Jaaliyada Soomaalida Western Cape K/afrika oo rajo ka muujiyey xaalada soomaalida gobolkaasi.

Ganacsiyo baddan ayaa dib looga furey meelihii horey looga boobey, dad baddan oo Soomaali ah ayaa kazoo baxay xaroyinka iyo masaajidada dibna u bilaabay nolo maalmeedkoodii, waxaana kazoo reeynaya xaalada amaanka ee dalka, sidaasi waxaa manta shir jaraa’id ka sheegey gudiga fulinta ee Jaaliyada Soomaalida weystern Cape oo markii ugu horeysay xafiiskooda ku qaabiley koox saxafiyiin ah oo ka socda qalabka warbaahinta Soomaaliya.

Cabdi Axmed Cumar (jiidow) oo ah gudoomiyaha jaaliyada iyo Maxamed Cusmaan (dheereeye) oo ah afayeenka jaaliyada, ayaa saxafiyiinta u sheegey in xaaladu eey soo hagaageyso, isla markaasina ganacsiyo baddan dib loogu celiyey, meelihii horey looga baro kiciyey, laakiin waxay intaasi ku dareen in wali ey jiraan dhibaatooyin xalin u baahan. Cabdi Jiidow ayaa yiri “ dadaal baddan ayaan u galnay wax kla qabashada dhibaatada Soomaalida gobolkani, wax baddan ayaa nooga qabsoomay, wax baddan waa noo dhimanyihiin, waxaan kiu guuleysanay in aan dadka mideyno walina waan ku raad joognaa arrintaasi, kana daali meeyno, muhiimadu waa midnimada”.

Mudane Dheereeye oo isagu hadlayay inta baddan shirka jaraa’id ayaa faahfaahin dheeraad ah ka bixiyey waxqabadka jaaliyada, waxyaalaha wali horyaala, qaabkii lagu dhisey, dhibaatooyinka soomaalida , iyo ilaa hadda wixii u qabsoomay. Mar uu ka hadlayay baaxada dhibaatada soomalaida ayuu sheegey in dalka lgau diley 474 muddo 10 sanno ah, 3-kun qof lagu barakiciyey gobolkani oo kaliya, kun dukaana lagu boobey gobolkani oo kaliya, wuxuu intaasi ku daray in eeysan jirrin wax magdhow ah oo ay dawladu arrintaasi ka bixisey, balse ay balan qaaday in eey wax ka qaban doonto arrimaha kale ee wax ka qabashada u baahan, sidda amaanka iyo sharciyada.

Labbadani mas’uul ayaa saxaafada oga jawaabay sulaalo baddan oo la weeydiiyey, waxaa ka mid ahaa qilaaf la sheegey in uu ka jirey dhismaha jaaliyada horaantii asaaskooda, balse iminka ay muuqato in uu jirro jawi isfaham ah oo lagu wada shaqeeyo, waxay sheegeyn in la dhisey gole marjac oo iyagu awooda oo dhan gacanta loo galiyay, halka iyagu ay yihiin fulin oo kaliya, wixii loo adeegsana ay fulinayaan, waxay sheegeen in wali ay ku guddo jirraan sidii soomalaida la’isugu keeni lahaa, oo xittaa ay ka fakarayaan isu keenida dhamaan soomaalida dalka joogta iyo mideynta jaaliyadaha.

Si kastaba shirka jara’id ayaa ahaa kii ugu horeeyey oo noociisa oo kale ah oo eey jaaliyada u qabato tiro baddan oo warbaahinta soomaaliya ka mid ah, waxaana ugu wacan warfidiyeeno baddan oo maalmahaan kulamo oga socday Cape Town kuwaas oo urur matala dhawaan oga dhawaaqay meesha.

Dhanka kale waxaa Cape town kusoo gabagaboobey kulan maalmahaan oga socday koox saxafiyiin ah oo ka howlgala qalabka warbaahinta Soomaaliya, Soomaliyana kasoo qaxay, xsaxafiyiinta ayaa waxa ay kulankooda kaga dhawaaqeen urur saxafiyiin oo loogu magac daray ururka saxafiyiinta soomaalida koonfurta afrika, waxaa xubno ka ah 20 wariye, ujeedka loo asaasay ururkani ayaa ah sidii loo hormarin lahaa isku xirnaanta xirfadlayaasha saxaafada iyo sidii soomaalida dalkani looga kaabi lahaa baahida saxaafadeed ee heysa, talaabadani waxaa si weyn usoo dhaweeyey soomalaida dalkani oo ku tilmaamtey mid horumar leh.

Cape town oo eey tahay muddo sanad ah markii iigu horeysey oo aan dib u booqdo ayaa waxaa iiga muuqday horumar xoogan oo Soomaalida ay ka samaysan xaga ganacsiga, dhismooyin cusub, suuqyo waaweyn oo laga dukaameysto iyo shirkado yaryar oo eey soomaalida leedahay ayaa ii muuqday, balse sida dadka ay ii sheegeen ganacsiga soomaalida waxaa soo gaaray dharbaaxo weyn kadib rabshadihii shisheeye naceybka ee dalka ka dhacay.

C/nasir Saxansoxo
K/Afrika | Somalitalk