Nabaddoon Xasan Dhuqub oo Maalintii Labaad Ku Xiran Boosaaso...
Axad, Jan 6, 2008: Xasan Dhuqub oo ah Nabaddoon ka mid
nabaddoonnada Gobolka Bari ayaa maalintii labaad ku xiran magaalada Boosaaso.
Warar ay SomaliTalk.com ka heshay magaalada Boosaaso ayaa
sheegaya in maanta (Axad) ay odayaasha dhaqanka ee uu ka soo jeedo Nabadoonka la
xiray ay la kulmi doonaan Cadde Muuse si ay ugala hadlaan sababta ay
ciidamadiisu u xireen nabadoonka iyo in ay weydiisanayaan in nabaddoonka laga
soo daayo xabsiga.
Nabaddoon Xasan Dhuqub ayaa la xiray makhribnimadii shalay
[Sabti Jan 5, 2008]. Maamulka Cadde Muuse ayaan wax war ah ka soo saarin xariga
nabaddoonka.
Waxaa kale oo maanta Boosaaso lagu xiray weriye kale oo qoraallo
ku soo qori jirey websiteyada oo ah Iidle Macalin Cumar. Waxaa sidoo kale
magaalada Boosaaso muddo laba toddobaad ah ku xiran weriye Cawaale Jaamac
Salaad.
Mid ka mid ah Nabaddoonnada ugu caansan Gobolka Bari oo caawa ay Xabsiga u taxaabeen Cidamada Cadde Muuse
Waxaa ciidanka Madaxtooyda Puntland caawa maqribkii [Sabti Jan 5, 2008] xabsiga dhigeen nabdoon Xasan Dhuqub oo ka mid ah nabaddoonda ugu caansan goblka bari
Xasan Dhuqub ayaa xiligii la xiraayey waxaa madaxtooyda ugu yeeray Madaxwaynaha DGPL Cadde Muuse halkasai ay si deg deg ah ay ciidmadu ugu qadeen xabsiga weyn ,
waana markii ugu horreysay ee nabaddoon noocaan ah lagu xiro gobolada puntlanad taas oo ay aad ula yabeen dadka reer puntanad.
Nabaddoonka la xiray ayaa caan ku ah ka shaqaynta nabadda soo jereenka ah ee puntlanad.
Lama oga ilaa hada sababta loo xiray.
Maamulka xilkiisi dhamaday ee Cadde Muuse ayaa dadku waxay sheegayaan in uu door biday inuu bulshada ku jaahweersho qas iyo qaraxyo uu maleegay si u dadka uga dhaadhiciyo in cadaw ku soo duulay.
Nabaddoon ka mid ah beesha uu kasoo jeedo Nabaddoonka la xiray ayaa shaaca ka qaaday in caawa waxii laga bilaabo aaney jirin wax dawlad ah.
Dhamaan beelaha goblka bari ayaa haatan wada wada ololayn adag sidii loo dejin lahaa beesha uu kasoo jeedo Nabaddoonka la xiray, waxayna ku dadaalayaan in nabad wax ku dhammaadaan.
Nabaddoonno goblka bari ayaa durba soo saray baaqayo adag ay bulshda ugu sheegayaan in la illaaliyo nabadda.
Ilo wargal ah oo jooga
Boosaso. Faafin: SomaliTalk.com | Jan 5, 2008
Minnesota:
Jaaliyadda Reer Kenya oo Qoraal u Gudbiyey Sen. Coleman
 Minnesota Somali Kenyans,
Kenyans, iyo saaxiibadood ayaa Senator Coleman
u gudbiyey cabasho kusaabsan fowdada iyo
qalalaasaha doorashada Kenya....
Akhri warbixinta...
C/Laahi Yuusuf "waa nin meelahaas markasta wixii
uu rabo iskaga hadla, wax kasoo qaadna ma leh wixiisu..."
Sidas waxaa yiri Daahir Riyaale oo
si kulul uga jawaabey hadalki C/laahi Yuusuf ee ahaa...
Akhris/Dhegeysi...
Fadeexada Paltalkga: iyo
Dulmiga Walaasha Muslimada ah
| 
Daabaco
Boggan | Print
