SOMALITALK.COM dahabshiil
w w w . S o m a l i T a l k . c o m
SOMALITALK - WARAR

Tartan k/cagta oo kooxo soomali ah oga furmey, K/Africa

elizabeth: jaaliyadda soomaaliyeed ee Gobolka Eastern Cape oo maanta iskugu timid xaflad balaaran oo aad loo soo agaasimay taasoo lagu furayaya liigii ama horyaalkii kubada cagta ee jaaliyadda soomaaliyeed ee Gobolka Eastern Cape sannadkan 2008,maanta oo axad ah taariikhduna tahay 24-02-08, port ayeey jaaliyadu u furtay liigan afar kooxood oo kala ah
1- iftin
2- waabari
3-horseed
4-al-shabaab

kooxahani dhamaantood ka soo wada baxa GOBOLKA. liiga sannadkan ayaa socon doona 4 bilood sida eey qorsheeyeen howlwadeenadda Hogaanka Arimaha bulshadda ,
jaaliyadda soomaaliyeed ee Gobolka Eastern cape oo dhigtay koobkii sadexaad ee kooxahani lagu tartansiiyo.

Munaasabadii manta (shalay) ayaa waxaa ka hadlay dhamaan maamulka kooxaha iyo kuxigeenka madaxa isboortiga mudane: muxiyadiin nuur jilley iyo madaxa hogaanka arimaha bulshadda mudane: c/raxmaan nuur jilley
waxaa kale oo ka soo qeyb galay xafladdaas isku xiraha jaaliyadda soomaaliyeed ee gobolka iyo xafiiska premier –ah(Gobornatooraha gobolka). mudane: Gongqa oo aad iyo aad u amaanay dowrka jaaliyadda soomaaliyeed eey ka ciyaareyso arimaha bulshadda. Gunaanadkii xafladda ayaa waxaa ka hadlay gudoomiye kuxigeenka jaaliyadda mudane : c/raxmaan Raabi oo ka taabtey arimo badan oo ka mid ah 1-arimaha bulshadda
2- xiriirka jaaliyadda iyo dowladda k/afrika
3-wada noolanshaha shacabka soomaaliyeed iyo shacabka k/afrika ee walaalaha ah.




khudbadii gudoomiye kuxigeenka oo taabaneysay meelo badan ayuu ku soo gabo gabeeyay liiga uu furmey iyo kubadda oo uu laaday.
jaaliyadda soomaaliyeed ee gobolka Eastern Cape ayaa lagu tiriyaa jaaliyadda oogu shaqadda badan ee wadankan .

Kooxanahi oo ciyaartooyda eey wada dhalinyaro yihiin, intooda badana ku nool magaalooyinka, kadib markii eey u barbardhigi waayeen tuulooyinka, oo inta baddan dhalinyarada lagu dilo,halkaasina ku mustaqbeelaan, ayaa talaabadani eey jaaliyadu ku agaasintay wareeg ciyaareed iyo in fursado ciyaareed eey dhalinta u abuurtey, ayaa lagu tilmami karaa talaabo hormar leh, ku dayashana muddan. In dhalinyaro baddan eey magaalooyinka soo gasho waxay qeyb ka qadanaysaa in dhalintu eey helaan fursado waxbarasho, oo jaamacadaha eey u waxbarasho tagaan, laakiin waxay u bahantahay arrintani in madaxda jaaliytadaha, waalidiinta dhalinta shaqada usoo direy, iyo dadweynaha caadiga ahba eey arrintani ku baraarugsanyihiin. Dhanka waxbarasahada ayay soomalidu aad ugu liidataa, oo eey aad u yaryihiin dhalinta waxbarasho u xaadinta. Waxa lagu tirinayaa in dhalinta jaamacadaha u dareerta eey tiro ahaan ka badneyn 100 arday amaba ka yar. Jaamacadaha eey soomaalidu tagto waxaa ka mid ah university of cape town,university of western cape, university of p.e, university of Durban, wits university, unisa iyo kuwo kale.

C/nasir saxansoxo. Johannesburg. Email:southafrica@somalitalk.com,saxansoxo1@hotmail.com

Faafin: SomaliTalk.com | Feb 26, 2008


Kulaabo bogga  www.SomaliTalk.com  © www.SomaliTalk.com