Gudoomiyaha Gudiga Olonbikada Soomaaliyeed Cabdiqaadir Ibraahim Gacal
(Abkoow) “Soomaaliya ilaa iyo bur burkii intii uu jirey waxaa ay ka
qeyb-gashey..”
Gudoomiyaha Gudiga olonbig-da Soomaaliyeed Md. Cabdiqaadir Ibraahim
Gacal (Abkoow) oo ka qayb galey ciyaarihii 29-aad ee Olonbikada aduunka
oo ka furmey 08/0/8/2008 caasimada dalka China ee Begin oo soo gaarey
Dalka Jabuuti, islamarkaana aan wax ka weydiiyey kulankii uu ka soo
qaybgaley iyo waxyaabihii uu kala soo kulmey ayaa wuxuu yiri
“waxaan ka qayb galney cayaarihii 29-aad ee Olonbikada Aduunka oo ka
furmey 08/08/2008-da Caasimada dal weynaha China ee Begin, wuxuuna ahaa
isu tagii ugu xooga badnaa ee soomara ciyaaraha Olonbikada aduunka,
Soomaaliya waxaa uga qayb-galey 12 xubnood oo u kala qaybsanaa wufuud
iyo ciyaartooy, sida laga warqabo ciyaaraha ka dhacey halkaas waxaa
looga soo baxaa Qaaradaha is reeb reebkooda, maadaama Soomaaliya aysan u
suura gelin in ay ka soo baxdo, Qaarada waxaa jira nidaam la yiraahdo
UNIVERSAL oo ah in dal walba uu ka qayb galo, kana baaqanin meeshaas
laysugutagayo, familkaas weyn ee Ciyaaraha aduunka, waxaan uga qayb
galney laba ciyaartoy Wiil iyo Gabar oo la kala yiraahdo Cabdi Naasir
iyo gabar la yiraahdo Saamiya, labadoodaas iyo Rag kale oo wufuud ah oo
qolo waliba hawl gaar ah lahayd ayaan ku tagney, waxaana ka qayb galney
furitaankii shirka oo ay soo xaadireen 12500 oo ciyaartooy oo ka kala
socdey dalallka aduunka, Soomaaliyana waxay ka mid ahayd dowladahaas ka
soo qayb-galey oo Calankeeda halkaas marey, dadka Soomaaliya matalayey
intooda badan waxaay wateen dharkii Hidaha iyo dhaqanka oo muujineysey
Olondiismaha ciyaaraha micnihiisu waxa uu yahay Sports, Wax-barasho iyo
dhaqan, sidaas darteed, waxaynu ma teleyney intaas, Soomaaliweyn meeshey
rabto ha joogtee Magacaas ayaan ku mateleyney”.
![](28aug43.jpg)
Wafdigeenu wuxuu halkaas joogey 17 cisho, mana ahan markii ugu horeysey
oo aan ka qayb-galno ciyaaraha noocaan oo kale, Soomaaliya ilaa iyo bur
burkii intii uu jirey waxaa ay ka qeyb-gashey kii 1992-dii lagu qabtey
Barcelona, 1996-dii kii lagu qabtey Atlanta Jorje oo American ah, waxay
ka qayb-gashey kii lagu qabtey 2000 Australia, waxay keloo ka
qeyb-gashey kii lagu qabtey Grieg, iyo kan oo hada lagu qabtey China,
waxaana naga go’an inaan ka qayb-galno, inta aynu xilka hayno ama cid
kasta ha qabatee in aan laga baaqan, waxaana ugu soo horeeya kan ka
dhicidoona 212-ka dalka Ingiriiska” ayuu yiri Cabdiqaadir Abkoow oo
hadalkiisa sii wata ayaa intaa ku darey
“Bahda Is-boortiga Soomaaliyeed waxaa faa’iido ugu jirey kulankii aan ka
qayb-galney, waxaa jira mabaadii’da Olondiismaha in cid walba la siiyo
jaanis, awood kasta oo ay leedahay waa in bandhig ka sameysaa meeshaas
uu caalamku isugu yimid, iyadoon loo eegeyn dhaqaalo yaraan, weynida
dalka, tegitaanka goobtaasina waa laga caawiyaa dhinac kasta, sida la
ogyahayna Soomaalida waa tii kala firxatey, waxaana yimid halkaas
Soomaali badan oo ay kala mateleysey dowladaha kala duwan ee ay la nool
yihiin, waana arin lagu farxo, sababtoo ah dadka aad la nooshahay oo aad
Baasaboorkooda haysato inaad ku matasho waa wax weyn, laakiin hadana
waxay ahaayeen dadd Soomaali ah, waxaana jirey dhalin yaro ka kala timid
dalallka Americana, Ingiriiska, Canada iyo Sudan sida la ii sheegey,
waxaana xusid mudan in ay jireen Macallimiin ka timid Sudan iyo Cabdi
Bille oo isna Saudi Arabia ka socdey waana wax lagu faani karo’.
Wuxuu keloo uu sheegey Abkoow “1959 ilaa iyo hada Soomaaliya waxay ka ka
mid tahay 2005-ta xubnood oo ka tirsan Olonbikada aduunka, iyadoo
dagaalo fara badan ay ragaadiyeen Soomaaliya ayey gudiga Olonbikada
aduunka waxay aqoonsadeen Gudiga Olonbikada Soomaaliyeed, iyadoo ay
jiraan Hay’ado gacan nagu siiyey si aan uga qayb-galno kulamada noocaan
oo kale iyo kuwa Qaaradeedba, mana jiro wax garab nagu siiyey Dowlad ha
noqoto ama Is-bahaysiba, sidoo kale mana jiro cid naga hortimid oo inoo
diidey inaan ka qayb-galno kulankan, gudiga Olonbikada Soomaaliyeedna ma
jiro meel uu isku qab-qabsadey, laakiin waxaa jira xiriirada dhexdooda,
is qab qabsi aan badneyn, mana ahan wax sidaa u weyn”.
Mar aan weydiiyey sababta ku koobtey Isboortiga Magaalada Muqdisho ayaa
wuxuu yiri ‘Isboortiga waxaa faafiya nabada, midaas ayuuna horumar ku
gaaraa, waxaana lagu guuleystey in Xafiisyo laga furo laba Gobol sida
Garoowe iyo Baydhabo oo ay hoos yimaadaan Goboladda Bakool iyo Gedo,
waxaa kale oo aan dooneynaa inaan xafiis ka furano Magaalada Kismaayo
iyo Baladweyne, inkastoo Goboladu ay yihiin kuwo aan iyaga isa soo
saarin, islamarkaana aan loo hayn dhaqaalo ku filan’.
Maxamed Macallin Cismaan (All-man) Somalitalk Jabuuti.
fatxumaalik@hotmail.com