Musharax Eng Siciid Maxamed Raage oo ka mid ah Musharaxiinta u taagan Hogaaminta Pl ayaa waxa uu wali Ku sugan Yahayhay Gudaha Caasimada Puntland ee Garoowe, isaga oo Kulamo Wali la leh, qaar ka mid ah Isimada Puntland iyo waliba Aqoonyahanada Gobolka Nugaal, waxana la sheegay inay ka wada hadlayaan sidii Puntland uga dhici lahayd Doorasho Xalaal ah loona Heli lahaa Is Bedel dhab, Musharax Siciid Maxamd Raage ayaa waxa kaloo uu Isimada kala Xaajoonayaa sidii Amaanka PL xooga loo saari lahaa.

Musharax Siciid Maxamed Raage oo mudo Olalihii doorashada ka waday gudaha Puntland ayaa waxa uu intii uu Gudaha Bosaaso Joogay la Kulmay Odayaasha Gobolka iyo waliba Culamada Gobolka kuwaasi oo isla Korfeeyay sidii Loo xejin lahaa Amaanka Puntland isla markaana looga qayb qaadan lahaa Doorasho xalaal ah oo dhamaan ay dadka Puntland Kalsooni buuxda ka Qabaan, siciid Maxamed Raage ayaa dadka yaqaanaa waxay ku Tilmaamaan inuu Yahay Nin Jecel Hormarka dadka iyo Dalka isla markaana la Dagaalama Musuq Maasuqa.

Dhawaan Mar uu SHir Jaraaid ku Qabtay Hotelka uu ka Deganyahay magaalada Bosaaso ayuu waxa uu soo Bandhigay Hadafkiisa ku aadan Doorashada Pl isla markaana waxa uu si Faah Faahsan uga hadlay hadii la doorto waxa uu xooga saaridoono, Musharaxa ayaa sheegay inuu Talaabo Cad ka qaadayo Budhca badeeda Ragaadisay Xeebaha Puntland, waxa uu kaloo si adag uga hadlay Amaanka Pl oo sheegay inuu xooga saarayo dhanka, Waxbarashada ayaa uu Tilmaamay inuu Macalimiinta Iskuulada siinayo Mushaharo si ay Ardayda aan Woodin Lacagta ay ugu dhigtaan Bilaash.
Musharax Siciid Maxamed Raage ayaa ahaa siyaasi aad Looga yaqaan Pl isaga oo Mar Noqday Wasiirka Dekeda ah iyo Kallumaysiga PL in kastoo uu Markii danbe Iska casilay sababa uu ku Tilmaamay Wada shaqayn la"aan dhanka Maamulka sare ah, isla markaana uu door biday inuu xilka iska Casilo, Siciid Maxamed Raage ayaa Markii uu Is casilay Waxay Shacabka Puntland aad uga xumaadeen Casilaadaasi iyaga oo ku sheegay inuu ahaa Muwaadin.


Jaamac Feyte.