Ururka saxafiyiinta SOJASA oo abaalmarino gudoonsiiyey saxafiyiin
Soomaaliyeed.
Sawirro Halkan ka daawo...
Ururka saxafiyiinta SOJASA ayaa
abaalmarino gudoonsiiyey labbo saxafi oo howlhkarnimo iyo shaqo wanaag ku
muteystey xirfadooda saxaafadeed, xaflad ka dhacday Cape Town ayaa waxaa kasoo
xaadirey toboneeyo saxafi oo shir weyne halkaasi ugu soo xirmey.
Shirweynihii labbaad ee ururka saxafiyiinta Soomaaliyeed ee K/Afrika ayaa maanta
lagu soo gunaanaday magaalada Cape Town, kullanka oo ay kazoo qeybgaleen
toboneeyo saxafiyiin ah ayaa looga doodey arrimo baddan oo quseeya saxaafada iyo
Soomaalida dalkaasi ku dhaqan.
Kullanka kadib ayaa abaalmarino shahaadi sharaf ah la gudoonsiiyey saxafi
Cabdikariim Mursal faarax oo abaalmarintaasi ku muteystey farsamadiisa gacanta
ee heerka saraysa, wwaxaa kale oo SOJASA uu abaalmarin shahaado sharaf ah
gudoonsiiyey Saxafi Cabdinaasir Axmed Sh. Bashiir (saxansoxo) oo abaalmarinta ku
muteystey xirfadiisa saxafinimo.
Labbadani saxafi waxaa shahaadooyinka gudoonsiiyey Gudoomiyaha ururka Maxamed
Muuse Nuur (Deeqdarajo) iyo kuxigeenkiisa Cabdiqaadir Axad Dhaqane.
Waxay noqoneysaa markii ugu horeysey ee SOJASA ay abaalmarino bixiso tan iyo
intii la dhisey.
Dhanka kale shirweynaha SOJASA oo ah kii labaad oo la qabto tan iyo intii la
asaasay ururka oo ay ku mideysanyihiin inta baddan saxafiyiinta Soomaaliya kasoo
qaxday dhawaan.
Shirweynaha waxaa lagu falanqeeyey amuuraha saxafiyiinta iyo ururka, warbixino
iyo khudbado ay jeediyiin mas'uuliyiinta ururka, waxyaalihii ururka u qabsoomey
waxaa ugu waaweynaa hergalinta labbo wargeys oo lagu kala magacaabo Xog-Maal iyo
Qurba-Joog, waxaana la'isla meel dhigey in dhawaan website hawada lasoo galiyo.
SOJASA, Email: Sojasa@live.com
Faafin: Somalitalk.com | Dec 28, 2008
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 