Goontinta Madax-dhaqameedyadda iyo Hanjabaadda Xukuumadda
Waxaa mudooyinkan danbe Haayadaha warbaahinta hadalo kulkul iyo Eedaynba isku
dhaafsanayey Madax-dhaqameedyadda Puntland iyo Xukuumadda ka dib markii ay
Isimaddu ku Eedeeyeen Dawladda Boqor Cadde mid gudan weydey Hawlaheedii loo
igmaday, dhagahana ku furaysatay talo soo jeedintii Isimadda, taasina ay ku
liftay in ay Shirweyne lagu Bad baadinayo Puntland ay ku dhawaaqaan Isimadu
balse Wasiirka wasaaradaha badan Maamule (Bangax) ayaa sheegay in aysan jirin
go'aamo uga yimi dhanka Isimadda, ayna sharciga puntland baal marsan tahay in
Duubabku ay qabtaan shirweyne aan Dawladda ka soo fulin.
Waraf iyo shiinbiro war iskuma hayaan! Madax dhaqameedyadu waa heerka ugu
sareeya ee DGPl, waana meesha loo noqonayo marka ay xaalad adagi timaado, waxa
ayna Golaha Isimadda Puntland oo aan ahayn mid jira balse marka ay dani timaado
dhisma u arkaan in ay Maanta loo baahan yahay samata bixin iyo Badbaado Puntland
ayna daruuri tahay in la qabto shirweyne la mid ah kuwii 1998 iyo 2001 waa jibna
ka saaran yahay, Isimadda ayaa dhismihii Puntland ka soo ciyaaray koolal aad u
waa weyn, iyaga oo ilaa hadana laf-dhabar u ah jiritaanka puntland,hadii ay
maanta ka seexdaan noqonaysa Ukun dhulka lagu sii daayey!!!
Maxaa ka dhacaysiiyey Odayaasha?
waxaa ka maqan gacanta Maamulka Puntland wali Magaalo madaxdii labaad ee
Puntland oo ay Maamulka Soomaaliland ku qabsadeed xeelad iyo talo balse aan
looga awood sheegan, waxaa had iyo habenba la afduubayaa Ajnabigii ka qayb
qaadanayey horumarinta deegaanka, waxa ay Puntland hooyo u noqotay
Burcad-badeedda Badaha Hindiya iyo Badda Casba, waxaa dalka Saameyey Sixir barar
ay sahashay Dawladdu ka dib markii ay Wasiiradda qaar iyo Ganacsato ay wadeegeen
samaysiga Makiinadaha lacagta daabaca, waxaan jirinba Nabad, waxaa baaba'ay
Ciidamadii Police-ka iyo Daraawiishtaba, Tayadii Maamulku maba jirto, Subaxa
Boqorku yimaado ayaa Xafiiska Puntlandba Furmaa, Dawladduna waa Madaxweynaha
kaliya
Talaabadee ka Qaadi karaan Isimadu hadaba?
hadii ay isku duubni la yimaadaan dhamaan Madax-dhaqameedyadda Puntland oo dhani
ayna ka midaysnaadaan Samata bixinta iyo qarka soo qabaddka Puntland waxa ay
gaadhi karaan Xal waayo Cudud isbiirsatay waa hubaal in ay wax badan badali
karto!
sanadkii 2001-kii kolkii uu wakhtigu ka dhamaaday Odaygga! waa tii ay Isimadu u
wada soo jeesteen Puntland in aysan galin gacanta Cabdilaahi dhamaan
Muwaadininta oo dhani xaq u leeyihiin ay isi soo wada sharaxaan lana qabto
shirwenihii labaad, Madaxweyne Yuusuf Geed dheer iyo mid gaabanba waa uu u
fuulay in aan shirkas la qaban, Isimadii wakhtigaa ugu Dhabarka weynaana waa uu
la wada kulmay gaar gaar isaga oo raadinaya in aan shiri dhicin,lacag inta uu
Isin walibana doono Duluca ugu laabo balse markii uu ogaaday in ay hawshu
marayso Baraka ma leh ayuu Gaalkacyo u Kolanyeystay waana kii soo jabhadeeyey.
Isimaddii waagaas hawsha u dhabar adaygayey badankoodu maanta waa ay xijaabteen
balse badalkoodii ayaad tihiin kuwa maanta joogow, in aan Xabsi u gashaan oo aad
u soo habeyno dhaxdaan, dadaal uusan idinku yaraan oo Ilaahay baa wax suurto
galiya e aysan marnaba hawshaasi idinka dhici soobin ayaa maanta idin la haboon
Xukuumadda iyo Dareenkeedda
Madaxweynaha oo dhawr jeer hanjabaado u jeediyey Isimadda Puntland
qaarkood gaar ahaan kuwa Sool iyo Sanaag ayaan isagu wax sidaas u sii weynba u
arag qayladda, Siyaasi ku dhaw Madaxtooyadda ayaa sheegay mar aan telephone kula
xidhiidhay in aan wax sidaas u sii weynba looga arag madaxtooyadda , arinkan
aniga igu weyn ee ay Isimadu ka dhawaajiyeen, waxana uu ii sheegay in ay Isimadu
kun jeer baaqyo iyo go'aamo ay soo saareen balse aysan waxba ka fulin kanina uu
la mid yahay kuwii hore oo kale
Xukuumaadda Cadde oo iyadu u aragta Dadaalkan iyo Goontintan Isimadda mid ku
dhamaanaysa Kharash iyo wada hadal ayna haboontahay in aan la qaban shirweyne,
Lacagta ay keenaan shirkadaha sahamiska Shidaalka qayb odayaasha loo laabo
Dawladda ayaa iyadu wax weynba u arag amaan daradda ay shacabku ka
qayliyaan,sixir bararka saameeyey dabaqadii hoosena aan wali soo gaadhi Madaxdda
Xukuumadda ,waxa ayna ku dadaalasaa Dawladdu in ay dalka keento Shirkado Baadha
Shidaalka iyo Macdanta ku duugan oo ay dhaqaalo badan ka helan hase yeeshee
Maamul Xumadda, Dhulka maqan,Ciidamadda tayadda yar,iyo Puntland oo qarka ka
laalaata aan arag, talow xagee baa loo socdaa?
Cabdiqani Makhtal Maxamed
cmakhtal@yahoo.com
Laascaanood Soomaaliya
25224105913