhiimsan
tahay in iyaga la adeegsado
Mukhtaar Gundid
gundid@gmail.com
Afeef: Aragtida qoraalkan waaa leh
qoraaga ku saxiixan