Duqayn Iyo Dagaalo Dad Ku Dhinteen Oo Ka Dhacay Gudaha Suuqa Bakaaraha Ee
Magaalada Muqdisho
Kadib markii tiro madaafiic ah lagu weeraray xarunta villa soomaaliya oo iminka
ay ku sugan yihiin ciidamada AMISOM iyo Ethiopia ayaa jawaabtii ay soo bixiyeen
waxay saamaysay inay ku waxyeeloobaan ugu yaraan dhimashada inta la og yahay
10-qof oo ay labo haween tahay halka dhaawacuna uu kor u dhaafay 20-tameeyo qof
oo rayid ah oo loola cararay isbitaalada magaalada muqdisho .
Duqayntan ayaa timid kadib markii saaka barqanimadii uu iska hor imaad ka dhacay
Ex-wershedii hore ee baastada oo fariisin u ah ciidamada Ethiopia iyo kuwa loo
yaqaano copy-ga ee dalka Ethiopia lagu soo tababaray oo isku dhinac ah iyo
xoogaga islaamiyiinta islamrkaana waxyar kadib hoobiyeyaal lagu weeraray xaruta
madaxtooyada islamrkaana ay ciidamada shisheeye ee halkaasi ku suganai ay
mafdaafiic tiro badan kusoo garaaceen suuqa bakaaraha oo ay bar tilmaameed ka
dhigteen .
Sidoo kale duqayntan oo ahayd mid loo adeegsaday madaafiicda wax gumaada ayaa
saamayn ku yeelatay ganacsiga suuqa oo noqday mid ay iridaha isugu dhufteen
ganacsatada suuqaasi iyagoo qof kastaaba uu naftiisa ula baxsaday halka uu is
lahaa waad ku badbaadaysaa islamrkaana sidaas uu suuqa bakaarugu mudo kooban uu
ku noqday mid faaruq ah .
Maaha marki ugu horaysay oo duqayn noocan oo kala ah loo gaysto suuqa bakaaraha
oo mudooyinkii dambaba uu hoy u noqday in lagu garaaco madaafiicda wax gumaadda
islamrkaana ay bar tilmaameed ka dhigtaan ciidamada dowlada kuwa shisheeye kadib
markii ay dagaalo kusoo qaadaan xoogaga kasoo hojeeda.
Iskusoo wada duuboo duqayntan ayaa kusoo begantay xili la sheegay inay dowlada
Ethiopia ay ciidamadeeda kala baxayso dalka soomaaliya gaar ahaan magaalada
muqdisho iyo baydhabo islamrkaana uu xilka iska casiley madaxweynihii hore ee
dowlada KMG ah c/laahi yuusuf axmed .
faytin yaasiin
Faafin: Somalitalk.com | Dec 30, 2008
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 