Maxaa Ka Soo Baxay Safarkii Madaxweynaha DFKMG Cabdullaahi Yuusuf ee Dalka Jabuuti.
Madaxweynaha DKMG ee Soomaaliya Col/ Cabdullaahi Yuusuf Axmed iyo wafdi uu
hogaaminayo oo ay ka mid ahaayeen madaxda ugu sareysa maamul Goboleedka Puntland
Gen; Cade Muuse iyo xubno kale oo ka tirsan maamulkiisa ay soo gaareen
04/12/2008-da Caasimada dalka Jabuuti, ayaa ka dhoofey Garoonka diyaaradaha
Jabuuti 05/12/2008-da.
Madaxweynaha iyo wafdigiisa ayaa waxaa sii dhoweeyey Wasiirka Cadaalada Dolwada
Jabuuti Md; Siciid Barkhad iyo sii hayaha Safiirka Soomaaliya ee dalka Jabuuti
Amb:- Cabdiraxmaan Maxamed Hiraabe.
Markii ay soo gaareen 04/12/2008-da Madaxweynaha DFKMG iyo wafigiisa oo ay soo
dhaweeyey sii hayaha Safiirka Soomaaliya ee Dalka Jabuuti Amp:- Cabdiraxmaan
Maxamed Hiraabe iyo saraakiil wasaaradda arimaha dibada ee dalka Jabuuti ayaa
Madaxweyanah iyo wafdigiisa waxaa loo galbiyey Xarunta Madaxtooyada ee Dowlada
Jabuuti.
Madaxweyne Ismaaciil Cumar Geele ayaa ku qaabiley xaruntiisa, Madaxweynaha DFKMG
Cabdullaahi Yuusuf iyo wafdigiisa, inkastoo aan si rasmi ah loo sheegin, waxa ay
ka wadahadleen Madaxweyne Ismaaciil Cumar Geele iyo Cabdullaahi Yuusuf ayaa
markii uu kulankooda dhamaadey waxaa la dejiyey Hoteel Kempniski ee Caasimada
dalka Jabuuti.
Warar kala duwan oo aan ka helney ilo lagu kalsoon yahay oo Madaxweynaha DFKMG
Cabdullaahi Yuusuf ku dhow dhow ayaa Imaashiyihiisa waxaa la iigu sheegey “in
madaxweyne Cabdullaahi Yuusuf uu doonayey inay wadahal gaar ah yeeshaan Madaxda
Is-bahaysiga dibu-xoreynta Soomaaliya, balse taasi aysan u suuragelin”.
Laakiin safarkan Madaxweynaha DFKMG uu ku yimid dalka Jabuuti ayaa waxaad moodaa inuu
u dhexeeyo farqi aad u weyn, safarkii ka horeeyey mid kan, arintuna waxay u
muuqataa in uusan kala kulmin Jabuuti wax farax geliya, maadaama Cabdullaahi
Yuusuf uu hore Shir Jaraa’id uu kaga soo horjeeda Shirkii Dibu-heshiisiinta
Jabuuti uu hore u qabtey Magaalada Garoowe, islamarkaana uu ku tilmaamey
shirkaasi mid beeleed, hase ahaatee Madaxweynaha DFKMG ayaa mararka qaar
hadalada ka soo baxa ayaa dadka arimaha siyaasada u dhuundaloola waxay ku
tilmaamaan kuwa aan miizaaneyn, taasoo caqabad ku noqoto horumarka dowlada uu
madaxda ka yahay.
C/risaaq Maxamed Sh. Aadan” Arintaa ma rabo inaan ka hor dhaco, waxaana ka
socota dood adag oo Is-bahaysiga dhexdiisa ah.. Akhri...
Maxamed Macallin Cismaan (All-man) Somalitalk Jabuuti.
fatxumaalik@hotmail.com
Faafin: SomaliTalk.com |
December 6, 2008
|